جربت السولار بدل البنزين فى اللوجان ؟؟؟

**amr.elsayed** · 17-03-2010 11:58 PM

المشاركة الأصلية كتبت بواسطة CryptonX

و هل حضرتك اثبت ان اللوجان مينفعش تمشي بالبنزين ال 80 ؟
دى محتاجة عربية لوجان هدية علشان نجرب فيها هو انا لاقى فلوس العربية فى الارض علشان اجرب فيها بنزين 80 وبعدين احنا عندنا كتالوج للعربية والحمد لله بنعرف نقرا انجليزى وصانع السيارة لا ينصح ببنزين اوكتان اقل من 91 نقوم احنا علشان البنزين عندنا من اجود الانواع نقوم نحط بنزين 80 هل دة يعقله عاقل
و هل اعترف صاحب الموضوع الي معاه لوجان اصلا انه كاذب ولا حاجة ؟
انا مش عارف حضرتك بتكذب مين بالظبط ... لو حضرتك قصدك على العضو معانا اللى بيحط بنزين 80 فهو حر فى عربيته يا رب يحط فيها فيروز اناناس انا ماليش دعوة
لكن محدش ينصح حد بحاجة غلط واحنا نفضل نتفرج وساكتين يبقى احنا كدة بنأكد الغلط ولا ايه رأيك اعمل موضوع واقول للناس كلها ان صانع السيارة دة مش بيفهم وبنزين 80 دة مفيد جدا لماتور ورشاشات العربية

انا مش بتكلم على الفكرة .. انا بتكلم على الهجوم الفظيع الي بلا سبب مبرر و ده شيء ملحوظ عامة في مواضيع اللوجان حتى لو مش على موضوع البنزين ده .

انا اللى مش عارف هجوم ايه بالظبط هو حضرتك مش واخد بالك انك فى قسم رينو ولا ايه

الموضوع لا مستاهل حق ولا باطل .

للاسف

**engehab** · 18-03-2010 01:27 AM

الموضوع لا يتعدى كونه تجارب شخصية واعتقد ان كل شخص له القدرة على تحديد الانسب والملائم له

الصانع كتب على غطاء التانك 91 -95 --98

وانا وانت احرار نلتزم بالامر ده او نخالفه كل شخص بيتحمل عواقبه

وانا شخصيا ذكرت تجربتى سابقا فى موضوع بانى استخدمت 80 لظروف حدثت ان محطات البنزين القريبة منى لم اجد فيها 90 فجاة واضطريت له واكتشفت ان لا يوجد فرق ومن وقتها بعمل تخليط بين الاتنين 90 --80

وقابلت شخص معاه اوبترا يعنى لوجان ونصف فى المحرك والاداء والامكانيات وكل شئ وشغال ب 80 بقاله 4 سنين متواصل

فى النهاية مثل ما قلت دى تجارب شخصية وكل واحد عنده عقله اللى يحكم بيه ومعتقدش ان المنتدى فيه اطفال غير قادرة على التفكير والانسياق وراء افعال ممكن تسبب لها ضرر

ومثل الاخ ما قال ان لو المنتدى منع عرض التجارب الشخصية والخبرات منعا لحصول اضرار اعتقد انه من الافضل نغلق المنتدى وكل واحد ينام فى بيتهم لان وظيفته الاساسية كده انتهت

بالتوفيق

**Super_Star_h** · 18-03-2010 04:20 AM

المشاركة الأصلية كتبت بواسطة cementman

بعد الناس ما قالت انهم بيحطوا بنزين 80 ممكن حد يطلع يقول انه بيحط سولار من ساعة ما جابها و مفيش مشاكل
و كمان ممكن يطلع مسئول يقول ان أزمة السولار سببها اللوجان !!!!!

لازم احط على الجمله دى 100 خط

انا زعلتك فى ايه ؟
عشان بحط بنزين 80 فى اللوجان من ساعة ما جبتها وقولت محصلش فيها اي مشاكل ؟
هو انا غلط اما قولت يا جماعه انا بحط بنزين 80 ؟؟؟؟؟؟؟؟؟؟؟؟؟
يعنى اكدب واقول انا بحط بنزين 95 ؟؟؟؟؟؟؟؟؟؟؟؟؟؟
انا بقول الحقيقه ... ومحدش يقدر يكدبنى عشان انا مش بكدب
ولو حد كدبنى فى حاجه .. هاجبله 100 اثبات ودليل انى مالك العربيه لوجان
برضو هرجع واقول انت ايه اللى مزعلك ؟؟؟؟؟؟
دى عربيه ب 67 ألف جنيه
يعنى مش بى ام دبليو ولا فولكس ولا مرسيدس ولا فرارى
بحط بنزين 80 وعارف انها فيما بعد هتحصل اضرار ومشاكل بسبب البنزين
والاخوه هنا فهمونى ايه الاضرار اللى ممكن تنتج عن كده .. كتر خيرهم
ورغم كده انا متحمل كافة الاضرار دى اما تحصل
ولو وصلت بأن العربيه بقت خرده .. هبيعها واجيب الاعلى منها
فى 60 سلامه الماتور على الرشاشات على العربيه كلها ..
فلوسى ولاقيها فى الشارع .. وانت مالك ؟
وانا يا جماعه من بكره همون العربيه كوكاكولا وبيبسى

