عرض للطباعة
اي حد بيفكر يجيب السيراتو بيبقي قدامه 2 منافسين جامدين جدا و هم : الالنترا و الكروز و طبعا مش هتكلم عن اي حاجه اوروبي المهم ايه هي الاسس اللي اخترتوا علي اساسها السيراتو ؟ و ايه الاسباب اللي خلتكم تسيبوا الالنترا و الكروز ؟ مش عايز تخبيط في الحلل :khd: و يا رب يكون موضوعي ده عجبكم :Ob_mak1[1]: عشان ده اول موضوع ليا في قسم الخناقات :khd: قصدي قسم الكيا
بيتهيالى يكون ليا الشرف فى انى اكون اول واحد رد على موضوعك
فعلا هما دول كانو المنافسين بس ضيف لهم كمان الصنى سوبر صالون
اولا قلت لا للكروز بسبب شويه حاجات وهى ان العربيه موتورها ضعيف شويه بالنسبه لحجم العربيه وكمان يعنى ايه اشترى عربيه ب110000 وفيها الزجاج الخلفى يدوى
ثانيا وهو السبب الرئيسى هو التوكيل لان جنرال موتورزاو منصور شيفورليه توكيل مش كويس
اما بالنسبه للالنترا اولا انه ده اخر سنه تنزل بالشكل ده يعنى 2011 شكل جديد وده حيدفن القديم و كمان الباور بتاعها مش عاجبنى و كمان انها بتوطى جدا مع التحميل وبرضه نفس مشكله التوكيل
اما الصنى بسبب انها تقفيل مصرى و شكلها تقليدى جدا وصوت الموتور العالى
وطبعا سبب شراء السيراتو هو الشكل كمان وده مينمعش برضه ان السيراتو فيها قليل من العيوب ولكن اقلهم وبسبب انتشارها و ده حيدى اعلى سعر لاعاده البيع
مع العلم انى احترم العربيات المنافسه ده جدا و الا ماكنتش حتبقى منافسه و خاصه الالنترا فانا اعشقها برضه زى السيراتو
و انا لى الشرف انى اكون ثانى واحد يرد
انا فى مقارناتى الكروز و الالنترا مكانوش فى اعتبارى اساسا (ممكن ترجع للموضوع ده لتفاصيل اكثرhttp://www.nilemotors.net/Nile/125431-a.html )
عموما انا شايف ان كروز اللى فيها الاوبشن اللى زى السيراتو بتزيد عليها حوالى 30 الف جنيه و ده كان خارج عن امكانياتى الماديه
و عموما انا بسوق على مهلى و لما بسافر بمشى قانونى و نادرا لما كسرت السرعه المحدده بس احيانا بشد على سرعات منخفضه (80-130) جوه المدينه لما بكون لوحدى غير كده انا غالبا مع اولادى و بمشى براحتى فكان من اهم الحاجات اللى ببص عليها الامان و لقيت ده فى السيراتو السورى او الاردنى اللى فيها 10 ايرباج
و برضه كنت بدور على اكبر قدر من الرفاهيه ممكن فى حدودو المبلغ اللى معايا و لقيت ده فى السيراتو و برضه مدى انتشارها مشجعنى جدا
الالنترا حلوه بس انا محطتهاش فى حسبانى علشان عندى عقده شخصيه من غبور (انا شغال فى مكتب باهر غبور على فكره)
بصراحه كل لما اعمل مقارنه بين السيراتو و اى عربيه تانيه السيراتو تكسب حتى لما عليت فى الفئه لقيت الكماليات قلت و الفلوس زادت طبعا على حساب الثبات و قوه الموتور اللى انا مش هحتاجه قوى كده بالنسبه لأستخدامى (السيراتو مرضيه جدا لى)
على فكره انا لسه بعمل بحث و ماشترتش بس حبيت اشارك الناس راى و الاشتراك فى المناقشه
السلام عليكم
انا هقولك لية السيراتو احسن واحدة فى المجموعة السابقة
انا متفق جدا معا اراء السادة الافاضل واحب اضيف شوية حاجات
اولا السيارة من الداخل واسعة جداااااااااااااااااااااا وشكل التابلوة تحفة وخصوصا اللون الاحمر فى الليل
ثانيا المظهر الخارجى للعربية جديد و شيك جدااااا وايضا ذات طابع هجومى
ثالثا ثبات العربية حلو جدا وقوة الفرامل جيدة جدا كما ان قوة الماتور مش محتاجة كلام علشان ماتورها قوى جدا ودة الى انا اختبرتة على الطريق + انا سعرها معقول
يبقى السوال هنا ماجبهاش لية
موضوع ممتاز وربنا يستر
ببساطة كل عربية من دول ليها مميزات وعيوب - لكن الحسبة تيجي ازاي ؟؟؟؟؟
السيارة الافضل هيا من تحقق اكبر قدر من ارضاء متطلبات العميل في الفئة دي والمطلبات معروفة طبعا
وبما ان السيراتو حققت اكبر قدر من الارضاء للقاعدة الوسعة من العملاء فكان الاختيار ليها
انا رأيى ان السيراتو بالسعر والمواصفات دى ملهاش منافس
ونجاحها وانتشارها الواضح اكبر دليل
احتمال الالنترا 2011 تكون منافس لو نزلت بمواصفات وسعر كويس
كلام في الجوووووووووووون :10d5c8~1107:اقتباس:
المشاركة الأصلية كتبت بواسطة atrees
القيمة مقابل السعر ... ده مفتاح السر
ديزاين خارجى ساحر... كماليات ممتازة مش هتعوز اكتر من كده
توكيل احسن من غيره - قطع غيار معقولة نسبيا - وهتزداد فى التوفر
وانخفاض السعر مع زيادة انتشارها الكاسح - تخيل لو السيراتو اغلى من كده كانت حققت الانتشار ده ؟؟؟!!!
