الموضوع: اسوق اوتوماتيك ولا مانوال

اتعلم على مانيوال احتياطي

ممكن في يوم من الأيام تحتاج تسوق عربية مانيوال ، محدش عارف الأيام مخبية له إيه ؟

بيتهيألى مفيش فرق لانى اول ماتعلمت اسوق عربيات كانت اوتوماتيك وبعدين اتعلمت اسوق مانيوال ومكنش فيه اى صعوبة وبسوق الاتنين ومفيش فرق

بس نصيحة منى حاول تسوق الاوتوماتيك واتعلم المانيوال براحتك

هى لو كانت المانيوال ممتعة شوية بس حتلاقى نفسك كرهت عيشتك كلها لما بتبقى سايق مانيوال وماشى على الاول وكل شوية دبرياج وفرامل وبعدين دبرياج وبنزين وممكن يستمر معاك الحوار دا لمدة كيلو مثلا بسبب كتر الزحمة اللى احنا فيها فالافضل فى بلدنا دى الاوتو

المشاركة الأصلية كتبت بواسطة abdo_eldesokey

اتعلم على مانيوال احتياطي

ممكن في يوم من الأيام تحتاج تسوق عربية مانيوال ، محدش عارف الأيام مخبية له إيه ؟

كلام مظبوط ممكن تتحط فى موقف مصيرى و تحتاج تسوق مانيوال و المانيوال اليومين دول بقا ناعم جدا و الدبرياج تقريبا ما بتحسش بيه و ممتع جدا و فيه ميزة بقا احب ازودها الفرملة فى العربية المانيوال ليها الافضلية انت فى المانيوال بتتحكم فى العربية بالدبرياج و تقدر تهديها على كيفك بس الاوتوماتك بتنقل على طول من البنزين للفرامل و ممكن لو ما عندكش احساس الفرملة كويس تهبد فرامل جامد او تعمل العكس و تحسس عليها و العربية ما تقفش كويس غير كمان ان تحكمك بالتسارع بتاع المانيوال و الحرق على النقلات و الجرى فى المواقف الحرجة احسن بكتير و جربها كده اما تيجى طالع من مقطورة طويلة و تسقط نقلة عشان تخلع منها

لو بتمشى فى شوارع زحمة كتير يبقا احسنلك الأوتو

سواقه المانيوال لا يعلى عليها تحكم وتجاوب قوى مع العربيه لكن للأسف بلدنا عايزه الاوتوماتيك ولو اتعودت على الاوتوماتيك هيبقى صعب بعد كدا تسوق مانيول بسهوله