هو حضرتك لسه بتدورررر يا استاذ احمد :))...ربنا ييسرلك الاحوال وترسى على عربية ان شاء الله..
انا سه شارى شارك من اسبوعين ودى كانت الاسعار وقتها:

2009 اخر الاسعار على ما افتكر يعنى:
الوكيل المانيوال ,, 110 (2008)... و 117 (2009)
الوكيل اوتوماتيك ,, الكلاسيك 122 (مع ديسكونت نايل موتورز)
الهاف سبورت 136
السبورت 140
الوكيل جميع الفئات يوجد بها abs &ebd

الخليجى,,
المانيوال 2008 ب 104
الكلاسيك ب 112 (تنقص عن الكلاسيك الوكيل abs ومتشال منها شوية حاجات شكلية زى الابانوس والمخادع)

الهاف سبورت 119..زايدة ابنوس وجنط وسى دى بلاير وفوجات
الخليجى اللى عند ناشونال موتورز كلها اردنى..انا كنت حاسس كدا لما سالته عن البادج بتاع مواصفات الخليجى قالى مش بيبقى موجود ال فى الهاى لاين..بس انا كبرت على اساس الباشمهندس طارق قال مافيش فرق غير فى الكماليات..هو قاللى اماراتى ..سعودى..بس انا اتاكدت من رقم الشاسيه اربع ارقام
وكنت اتصلت بسمير ريان قاللى اردنى وفيها اى بى اس ومافيهاش سى دى بلاير...اتصلت مرة تانية قالى سعودى وفيها اى بى اس و ب 120...اتصلت اخر مرة رد عليا واحد تالت قاللى سعودى ومن غير اى بس اس و ب 120 برضه:)
انا كنت خلاص مش قادر الف تانى وكانت اللى عند ناشونال موتورز عجبانى كاسعر وابشنز فاتكلت على الله وجبتها على طول (وربنا يهدى المعارض والبايعين يارب)

والعربية بقى الحمد الله جميلة جداا من جوه وبره وسحبها معقول جداا..انا لسه بلين وجابت معايا 100 و 120 مرتين تلاتة من غير ما احس وكان الار بى ام لسه فى حدود 2000
وصوته ما بيعلاش الا لما تكبس البنزين وعزلها رائع وما كلتش اى مطبات والاحساس بابعاد العربية جميل جدااا
واحلى من اى عربية كورى كشكل ..واكيد كمضمون برضه

يارب اكون افدتك وربنا يوفقك