يتبقى ان السيراتو هى الحصان الرابح لكيا لكام سنة قدام
الكروز كانت بأى شكل من الأشكال خارج حساب ناس كتيير بسبب سعرها المعدى ... خصوصا حملة الدعاية اللى اتعملت فى الأول كانت غامضة أوى ... يا ترى العربية دى هتنزل امتى و هتبقى بكام ... أكيد أغلى بكتير من الأوبترا
و بالتالى كانت الإلانترا هى المنافس الأول للسيراتو ... لكن الإلنترا بشهادة معظم اللى ساقوها إن الدركسيون خفيف أوى بعد ال 100 ... بس فى المجمل كانت منافس قوى للسيراتو و الدليل على كدة إن الإلانترا لحد دلوقتى لسة بتتباع كتير و فيه ناس كتير بتشتريها من غير ما يستنوا موديل 2011
السيراتو بالنسبة لى فى الأول كانت غامضة و مخيفة ... خصوصا إنى جبتها أول ما نزل الموديل 2010 اللى فيه النواكل ... معقول انا أركب كيا ... طب كيا ملهاش شعبية أوى فى مصر زى الدايو و الهيونداى و الشيفروليه و الميتسوبيشى و التويوتا
مكدبش عليك كنت ناوى على الميتسوبيشى البومة ... بس بدأت تختفى بشكل ملحوظ و كانت لسة السيراتو مظهرتش اوى ... فرجعت قلت لأ الإلانترا و خليك فى المضمون علشان على الأقل أعرف أبيعها ... بس اللى شجعنى على السيراتو كان بابا قاللى فلان الفلانى ابن واحد صاحبى عنده معرض عربيات و بيشكر جدا فى السيراتو و بيقوللى إنها هى اللى هتركب السوق بعد اللانسر و الإلانترا
خد بالك كل ده و الكروز كانت خارج نطاق حسباتى تماما ... لأن السيراتو شكلها أحلى و موتورها أقوى و تكسب فى كل حاجة بإكتساح ... لأن الكروز عربية جديدة من برة لكن موتورها قديم و قليل أوى عليها و كتير عليه كمان 6 نقلات ... بس مش معنى كدة إنها عربية وحشة بس هى فشلت فى مصر من وجهة نظرى لأن شركتها ضربت سعر و فوجئت بالحصان الاسود "السيراتو" بيضرب ضربته
أما بالنسة للنيسان صنى فهى أصلا متنفعش عربية ... شكلها حقير جدا و قعدتها ضيقة جدا و فرشها وحش حتى لو كانت الفول أوبشن بتاعها أرخص من السيراتو ال lx "مع الاعتذار للى راكبين صنى" و على فكرة الكورى و اليابانى خلاص بقوا زى بعض بل إنه الكورى يتفوق فى إن قطع غياره و تكاليف صيانته أرخص
و أسف على الإطالة
اقتباس:
المشاركة الأصلية كتبت بواسطة morasystem
اية الكلام الزبد دة يا باشا :) - تماااااااااااااااااااااام
انا فعلا كنت بقارن بين التلات موديلات التى ذكرتها
ولكنى لم اختارهم الثلاث فى النهايه
فضلت كيا سول عليهم لانها فى رنج اسعارهم وتتميز بالارتفاع والقوه والاختلاف عن الغير
ولكن فضلت سول بسبب تألق السيراتو
نورت الموضوع يا حسام باشا و 1000 مبروك التكريم بس انا شايف ان السيراتو المفروض ترخص سنه صغيره و لا ايه ؟اقتباس:
المشاركة الأصلية كتبت بواسطة hosam_optrawy
كلام جميل و سليم و تسلم ايدك يا احمد باشااقتباس:
المشاركة الأصلية كتبت بواسطة ahmed_su
هي دي الخلاصه و تسلم ايدك يا ريساقتباس:
المشاركة الأصلية كتبت بواسطة atrees
ربنا يبارك فيك ياروميواقتباس:
المشاركة الأصلية كتبت بواسطة romeo_6887
انت عايز السيراتو ترخص :) حرام عليك ترخص تروح فين تانى :)
لما السيراتو عايزه ترخص امال الكروز عايزه ايه ؟ تتفجر :)
لأ السيراتو سعرها كدا حلو اوى , بس لو رخصت الفين تلاته مصلحه مش هانقول لأ يعنى :)
طبعا مقدرش أزود أى كلام
فعلا هى من الاخر عربيه أدتنى أكبر أرضاء بأقل سعر وجوده كويسه
