الموضوع: بجد مش لاقى عنوان

المشاركة الأصلية كتبت بواسطة aif

انا اللي باشكرك على النقاش المحترم ده
وربنا يكرمك ويوفقك ويرضي عليك
تصبح على خير بقي علشان خلاص معاد نومي جه :y_hi_3[1]:

تصبح على خير يا أستاذ أحمد وأحلام سعيده :))

المشاركة الأصلية كتبت بواسطة aif

ماحدش قال انك تسيب ما انعم الله عليك به
لكن ده تناقض غير عادي في الاوضاع
يبقى اضعف الايمان انك تحمد ربنا على انه عافاك مما ابتلى به غيرك
وكمان تحاول تساعد غيرك باللي تقدر عليه .... ولو بالتعاطف ولو بالدعاء
لكن ما ينفعش اني انغمس في ملذات الحياه ولما حد يفكرني باخواني اللي بيموتو ... اقول يعني ايه المطلوب مني اروح اموت معاهم
......
الواحد مش عارف يقول ايه
هو مش المفروض اننا امة عربية اسلامية .... يبقى لما حد مننا يكون بيموت م الجوع .... وحد مش لاقي يشرب وحد مش لاقي يعيش ... وناس بتتقتل .... واطفال بتموت
يعني حتى التعاطف معهم كتير علشان ح يجيبلنا إكتئاب ؟؟؟؟
بلاش ياسيدي ............. ادعيلهم ربنا يفك كربهم ..... ده مش كتير
خلي بالك اننا ممكن كنا نبقى احنا اللي في مكانهم ..... وشوف احوال الدنيا حواليك .... كل يوم بحال
الحمد لله الذي عافانا مما ابتلى به غيرنا وفضلنا على كثير ممن خلق

المشاركة الأصلية كتبت بواسطة aif

الحمد لله انك عارف اني مش باقصدك انت او حد بشخصه انا اللي اقصده ان صاحب الموضوع نقله علشان يفكرنا ان لنا اخوان في محنه ....
ماحدش قال اننا مانشوفش كورة ..... وانا باتفرج ع الكورة
لكن الموضوع بيفكرنا بانهم في محنة .... يبقى ما ازعلش واقوله انت عامل الموضوع ليه ؟؟؟؟؟

ببساطة ممكن موضوع زي ده يخلي واحد يروح يدفع تبرعات ليهم
ممكن واحد تاني يتبرع بالدم ليهم
ممكن واحد يصلي ويدعيلهم
ممكن واحد يتعاطف معهم
ممكن واحد ينشر كلمة ليهم
...
ممكن دول كلهم برضه يعيشو حياتهم ويشوفو كوره .... ماحدش قال لأ
لكن اللي مش معقول ان لما يتعمل موضوع زي ده تلاقي ردود محبطة .... يعنى مؤداها ... فكك م الحوار الكئيب ده .... احنا يعني نعمل اية
...
اللي مش حيعمل حاجة يسكت ..... يمكن غيره يعمل
الرسول الكريم لخص الحوار ده كله في جملة بليغة ..... لا تصدر الا عنه
من آمن بالله واليوم الآخر فليقل خيرا او ليصمت ........ هو ده الصمت البليغ .... هو ده السكوت الإيجابي
ومش عيب اني ما اعملش حاجة ..... لكن لو مش قادر اعمل حاجة .... يبقى اسكت زي النبي ماقال
فهمت قصدي يا باشا

الله يفتح عليك يا استاذ احمد
يا جماعه هو مش فيه حاجه اسمها حرية الراي
اللي مش عاجبه الموضوع او الكلام ميتعبشي نفسه انه يعلق افضل بدل ما يعلق وندخل في حوارات تبعدنا عن الموضوع الرئيسي
وبعدين احنا هنخفي الحاجات دي يعني علشان الناس متزعلشي ولا ايه
فيه حاجه اسمها تذكرة
ولو مفيش تذكره يبقى عمرك ما هتحس بنعم ربنا عليك ده كلام اكيد مش خيال
قال الله عزو وجل ﴿وَذَكِّرْ فَإِنَّ الذِّكْرَى تَنفَعُ الْمُؤْمِنِينَ﴾
فلو مكنتش هتنفعك يبقى تأكد انها هتنفع اخرين كثير