الموضوع: هل تركن سيارتك بسهولة ؟؟؟

المشاركة الأصلية كتبت بواسطة Super_Star_h

عجبتنى اوى حق الجميع دى !!
وايه فى بلدك يا سيد بقى حق للجميع ؟؟
ما علينا
لما تكون الملكيه العامه كلها خاصه
اكيد انا كمان هخصخص الملكيه العامه اللى تحت بيتنا

كلمة حق يراد بها باطل

يعني ما كل الناس بتسرق نسرق احنا كمان

و كل الناس بتسكر نسكر احنا كمان ..... إلخ إلخ ؟؟؟

المشاركة الأصلية كتبت بواسطة Super_Star_h

بمعنى اوضح
اما يكون الشارع كله بيركن تحت بيته
وحتى لو مافيش عربيه تحت بيت حد وانا اجى اركن
كأنى فعلت فحشاء

مانا باقول لك انهم غلطانين .... و بعدين ماهو تقريبا أي ركنة بتبقى تحت أو قدام بيت لو كده محدش فينا يروح في حتة بالعربية و كلنا نركن عربياتنا تحت بيتنا

و لو السلوك ده عم محدش هيعرف يركن في حتة ..... يبقى الصح اننا ما نزودوش ...

المشاركة الأصلية كتبت بواسطة Super_Star_h

واما بقى حد يجى منهم يركن تحت بيتى ( بتبقى ليلته سودا ) ده حقى

محدش ادى لحضرتك الحق ده غير نفسك ..... دي ملكية عامة .....

المشاركة الأصلية كتبت بواسطة Super_Star_h

والا هروح اركن عربيتى فى اخر الدنيا واجى بيتنا مشى

الركنة في اي مكان المفروض تبقى باسلوب First Come, First Served .... يعني اللي ييجي الاول يركن ...... و كل واحد و نصيبه .... حضرتك متضرر يبقى تروح تاجر مكان في جراج قرب البيت و تبقى بتركن بفلوسك و محدش له عندك حاجة

المشاركة الأصلية كتبت بواسطة Super_Star_h

اعرف ردى ده بناءآ على ايه بعدين ابقى رد
اتبع اسلوب اشترى وبعدين بيع

مفيش مبرر لاغتصاب الحق العام .... و الا بقى محدش يزعل من اي مختلس او مرتشي في الحكومة يعمل اي حاجة ... و المبدأ لا يتجزا ..... ال 12 متر مربع اللي حضرتك مغتصبهم من الشارع ما يفرقوش حاجة عن اللي واضع يده على 10 فدان .....

المشاركة الأصلية كتبت بواسطة Super_Star_h

ثالثآ : قال تعالى
" يا ايها الذين آمنو اجتنبو كثيراً من الظن ان بعض الظن اثم "

فين الظن؟ انا مازلت على رأيي .... و رأيي كان بناءا على كلام حضرتك اللي مش اقل من 4 اعضاء غيري استهجنوه !!! شفتني ظنيت بيك في ايه؟

المشاركة الأصلية كتبت بواسطة Super_Star_h

وبما انك تسرعت فى الرد عليا من غير ما تفهم انا اقصد ايه ... حضرتك تعتبر اسأت الظن بيا

حلو المبدأ ده ...... !!! لا تعليق

المشاركة الأصلية كتبت بواسطة Super_Star_h

وصباحك فل يا عسل ;)

صباحك زي القشطة