يا عالم ياهوه يا خلق يا بشمهندسين عايز ميكانيكى بيفهم ويصدق

**giuoshe** · 14-03-2010 10:46 PM

المشاركة الأصلية كتبت بواسطة semsem kane

الدينامو بيدى حوالى 12 فولت وطبعا كل مازادت قوة الماتور بيزيد معاها الدينامو واكبر حاجة تقريبا 24 فولت
فلو الدينامو عندك خرجة اقل من الرقم دة اكيد طبعا الماتور مش هيعمل بكفاءة وهيبرجل جامد كمان
بس انت غلطان انك لعبت فى التاكيهات ,حضرتك ولا كنت بتسمع صوت تخبيط او نقر فى الماتور يبقى تظبطها لية
وبعدين انت بتقول انك حطتها على اسكانر ومطلعش حاجة يبقى ازاى غيرت الايدل
بس انا هاقولك حاجة انت المفروض عيوب الرجة دية بتحصل وهية على السلانسية بيبقى عيوب الرجة والرعشة على السلانسية من الحاجات دية :
1:عدم ظبط الكهرباء
2:وجود خلل فى حساس air mass
3:سدد فى فلتر الهواء,فلتر البنزين, تحس ان العربية الاربى ام بتاعها بينزل مرة واحدة وبيفوق تانى
4:نظام خليط الوقود والهواء عندك مش مظبوط فبيبرجل العربية
5:وجود ترسبات على الرشاشات بتمنع سهولة الاحتراق فبالتالى نقص فى البنزين الواصل للمحرك
6:طرمبة البنزين ضعيفة مش بتوصل بنزين كفاية للمحرك

أذيك يا باشا :
أولاً الدينمو عندى بيخرج 14.2 لو كل حاجة مطفية ولو مشغل كلة حتى التكيف بيدى 13
ثانياً ازاى ازبط كهرباء وهى مفيهاش اسبراتير
ثالثاً انا نضفت فلتر الهوا بس البنزين لاء بس انا مركبة من قريب قوى هو والهوا
رابعا ًممكن يعنى يكون air mass وممكن يكون كان بيبوظ من الاول علشان كدة بتوطى على السلانسية ؟
خامساً اية هو البمسئول عن خلط الهواء بالوقود؟
سادساً انا اخاف اخلى حد يلعب فى الرشاشات يعنى ينضفها علشانانا جربت الحاجة البتتفك ويتلعب فيها مبترجعش تانى
سابعاً الميكانيكى شاف ضغط الطرمبة وقال كويسة
ثامناً التكيهات قلنا نزبطها علشان كان فى صوت نقر تاكية

**giuoshe** · 14-03-2010 10:50 PM

المشاركة الأصلية كتبت بواسطة mrsailor

اكشف على البوبينة و اسلاك البوجيهات .. بس الاوا اكشف على البوجيهات لو مهببة ممكن تجرب سلك بوجيهات عربية تانية .. ولو ضبط غير السلك .. و نفس الشىء بالنسبة للبوبينة

لسة مغير البوبينة والاسلاك فى التوكيل وكمان مغير البوجيهات الاسبوع اليفات

**giuoshe** · 14-03-2010 10:51 PM

المشاركة الأصلية كتبت بواسطة samirayad

أيه اللى حنخسره لو جربنا المناوره دى ............؟

خلاص ربنا يسهل انا شاء الله هجرب بكرة

**giuoshe** · 14-03-2010 10:54 PM

طب ممكن سؤال ؟
هو ممكن يكون القواعد بتاعة الفتيس والموتور لسة بطبع والكوتش بتعها بيريح وخلى الميكانيكى يراجع على المسامير بتعتها تانى ويرجلاش عليها ولا الكلام دة مش صح !!!!!!!!

