مركز صيانه المصريه

**hussein20777** · 14-03-2010 03:30 PM

املك متسوبيشى لانسر موديل 2003
وذهبت مركز الصيانه نهاية جسر السويس لصيانة 80 الف
اولا تتكلم مع مهندس الاستقبال وكانك بتكلم طوبه لا يسمع ولا يرى وعلوى على انه لا يرد على فانه لا ينظر لى وانا احدثه
ثانيا من الساعه 9 الى الساعه 5 انتظار
وانا ارى من الاعلى فى الرسبشن السياره لا يقترب منها احد الا كل نصف ساعه ولا اعلم ماذا يدور يظل 10 دقائق ثم يذهب ويتركه لمدة لا تقل عن نصف ساعه
ثالثا اشتكيت من عضه فى الفتيس وقوبلت بكلمه واحده متهيئلك
ابقى شد الدواسه من تحت الدبرياج شويه
واهم من كل ذلك الاسعار المبالغ فيها جدا بالنسبه للخارج
بصراحه توكيل مقرف
والله انا الان على وشك شراء سياره جديده
لو دبحونى مجيب لانسر من وشهم وهى اصلا فاشله

**m_waheed** · 14-03-2010 03:43 PM

أكيد مش كل الناس زي بعضهم
يعني عندك هنا المهندس / طارق زويل زي البلسم كفاية اهتمامه

تاني حاجة انت برده غلطان المفروض لو مش اخدت حقك تصعد الموضوع وتشوف المهندس المسئول او المدير لغاية ما تتطمئن علي العربية

**hussein20777** · 14-03-2010 04:05 PM

يعم هو انا رايح اصلح ولا رايح اتخانق
انا شفت المعامله كده
قلت لنفسى انا اللى استاهل درب الجذمه انى اشتريت لنسر اساسا

**DrMax** · 14-03-2010 05:17 PM

المشاركة الأصلية كتبت بواسطة hussein20777

لو دبحونى مجيب لانسر من وشهم وهى اصلا فاشله

لو اخترت انك متجبش عربية عشان واحد فى توكيل يخصها عاملك باسلوب مش كويس عمرك مهتشترى اى عربية فى مصر لان زى مالعضو وحيد قالك مش كل الناس زى بعضهم
بس اول مرة اسمع حد بيقول ان اللانسر فاشلة!!!
ده اى عربية نفسها تفشل ولو ربع الفشل اللى فشلته لانسر فى مصر طول السنين اللى فاتت من ايام الكريستاله :)
لا تعليق

**hussein20777** · 14-03-2010 06:05 PM

اتحدث عن البومه 1500cc

**hussein20777** · 14-03-2010 06:05 PM

اقصد القرش 1500cc

**DrMax** · 14-03-2010 06:30 PM

المشاركة الأصلية كتبت بواسطة hussein20777

اقصد القرش 1500cc

الشارك مش فاشلة ولا حاجة
عربية جميلة جدا واوسع من البومه وانا سوقتها بنفسى على فكرة...عربية جامدة مع العلم انى معايا بومه 2009

سبب فشل الشارك فى مصر اولا شكلها شبابى جدا-صعب تبقى عربية عائليه-على العكس من البومه تمشى كلاسيك وتمشى شبابى

تانى حاجة سعرها..وده فى رايى السبب الرئيسى..لان الشارك لما نزلت كانت ب 140 و ب150 الف والناس وقتها كانت متعودة ان اللانسر من حاجة وتمانين الف وانت طالع واخرها 120 ....فالشريحة السعرية اللى نزلت بيها الشارك ظلمتها وخلت الناس متفكرش اصلا فى حاجة اسمها لانسر شارك
ودى فى رايى اسباب استمرار البومة لحد دلوقت بجانب طبعا انها عربية اثبتت كفاءتها وسعرها فى متناول ناس كتير بس انا بتكلم مقارنة ليها بالشارك.
لكن الشارك عربية لا غبار عليها محدش عاب فيها فى حاجة معينه شكلها جامد جدا من برة ومن جوه مع ان فى رايى تابلوه البومه احلى لكن اتظلمت للاسباب اللى قولتها..فمش عشان شكل واحد منتشرش الانتشار بتاع الموديلات اللى قبلو يبقى احكم على اللانسر انها عربية فاشلة ولا ايه؟؟
تحياتى

**mada121977** · 14-03-2010 10:45 PM

هوا حضرتك اول مره تتعامل فيها مع التوكيل ؟
يعنى العربيه معاك من الزيرو وبتعمل صيانتها على طول فى التوكيل ولا
دى اول مره ؟
وبالنسبه لصيانه ال 80 بتاخد وقت طويل علشان بيتغير فيها حاجات كتير بس مش لدرجه انك تستنى للساعه 5 كده كتير قوى

**HeMa_LanCeR** · 15-03-2010 01:03 AM

والله انا حاسس ان في حاجه غلط
الاستاذ بيقول انه معاه لانسر موديل 2003
وتحت بيقول انها شارك 1500
هو كان في شارك موديل 2003 أصلا
وانا حاسس ان الموضوع ده معمول علشان الانسر مش علشان التوكيل

**m.aligamal** · 15-03-2010 05:31 AM

كلام هيما سليم انا فكرت فى البدايه انه بتكلم على المكوه و بعدين لقيته بيقول بومه وبعدين فى الاخر شارك اعتقد كمان شويه هنتكلم فى كريستاله و عيون صفيه و بطه