سؤال عن فتيس الميجان 1 و 2

**falconmas** · 28-08-2012 10:06 PM

هو فتيس الميجان 2 ممكن يركب على الميجان 1 ؟؟؟؟؟؟
انا اعرف واحد بيقولى انو مغير فتيس فى ميجان 1 ولما جه يشترى جاب يتاع ميجان 2 وركب من غير تعديل ولما سالته عن الاستبترونيك قالى عادى بيتلغى
هلى الكلام ده منطقى ؟
يا ريت لو حد بيفهم فى الموضوع ده يرد يعرفنا

**MohammedAladel** · 30-08-2012 03:20 AM

جايز يا باشا محدش يقدر يرد عليك فى الموضوع دا غير حد يكون فك وركب وشغال فيهم وشاف الاتنين بس هل وصلات كهرباء الميجان 1 هى نفسها الميجان 2 فيه حاجات كتير محتاجة تتعرف عشان تقدر تحكم

بس ممكن يكون آه ليه لأ خصوصا إن ميجان اللى بتنزل مصر مش ميجان الرياضية فجايز يكونوا مغيروش الفتيس المانيوال بتاعها والله أعلم بس هنا صعب تلاقى حد يجاوب إجابة أكيدة

ممكن تسأل فيها مهندس فى التوكيل هو اللى هيجيبلك من الآخر وجايز لأ ههههههههه

**falconmas** · 30-08-2012 09:44 PM

انا بتكلم عن الفتيس الاوتو مش المانيوال
هو اكيد مختلف علشان فيه ستبترونيك
بس ينفع يركب على ميجان واحد ويتلغى الستبترونيك ؟
ولو ركب هيبى فيه مشاكل

**MohammedAladel** · 31-08-2012 03:07 AM

مفيش حاجة إسمها يتلغى الستب ترونيك أنا أول مرة أسمع عن الحتة دى الفتيس متكامل مع بعض يعنى المفروض يا إما يشتغل يا إما لأ

**mmoneim** · 02-09-2012 03:07 PM

الاتنين واحد الاختلاف فى الكنترول بتاع الفتيس والعصايا وفيه حساس بيبقى ملغى فى الميجان 2 وبيركب فى الميجان 1 يعنى الكلام صح بتعبير اخر

**a_aboelseoud** · 11-09-2012 10:27 PM

انا كنت عند عادل الميكانيكى فى صقر قريش و قالى ان فتيس الميجان 2 ممكن يركب على الميجان 1 بس الناس بتشترى للميجان 1 الفتيس بتاعها عشان فتيس الميجان 2 أغلى طبعا لان فتيس الميجان 1 بيعمل تقريبا من 3000 ل 3500 لكن فتيس الميجان 2 اعتقد بيعمل 5000 جنيه