**SAMEH_FOUAD** · 14-03-2010 11:09 PM

المشاركة الأصلية كتبت بواسطة giuoshe

أذيك يا باشا :
أولاً الدينمو عندى بيخرج 14.2 لو كل حاجة مطفية ولو مشغل كلة حتى التكيف بيدى 13
ثانياً ازاى ازبط كهرباء وهى مفيهاش اسبراتير
ثالثاً انا نضفت فلتر الهوا بس البنزين لاء بس انا مركبة من قريب قوى هو والهوا
رابعا ًممكن يعنى يكون air mass وممكن يكون كان بيبوظ من الاول علشان كدة بتوطى على السلانسية ؟
خامساً اية هو البمسئول عن خلط الهواء بالوقود؟
سادساً انا اخاف اخلى حد يلعب فى الرشاشات يعنى ينضفها علشانانا جربت الحاجة البتتفك ويتلعب فيها مبترجعش تانى
سابعاً الميكانيكى شاف ضغط الطرمبة وقال كويسة
ثامناً التكيهات قلنا نزبطها علشان كان فى صوت نقر تاكية

الحمد لله عامل اية ياباشا
هو مش حضرتك بتقول ان العربية بدأت تعمل كدة بعد التغير الى البوبينة الالكترونى ماتشوف يمكن العيب منها
فلتر الهواء والبنزين بيتغيروا كل 20000 مع التنظيف بالنسبة لفتر الهواء كل 1000 كيلو عشان تحافظ على سحب العربية لا الفلتر دة يعتبر رئة الماتور اللى بيتنفس بيها لو اتسد نفسة هايتكتم ويقطع معاك نظفة تانى وكفاية بقى كدة مصاريف حرام فعلا انا مضايقك عشانك جدا
بالنسبة للair mass فطبعا فدة اللى بيظبط نسبة الهواء اللى داخلة للماتور ممكن تفكة وتنظف مكانة كويس وبردة نظف الفيش بتاعة العربية كلها باسبراى تنظيف البوابة
المسئول عن ظبط اختلاط الهواء بالبنزين هو عندك مسمار الفاكيوم اللى كنت قولتلك علية قبل كدة علية لما كانت العربية بترعش مع التكيف ,ودة المفروض بيتظبط عشان يدى الهواء المناسب للبنزين يعنى مايبقاش اقل او اكتر ,وطبعا بيتظبط على الجهاز
ماقولتلكش شيل الرشاشات منظف رشاشات حلو يتحط مع تفويلة بنزين وتمشى طريق بتاع 50 كيلو متواصل ويفضل يكون طريق مفتوح شوية
ماشى تمام بالنسبة للطرمبة
ماشى يعنى دلوقتى التاكيهات بقت عاملة ازاى عشان ممكن يكون صوت النقر دة من الكستبانات

**SAMEH_FOUAD** · 15-03-2010 12:19 AM

المشاركة الأصلية كتبت بواسطة giuoshe

أن شاء الله بكرة هنضف حساس الهوا بس بالنسبة للمادة اليبتحط مع التفولية انا اعرف انها بتسلخ البستون فهل ده صح اما التكيهات فأنا محستش بأى تغير فى الصوت ومش هركز فى الصوت علشان انا كل مبحاول أصلح حاجة الاقى حاجة تانية باظت فهى حلوة اوى كدة بس يا رب العشة دية تروح علشان فعلاً انا متضايق جداً منها أما مسمار الفكيوم انا لما لعبت فية وروحت التوكيل قالولى انة دة محدش بيقرب منة علشان العب فية يخلى العربية تاكل بنزين وراحوا مغيرين البوابة كلها فانا مش هقرب منة تانى

اولا بالنسبة لمنظف الرشاشات اللى بيتحط مع البنزين فطبعا لأ الكلام دة غلط
بالنسبة لمسمار الهواء لأ طبعا الكلام دة غلط مالوش دعوة طالما انت ظبطة صح خلاص مافيش داعى للقلق دة عامل بالظبط زى مسمار الهواء بتاع الكربراتير
شوف بس واعمل الحاجات العادية اللى قولتلك عليها الاول