مشكله مش فاهمها في فتيس لانسر بومه

**hashour** · 18-03-2010 12:28 AM

المشاركة الأصلية كتبت بواسطة m_waheed

جزاك الله خيرا علي الرد وهي زي ما انتي قولت
بكرة ان شاء الله روح علي التوكيل والموضوع مش هيطلع اكتر من تزويد زيت وحساسات
بس ريت في المكشلة دي بالذات بلاش لمكانيكي بره وان شاء الله تطمنا بكرة

ربنا يبارك لك فيها ان شاء الله ويديك خيرها و يبعد عنك شرها.....ان شاء الله انا حاروح التوكيل بتاع جسر السويس ده يوم السبت ان شاء الله....انا بكره اصلي عندي شغل كتير جدا....عموما خير.....حبقى اقولكم اخر التطورات ان شاء الله

**el931** · 18-03-2010 01:18 AM

المشاركة الأصلية كتبت بواسطة mohamedway

http://www.nilemotors.net/Nile/55824-2006.html

ممكن حضرتك تدخل على الرابط ده و تقرأ الموضوع هيفيدك جدا.

ارجوا ان تكون قرأت هذا الرد ودخلت عالرابط وقرأت ما فية بعناية لانة مهم جدا

فبداية شكرا ً استاذ / mohamedway لانك جبت المفيد والخلاصة وانا نزلت جبت كتيب الصيانة الدورية من السيارة وبة " انة يجب تغيير زيت الفتيس على 40 الف كيلوا " لكن اعتقد ان مش دة المشكلة وانا شخصيا ً لو مكانك كنت سأفعل الاتى :-

- عدم تشغيل السيارة نهائيا ً
- تحميل السيارة الى التوكيل فورا ً بالرغم من المسافة بينى وبين التوكيل تذيد عن 800 كم - حتى لو كانت السيارة خارج الضمان -
- ترك التوكيل يفعل ما يراة مناسبا ً لاصلاح العطل اى ما كانت التكلفة وان شاء الله تكون بسيطة

وموضوعك ورد استاذ محمد جعلنى اخذ قرارى بالذهاب للتوكيل لعمل الصيانة الدورية لانى معى لانسر 2010 خليجى دبى بضمان الرواس وعاملة 10 الاف كيلو ولكننى كنت متردد فالصيانة لان صيانة ال 10 الاف لاتتجاوز تغير زيت وفلتر مع بعد المسافة عن التوكيل ولكن ارى ان الصيانة ضرورية ومهمة وربنا يسترها ان شاء الله

مع تمنياتى لك ان تكون المشكلة بسيطة

**mohamedway** · 18-03-2010 11:17 AM

المشاركة الأصلية كتبت بواسطة hashour

ربنا يبارك لك فيها ان شاء الله ويديك خيرها و يبعد عنك شرها.....ان شاء الله انا حاروح التوكيل بتاع جسر السويس ده يوم السبت ان شاء الله....انا بكره اصلي عندي شغل كتير جدا....عموما خير.....حبقى اقولكم اخر التطورات ان شاء الله

فرع جسر السويس بالحجز فلو انت مش حاجز روح المركز الرئيسى بقليوب و إنزل من البيت بدرى جدا بحيث تكون أمام باب التوكيل بالكتير الساعة السابعة و النصف صباحا (هم بيشتغلوا من الساعة الثامنة) و لو روحت متأخر هيبقه دورك متأخر قوى و هتنتظر كتير قوى هناك لأنه بيبقه زحمه قوى و خصوصا يوم السبت.

حاول تكون أول واحد يخش التوكيل بقدر الإمكان عشان تخلص.

**mohamedway** · 18-03-2010 11:26 AM

المشاركة الأصلية كتبت بواسطة el931

ارجوا ان تكون قرأت هذا الرد ودخلت عالرابط وقرأت ما فية بعناية لانة مهم جدا

فبداية شكرا ً استاذ / mohamedway لانك جبت المفيد والخلاصة

وموضوعك ورد استاذ محمد جعلنى اخذ قرارى بالذهاب للتوكيل لعمل الصيانة الدورية لانى معى لانسر 2010 خليجى دبى بضمان الرواس وعاملة 10 الاف كيلو ولكننى كنت متردد فالصيانة لان صيانة ال 10 الاف لاتتجاوز تغير زيت وفلتر مع بعد المسافة عن التوكيل ولكن ارى ان الصيانة ضرورية ومهمة وربنا يسترها ان شاء الله

مع تمنياتى لك ان تكون المشكلة بسيطة

أولا: لا شكر على واجب وإحنا بندخل المنتدى ده عشان نفيد و نستفيد من بعضنا.

ثانيا: طبعا الصيانه الدورية مهمه للحفاظ على الضمان و لضمان سلامة تشغيل السيارة و أحب بالمناسبة ألفت نظرك لأن فتيس البومه 1600 موديل 2010 مش زى الفتيس الأتوماتك للموديلات اللى قبلها و هو ليس cvt وده انا باعتبره ميزه و هو معمر أكتر من الcvt و إعتماديته أكبر و لو باظ فيه حاجه ممكن يتصلح و مش لازم يترمى و يتجاب غيره زى الcvt

الفتيس اللى عندك أوتوماتك 4 نقلات ستبترونك.

**hashour** · 18-03-2010 01:22 PM

شباب ...السلام عليكم
انا كلمت فرع جسر السويس علشان قريب مني ...قالوا لي أول حجز في شهر ابريل....
كلمت فرع قليوب ..قالوا لي ممكن اجي يوم اﻷحد الجاي
كلمت فرع المهندسين ..قالوا لي ممكن تيجي في اي وقت...
ايه رايكوا ..اروح فرع المهندسين ده يوم السبت ولا استنى واروح قليوب يوم اﻷحد

**mohamedway** · 18-03-2010 01:30 PM

روح قليوب يوم الأحد من النجمه و إنزل بردو بدرى جدا.

**مصراوي جدا** · 18-03-2010 06:26 PM

مش لازم تنتظر للأحد ، ممكن السبت كمان باذن الله تيجي قليوب بس الساعة 8 وانا مكتبي في الدور الثاني وباذن الله يطلع الموضوع بسيط

**KSA2011** · 18-03-2010 08:09 PM

يا بختك يا عم هتقابل الباشهمندس طارق
حط فى بطنك بطيحه صيفى بقى واطمن

**mohamedway** · 19-03-2010 09:15 AM

مش لازم حجز فى مركز قليوب و لكن اللى حاجزين بيبقه ليهم أولوية..... و لكن انت مثلا لو جاى من بدرى و كنت أول واحد يسجل صيانه لعربيته يبقى خلاص.............

إعمل كده و إطلع للبشمهندس طارق زى ما قال لك و هو هيهتم بنفسه بعربيتك و ممكن ينزل معاك بنفسه الورشه و يوصى المهندسين عليها..... يعنى مفيش بعد كده.......إسأل مجرب.....ده راجل خدوم جدا و محترم جدا و بيحب يساعد الناس.

مش بعيد تلاقى البشمهندس طارق حاجزلك كمان :)