الموضوع: سؤال عن rpm السلانسيه فى البارد والسخن للبومه

مهو المعضله انى عملت لها سكانر مرتين فى اماكن محترمه علشان اتأكد ان كلامهم مظبوط والاتنين بيقولو ان قرايه كل الحساسات سليمه ومفيهاش مشكله

الايدل غيرناه ولسه الوضع كما هو , وجربنا حساس ال tps من عربيه تانيه سليمه عندى وعمل نفس الفيلم لما جربته

انا مفهمش فى الميكانيكا قوى علشان كدا مش عارف اشخص المشكله تحديدا , بس هل ممكن يكون العيب ده من حاجه ليها علاقه بتسخين العربيه وهى بارده بعيدا عن الايدل لأن كدا الايدل برئ بعد تغييره

التوكيل لما رحت وحكيت لهم المشكله فى صيانه الاربعين نضفولى الرشاشات وقالو انهم ظبطو الكمبيوتر بس ولا الهوا والعربيه خرجت من عندهم زى ما هى بجانب ان شغلهم مبالغ فى سعره قوى ومبيعجبنيش

المشكله بتختفى تماما مجرد ما العربيه تسخن لكن طول ما هى بارده رافعه ال rpm الى عنان السماء :( , ويا سلام لو بارده مثلا وكسرت بقا الدركسيون ده كدا بندخل فى حيز ال 3 rpm ويفضل السلانسيه يتحسن بزياده السخونه لحد ما يرجع لطبيعته لما عداد الحراره يوصل النص

بجانب ان برده محدش فهمنى تفسير ليه بتعمل كدا وهى ماشيه بس حتى لو مموره وبمجرد ما تقف وهى مموره برده يرجع ل 900 لفه مظبوط تانى

وفى عرض كمان , العربيه كل شهر مره كدا متدورش من اول تكه وتاخدلها بتاع 8 ثوانى محاوله اذا كان ممكن ده يوصل لحاجه يعنى

مستنى اقتراحاتكم

تعديل : نسيت اقول كمان ان لما البوابه بتتنضف الدنيا بترجع وردى تانى والعيب بيروح بجانب ان الايدل الجديد اول ما اتركب برده الموضوع اتظبط لمده يوم وتانى يوم رجع زى ما كانت , ايه اللى بيحصل بقا يرجع الموضوع تانى بعد التنضيف او تغيير الايدل وطالما العيب منهم وبيتغير الايدل او تتنضف البوابه مش بيروح ليه

المشاركة الأصلية كتبت بواسطة mohamedezat

بقا كده يااحمد بيه تبقى عضو فى نايل موتورز وعندك مشكله زى دى

بص المشكله دى عموما تكمن فى 3 حاجات والتلاته اقل مما تتخيل وانت ممكن تعملهم بنفسك
ومنها تنظيف البوابات ودى خلصنا منها فى التوكيل

فاضل حاجتين تانين
1- بعد ماتيجى من مشوار والموتور سخن وفى كامل قواه العقليه اطفى المحرك اغلق جميع الانوار وشيل المفتاح من الكونتاكت واقفل الباب علشان نور الصالون تتاكد انه مطفى
افتح كابوتك
افصل كابل البطاريه الارضى لمده 5 دقائق
عيد تركيبه تانى
افتح الكونتاكت لغايه لما لمبه الاتشيك فى العدادات تطفى
شغل الموتور


وشوف المشكله اتحلت ولا لا

هانفترض لقدر الله المشكله مستمره مش هايكون فاضل غير تغيير بوجيهات

ههههههههههههههه لالالالالالالا

متقوليش ان كل الهيصه دى على ايدل ليرن دا انا ممكن اضرب نفسى بالنار

البوجيهات غيرتها على فكره واللى كان بيغيظنى ان الايدل لما بيركب بيبقا مظبوط وبعدين يهيس تانى يوم , يا مسهل هعمل الايدل ليرن وربنا يقومها بالسلامه

تسلم يا استاذ محمد

عملت ايدل ليرن , ولا جديد

المشاركة الأصلية كتبت بواسطة mohamedezat

زعلتنى وفاجئتنى وصدمتنى
:_alshmokh08[1]:

والله يا محمد باشا انا اساسا مش عايز اقولك العربيه مضايقانى قد ايه بالوضع ده وخصوصا ان السواقه على البارد او فى الزحمه بتبقى متعبه والعربيه بتاكل بنزين بشراهه

واللى مضايقنى اكتر ان محدش عارف المشكله من ايه وكل حد اروحله ومشهور وكبير وبتاع لانسر بس وحساسات بس وكلام من دا ويقف فى الاخر عند الحيطه السد اللى كله وقف عندها لدرجه ان حد منهم قالى دى مشكله من كمبيوتر العربيه نفسها وانا مش داخل دماغى الفيلم ده وحاسس ان كلهم صنايعيه مضروبين

بوجيهات وغيرنا مع انى متيقن ان ملهاش دعوه , ايدل وغيرنا و tps وغيرنا وبوابه ونفضناها مرتين وكانت دى الوحيده اللى بتستجيب العربيه بعد تنضيفها وتبقى تمام بس فتره وترجع كما كانت

انا للمره الاخيره هفك البوابه وانفضها وانضف كل الحساسات واركب تانى واجرب يمكن ربنا ينفخ فى صورتها