مين يعوز أكتر من كده
أقصد دا الهدف الاسمى فى الاختيار
وبعدين عمرى مطلبت منها حاجه و ملقتهاش يعنى شبابى وقت متحب
ديسنت وقت متطلب
تشد تجرى معاك
تريلاكس متقلش لأ
من الاخر مودها من مودى
فعلا المفروض الكروز تتنفجر ب c4 عشان توكيل منصور بيستهبل في سعرهااقتباس:
المشاركة الأصلية كتبت بواسطة Hosam_Optrawy
بس ان جيت للحق فرش الابواب و التابلوه خاماتهم نضيفه جدا
فيمكن ده اللي مغلي سعرها و الله اعلم
اقتباس:
المشاركة الأصلية كتبت بواسطة NoRmAl
ربنا يباركلك فيها يا ريس
على فكرة كل الكلام ده جميل جدا انا من اشد المعجبين بكيا سيراتو وبجد نفسي اجيبها بس انا معايا بصراحة بومة وفي ناس كتير تقولي تنزل من لانسر تركب كيا بس انا مقتنع ان النيو سيراتو اجتاحت الاسواق المصرية وبجدارة والدليل على كده انتشارها
انا هقولك ليه اختارت السيراتو فى كلمتين :
"حب من اول نظره " هههههههه
معاك تمامااقتباس:
المشاركة الأصلية كتبت بواسطة mshawky
انا كنت بقارن بين اللانسر والسيراتو والالنترا
ولما ركبت السيراتو حسيت ان مش عايز انزل منها
كيا تتفوق فى الشكل الخارجى فقط أما المنافسين فالخامات الداخلية أفضل بمراحل
اقتباس:
المشاركة الأصلية كتبت بواسطة cementman
نشكرك علي وجهة نظرك -:44:
ده بس من ذوقك:khd:اقتباس:
المشاركة الأصلية كتبت بواسطة Atrees
بإختصار شديد
عربية فيها كل حاجة ممتازة = ليه مجبهاش ؟ :)
أولا انا طول عمري بركب هاتش باك و قلت اني نفسي اركب سيدان.
تصميمها من جميع النواحي سواء من الأكستريور و الأيرو ديناميكس او الأنتريور و الجمال و الفخامة اللي جوة.
قوة الموتور ال 124 حصان.
جودة الخامات المستخدمة في التقفيل (الفئة العالية).
التقفيل ككل.. متلقيش طقطقة ولا تزييق او فروقات في اي حتة في الصاج!
الكماليات في الفئة الأعلي و بصراحة دي من الحاجات اللي كان ليها سبب كبير اني اشتريها.
الثبات و عالية عن الأرض و توكيلها محترم.
تمام كدهاقتباس:
المشاركة الأصلية كتبت بواسطة cementman
لو جينا قارنا بين السيراتو و الكروز
خامات التابلوه و فرش الابواب بتاعت الكروز حاجه تانيه غير السيراتو خالص
علشان ناعمة وقوية وكلها حنية
متااااااااااااااااااااااا اااابع
موضوع رائع يعكس آراء مستخدمي السيارة ..... متابع بإهتمام .
بكل بساطة انا اخترت سيراتو علشان لو كنت جبت كروز بنفس السعر كانت هتبقى مانوال انا جبت سيراتو اوتو وكمان فيها اوبشنز اكتر من الكروز وب 112 اما بالنسبة للالنترا انا مش بحب البومبية الى فى الصاج بتعها وحاسس ان اى خبطة بتخلى شكلها مش حلو وكان من ضمن عيوبها انها بتوطى جامد على الارض خصوصا لما تركب 3 ورا وانا بركب 3 وبشنط كمان وانا لما قعدت فيها فى المعرض كنت حاسس ان تقفيل السيراتو افضل وعجبنى الاوبشنز الى فى السيراتو اكتر خصوصا التحكم فى السى دى من الطارة والفلاشة ومساند اليد ورا وقدام والجنط دة كله غير الشكل الوهمى الى عاجبنى اكتر من الانترا كمان لكن بصراحة لو بجيب فى الفئات العالية كنت جبت كروز بس هيا اغلى من السيراتو مش اقل من 10 الاف والاوبشنز اقل من السيراتو
سعر مناسب + شكل جميل + كماليات كتير + موتور قوي + توكيل كويس (بس بدأ يخرف)....
دي أسبابي اللي اخترت على أساسها النيوسيراتو, و بصراحه التميز كان سبب بردو قبل ما تنتشر....