الموضوع: سؤال في فتيس الكروزالأوتوماتيك

المشاركة الأصلية كتبت بواسطة agmgranturismo2006

لا شكر على واجب المهم انا دورت ع النت لقيت ان فيه بعض الشركات بتعمل فتايس اوتوماتك بيسموها maintenance free يعنى ما بتحتجش صيانة مش معناها انك مش هاتغير زيت لا معناها مش محتاجة تشيك على الزيت لانها مقفولة sealed و الحل الوحيد انك تطمن على الزيت انك ترفع العربية و فيه تحت زى ازازة زى بتاعت ميزان الميا اللى بتقيس بيه مستوى البلاط فيها زيت ماشى طول ما الزيت فيها يبقا الفتيس تمام انت ارفع عربيتك فى بنزينة و بص عليها من تحت او لو غاوى و عندك مزاج ارفعها انت بنفسك بالكوريك بتاع العجل و انزل تحتيها و بص من تحت الفتيس لان بنسبة كبيرة فتيسك من النوع المقفول ده و لو كان فيه عصاية مقاس كانت بانت و ابقا قل لنا على النتيجة

ياباشا مايجيبها إلا رجالها الف مليون شكر على المعلومة المهمة والجديدة دى وإن شاء الله انا نازل أجازة الإسبوع القادم وأشوف قولك ايه الأخبار ولو انى متأكد إنها هتكون كدا فعلاً وشكراً ألف مرة

المشاركة الأصلية كتبت بواسطة KSA2011

فيه كلام كتير هنا فى المنتدى بيقول ممنوع منعا باتا تغيير زيت الفتيس

بيتهيألي كلام غريب

المشاركة الأصلية كتبت بواسطة ksa2011

زيت العربيه ماشى
لكن زيت الفتيس ده انساه خالص
فيه كلام كتير هنا فى المنتدى بيقول ممنوع منعا باتا تغيير زيت الفتيس

انا فعلاً أول مره أسمع موضوع ان زيت الفتيس ميتغيرش لو ممكن حضرتك تتفضل مشكوراً وتوضح أكتر أو لو ممكن لينك الموضوع وشكراً