حد محتاج معلومات عن السيات قرطبة

**SEATLOVER** · 07-01-2008 01:01 PM

يا جماعة لو فى حد عايز يعرف اى معلومات عن السيات قرطبة موديل 2001 يقوللى انا معايا العربية دى من زمان اوى و اعتقد انها من افضل السيارات الموجودة حتى الآن . فعلاً مش اقادر اركب عربية تانية . شكراً

**محمد المصرى** · 07-01-2008 01:27 PM

يا باشا انا بعشق العربية ده

بس انا ان شاء الله عايز اقابلك

لان بفكر جديا ان اشتريها

ممكن حضرتك تقولى ساكن فين والميعاد الى يناسبك لو مفيهاش ازعاج

وشكرا مقدماً

**SEATLOVER** · 07-01-2008 01:48 PM

شكرا يا محمد باشا على ردك الجميل .بس انا مش بفكر فى البيع دة خالص دلوقتى لانى مش عارف ممكن اطلع على اية زيرو العربيات بقت مش مناسبة لسعرها خالص و لازم تعدى ال 100 عشان تجيب حاجة ذى اللى كانت مستعملة معاك .

**محمد المصرى** · 07-01-2008 02:58 PM

يا باشا انت فهمتى غلط

انا عايز اشترى قرطبة عموما

بس انا عايز اقابلك اتفرج على العربية عموماً واجربها

ده بعد اذنك ولما يسمح وقت

**SEATLOVER** · 07-01-2008 03:27 PM

يا محمد ممكن تدور على صور موديل العربية على النت موجودة .لكن موضوع التجربة دة صعب شوية .على العموم لو عايز تعرف اى معلومات عنها انا تحت أمرك

**محمد المصرى** · 07-01-2008 03:36 PM

الف شكر يا باشا

انا كان معايا ابيزا 94 1300 cc
وقعدت معايا حوالى 3 سنوات وكنت بحب العربية ده جدا جدا

ودلوقتى الحمد لله معايا فكترا 99 1600 cc ومعايا تويتا ترسيل 1300 cc ( بتاعت زوجتى )
وكنت بفكر ابيع الترسيل واجيبلها قرطبة

بس انا كنت متخوف من سحب القرطبة عشان انها 1000 cc

ده الموضوع كله

ممكن تقولى حضرتك سحبها اخباره ايه

**memoss** · 07-01-2008 03:41 PM

يا ريت يا باشا مع موضوع السحب ده أخبار قطع الغيار كتوافر و سعر و عمر افتراضي و كمان سهلة للميكانيكية ولا لأ

شكراً

**Xpert** · 07-01-2008 03:46 PM

عندك معلومات عن القرطبه التسعينات ؟ اللي زي الايبيزا كده ؟ .. قدامي موتور اي بي اف بتاع سيات قرطبه جي تي اي .. هوه هوه بتاع الفولكس بس عاوز اعرف بقي ايه نظام العفشه .. عفشتها تركب علي الايبيزا .. و لو فيه حاجه من الجولف تركب عليه و كده .
شكراً

**SEATLOVER** · 07-01-2008 08:29 PM

بالنسبة يا محمد عن سؤالك عن السحب الناس كلها بتفتكر ان سحبها ضعيف عشان 1000 cc لكن دة مش صحيح اطلاقاً العربية سحبها ممتاز بس بشرط تكون مظبط العربية من حيث الفلاتر و الكهربا و غيرة لآن الناس دى بتعمل عربية صح و حاسبينها كويس اوى . لكن متسبيش العربية محتاجة حاجات كتير و مخنوقة و تقول دى سحبها ضعيف .
* و بالنسبة لسؤال memoss عن قطع الغيار انا متابع مع التوكيل دايما حاجاتها متوفرة و حتى برة موجودة بوفرة لانها نفس حاجات الابيزا العادية موديل فوق ال 2000 و ناس كتيرة اوى فاهمين فيها لان الابيزا موجودة كتير و بالنسبة للاسعار اعتقد انها كويسة جدا بالنسبة للعمر الافتراضى لها و كمان اداءها ايضاً

*بالنسبة لسؤال xpert عن القرطبة تسعينات بصراحة هى مع واحد صاحبى بيشتكى من عفشتها و أن العربية واطية و المطبات بتأثر فيها .

**mohamed ibiza** · 07-01-2008 11:57 PM

Cordoba Ts3enat Al 7aga Al W7eda Fi Al W2t Dh Alli Mmkn Al Wa7ed Yshtki Mnha Fi Al 3fsha Al Msa3den Ana 3ndi Ibiza 94 3'irt Msa3din Fi Al Sana Al 12 Mn 3mr Al 3rbya Hia Msa3dinha Gamed Gedan Bs Lama By7tago T3'''iit By2rfo Fi Al Mtbat Ana Mgrb Anma 3'ir Kda 3rbya Gmela Gedan Gedan Ll 3lm Ana 3aml B Ibiza 94 387 Alf Kilo Wla 3mra Wla Shnbr W Al Motor Mdrbsh Feeh Mfk Until Now 3rbyat 7mola Gedan A7la Mizatha Sbatha Al Ra2e3 Ana Grbt Sbat Al Ibiza L7d 170 Kanet Zi Al Fol W Until Now Lw Al 3rbya Fadia Bt3di 160 Lw Mhrya T7mil 145 Bs 3rbyat B Sra7a Kfaaaaaaaaaaaaaaaaaa222222222222aaaaaaaaaaaaaaaaa Ana A3rf Wa7d 3ndo Cordoba 2001 Msh 3ayz Yfrt Feha R3'm Anha 1000 Cc Bs 3rbyat Zi Al Fol

Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzzzzzzzzzzzaaaaaaaaaaaaaaaaaaaaaaaaaa For Ever

الموضوع: حد محتاج معلومات عن السيات قرطبة

LinkBack

أدوات الموضوع

عرض

-

-

-

-

المواضيع المتشابهه

محتاج معلومات عن رينبو

محتاج معلومات عن الجولف 4

محتاج معلومات عن مازدا 3 2006

مساعدة فى معلومات عن سيات قرطبة

محتاج معلومات عن السوران

الكلمات الدلالية لهذا الموضوع

المفضلات

المفضلات

ضوابط المشاركة