اكبت من غير اختصار ما تعرفة عن المكنات التالية؟؟؟

**V1P3R** · 15-03-2010 05:33 PM

اوك انا هثبت لك كلامى ,, انا كنت كاتب موضوع عن الكوازاكى 400 موديل 95 والاخ ميشو ادانى لينك مالوش حل دخلت علية ولحد دلوقتى بستعملة دا اللنك ودا اكبر اثبات ان الكوازاكى و السووزوكى اشد من الهوندا فى السحب والجرى و الباور هورس

دا اللنك Compare 2 motorbikes

**otefa** · 15-03-2010 08:53 PM

معليش اسمحلي ماتقوليش كلام مش محدد اديني مقارنة واضحة بين دراجتين في نفس الفئة والسعة والموديل....الموقع اعرفه من فترة بس انت حدد لو سمحت.

**V1P3R** · 15-03-2010 09:14 PM

ولنفرض هوندا 95 فاير و كوازاكى نينجا 95 دا اللى انا جربتة

**otefa** · 15-03-2010 09:21 PM

المشاركة الأصلية كتبت بواسطة naser_56

عفوا مع احترامي لجميع اصحاب المكن ال 250 عاده او فاير مايسووش حاجه

هو الي عايز يركب ريس عاوز يركبه ليه غير علشان التجميع بتاعه ابسط مثال لما تحب ترازي مع عربيه نضيفه مثلا ابسط حاجه انك بس تدبله ريس وعينك ماتشوف الا النور ابقي قابلني لو عرف يشوف لوحاتك ؟ هل بال 250 تقدر تعمل كده ولنفترض مثلا انك ماشي علي سرعه 120 مثلا وحبيت تعمل كده مع عربيه ماشيه بنفس سرعتك هتقدر تعمل كده بموتسيكل 250 ؟ طبعا صعبه ولو كان في تسارع هيبقي في تسارع بسيط من وجهه نظري الشخصيه اقل حاجه ممكن تتركب تكون 400 او فوق حلاوه الريس في التورك بتاعه ده بيخليك تحس بمتعه السواقه لو انته راكب 900 او 1000 بتعرف الفرق كويس :ob_mak1[1]: والله جات علي ايام كنت ماشي فوق ال 200 وادبله ريس مكنتش ابقي عارف اتحكم في نصف الموتسيكل الخلفي وكان يباوش مني من قوه التسارع بتاعه طبعا كلكم هتقولو هنا الطرق ما ينفعش فيها كده ولكن انا وجهه نظري لو وصله تكون 2كيلو او اقل ممكن تعمل فيها اكتر من كده ومواقف كتير بتحتاج فيها تورك عالي المفروض انك تلاقيه تحت ايدك

هو ده الكلام من الاخر ....بس كلنا بنبقي عايزين نجيب احسن حاجة في الدنبا بس فيه اولويات وفيه ميزانية مربوطين بيه......ده غير الي بيتعلم من الفطنة انه مايبداش علي مكنة احتمال كبير تبهدله او هي نفسها تبهدل منه.....وكلها في الاول والاخر اقدار بس الحرص واجب برده.

**otefa** · 15-03-2010 09:25 PM

المشاركة الأصلية كتبت بواسطة V1P3R

ولنفرض هوندا 95 فاير و كوازاكى نينجا 95 دا اللى انا جربتة

اي حجم!

**V1P3R** · 15-03-2010 11:26 PM

400cc >>>>>>>>>>>>>>

**otefa** · 15-03-2010 11:38 PM

مانا عارف والله انك هاتزنقني الزنقة دي بس اتاخرت قوي ....بعد مافتحنا السكة في الموضوع التاني بتاع الفرق بين الفاير والعادي....بس كمان في نقط تانية بتفرق زي الوزن...محور العجلات...التوازن في الاداء.
عموما مش هاطول عليك تكسب في النقطة دي بس ياباشا ....مع الاعتبار انه استحالة موتور السوزوكي(فيه حرق عالي) يعيش زي الهوندا...يعني قوة علي حساب العمر!

شوف اللينك ده وقارن بين المكن 600 والالف لكل الماركات بس قارن الاستوك يعني الي متركبله بكتير شكمان+باور كوماندر نعتبره زي استوك هاتلاقي ال900 وال1000 كلهم بيلعبو في 9:10 ثواني

Honda 1/4 Mile Drag Racing Timeslips - DragTimes.com

**naser_56** · 16-03-2010 12:19 AM

ياجماعه في نقطه مهمه جدا خلو بالكم منها وهي نسبه الانضغاط وكل ما نسبه الانضغاط كانت اكبر كل ما بيزيد تسارع المكنه وكمان بتزود عدد الاحصنه والادهي من كده بتقصر من عمر البايك وهتعملك مشاكل علشان بتحتاج بنزين اعلي في الاوكتان يعني هتبقي من 92 وطالع خد عندك السوزوكي موديل 2008 حجم 600 نسبه الانضغاط 12:8:1 والهوندا 2008 نفس الحجم نسبه انضغاطه 121 والياماها نفس الموديل والسعه طبعا 600 نسبه انضغاطه 13:1:1 والكوزاكي 2008 نفس الحجم نسبه انضغاطه 13:1:1 او اعتقد 131 يعني تفجير بيحصل جوه المحرك انا وجهه نظري الهوندا افضل في الحفاظ علي روح المحرك طبعا نسبه الانضغاط بالنسبه للي ما يعرفهاش هي بكل بساطه انه خليط البنزين والهواء بينضغط للنسب الموضحه بالاعلي لغايه ماتنزل عليه الشراره يروح مولع وطبعا كل ما انضغط الخليط اكبر كل ما الانفجار كان اشد وبالتالي البستم يروح نازل بأقصي سرعه لأسفل طبعا ممكن اغلبكم بيقولي طيب اخترت سوزوكي ليه لما انته عارف كده ؟ اقلكم بعد الفحص واللف والدوران في المنتديات لقيت تصميم الماكينه بيستحمل نسبه الانضغاط العاليه وكمان فتحات الهواء اصبحت اكبر وكمان البلوف والبساتم اصبحت تيتانيوم يعني هتستحمل حراره اعلي وهتكون نسبه الانضغاط دي عادي خالص وكمان لقيت الياماها والكوزاكي نسبه انضغاطهم اعلي من السوزوكي وكمان في حاجات تانيه زي الويل باس اكبر وثبات احلي !علشان كده احنا اخترناه ياللا قولو وراي الله الله الله الله