انا حر محدش له عندى حاجه
ده ايه العالم الغريبه دى انا عمرى ما شوفت كده
انا اتخنقت من المنتدى ده بصراحه
وكرهتونى فيـــــــــه
حسبي الله ونعم الوكيل
ودى اخر مشاركه ليا فى القسم وفى المنتدى كلـه ...
لا اله الا الله .. سيدنا محمد رسول الله
.
.
.
.

**Ahmed Selim** · 18-03-2010 08:01 AM

أنا مش عارف بصراحة أيه لازمة الجدل ده كله ؟؟؟؟؟؟؟؟؟

صانع العربية بيقول اقل رقم اوكتان يتحط فى العربية هو 91

هل صانع العربية أهبل و ميعرفش حاجة ؟؟؟؟؟؟
ولا مشارك فى محطات البنزين و بياخد جزء من الربح ؟؟؟؟؟؟

اللى عاوز يحط بنزين 80 هو حر بس واجب على الناس اللى فاهمة أنهم يعرفوه أن ده على المدى الطويل هيأثر تأثير سلبى على العربية

و ده اللى بيحصل........ليه فى ناس مش عاوزة الناس تنصح بكده ؟؟؟؟

يعنى الأخ super star طلع عارف أن على المدى الطويل ده هيأثر على الموتور......و هو متقبل ده و على أستعداد لتحمل عواقبه و عنده أستعداد يتخلص من العربية كلها لما يحصل فيها مشاكل

بس تفتكرو كام واحد من اللى معاهم لوجان أو غيرها حتى عندهم نفس الأستعداد ؟؟؟؟؟؟؟؟ أعتقد هيتعدو على صوابع الأيد الواحدة

و برضه لازم نعرف ان اللى بيقرا الكلام على المنتدى فيهم كتير ميعرفش ايه الضرر اللى بيسببه بنزين 80 للموتور و يدخل يلاقى واحد كاتب أنه بيحط بنزين 80 بدون مشاكل....يبقى غالباً هيعمل زيه و ممكن يحصله ضرر و يرجع يلوم المنتدى و الناس اللى فيه

أرجو من الأخوة اللى مستغنيين عن العربية و على أستعداد يحطوا بنزين 80 أو حتى بيبسى على رأى كريم أنهم يكتبو فى المواضيع اللى بيعملوها عن البنزين ال 80 انهم على علم بأن البنزين ده قد يضر العربية على المدى الطويل و أنهم على أستعداد لتحمل عواقب ده

عشان اللى مش عارف و يدخل يلاقى موضوع زى ده يبقى فاهم أن صاحب العربية متقبل حقيقة ان ممكن يحصله مشاكل على المدى الطويل.

**lawerxx10** · 18-03-2010 11:49 AM

فى بعض بيحب انو يلفت الانظار ليه وال ما يعرفش فى العربيات ما يشترى علشان المصايب ال بنشوفها على الطرق وفتوى السولار بلاش ارد عليه علشان ممكن ردى يكون مخالف لقواعد المنتدى وبدعيلو ان ربنا يعفوا عنه آآآآآآآآمين

**cementman** · 18-03-2010 11:52 AM

المشاركة الأصلية كتبت بواسطة lawerxx10

فى بعض بيحب انو يلفت الانظار ليه وال ما يعرفش فى العربيات ما يشترى علشان المصايب ال بنشوفها على الطرق وفتوى السولار بلاش ارد عليه علشان ممكن ردى يكون مخالف لقواعد المنتدى وبدعيلو ان ربنا يعفوا عنه آآآآآآآآمين

امين بس يا ريت تقرا الموضوع أولا قبل الرد

**AbO_FaRaH** · 18-03-2010 12:42 PM

المشاركة الأصلية كتبت بواسطة ahmed a.maksoud

أنا مش عارف بصراحة أيه لازمة الجدل ده كله ؟؟؟؟؟؟؟؟؟

أرجو من الأخوة اللى مستغنيين عن العربية و على أستعداد يحطوا بنزين 80 أو حتى بيبسى على رأى كريم أنهم يكتبوا فى المواضيع اللى بيعملوها عن البنزين ال 80 انهم على علم بأن البنزين ده قد يضر العربية على المدى الطويل و أنهم على أستعداد لتحمل عواقب ده

عشان اللى مش عارف و يدخل يلاقى موضوع زى ده يبقى فاهم أن صاحب العربية متقبل حقيقة ان ممكن يحصله مشاكل على المدى الطويل.