الموضوع: ما هى التلفيات المترتبة على استخدام مياه الحنفية بدلا من المياه الخضراء ؟

ايوه بالظبط كدة....والميه المعدنية فيها املاح برده.....الي بيستعمل ماية من الحنفية بقاله فترة يخلي باله انه لو حط مايه خضراء احتمال كبير جدا الرادياتير عنده يبقي زي المنخل لانها هاتشيل الصدا وتفتح مكانه اخرام.

مش عارف ليه الناس معتقدة أن المياه المقطرة مش حتجيب صدأ؟؟؟؟؟؟؟؟؟؟؟
يا إخوة الصدأ ليس له علاقة بتقطير المياة الحكاية أن الأملاح غير موجودة في المياة المقطرة وبالتالي تقل الرواسب كثيرا ولا يظهر الصدأ بسرعة لكن أي حديد ساخن يتعرض للمياة الخالية من الإضافات حتى لو كانت مقطرة لابد من تكوين طبقة الصدأ واسألوا أي كيميائي في هذه النقطة.
لابد من المياه التي بها مانع صدأ أو مايسمى Rust Inhibitor سواء كانت خضراء أو زرقاء أو حمراء وده شيء معروف عالمياً.
واللي عاوز يتأكد من كده ينزل المياه المقطرة من الموتور في مرة من المرات ويشوف فيها صدأ ولا لأ مش كده ولا إيه.
شكراً لكم جميعاً.

انا ليا راي لاخواني في المنتدي
اكيد كلنا عندنا تكييف
افضل ميه للردياتير هي الميه اللي بتنزل من التكيف هي افضل بكتير من الميه المقطره وعن تجربه لكل العربيات اللي في العيله قديم وحديث
وابقي جربوا وقولولي ايه الاخبار

طيب الصدا يجي منين اذا كان الردياتير الومنيوم
والكوعة والموتور ستيل او مش صفيح على الاقل (على ما اعتقد) والخراطيم مطاط ؟!!!!

المشاركة الأصلية كتبت بواسطة shankosi

خلي بالكو من الميه المقطره لانها في منها مضروب كمان

لا حول ولا قوة إلا بالله .. هو فيه حاجة في مصر لسة ما إضربتش ..
والله أنا خايف لا النفس البشريه نفسها هي إللي تتضرب

المشاركة الأصلية كتبت بواسطة skybird

طيب الصدا يجي منين اذا كان الردياتير الومنيوم
والكوعة والموتور ستيل او مش صفيح على الاقل (على ما اعتقد) والخراطيم مطاط ؟!!!!

بلوك الموتور من الداخل حديد زهر