يا جماعة هو كلام وخلاص
يعنى ايه غالية وعلى اى اساس؟؟؟
طيب تعالوا نقارنها بكل العربيات الى فى نفس الفئة subcompact
وشوفوا اذا كانت غالية والا لا
الهوندا ستى ب 126
الفورد فييستا برده 120 وزيادة كمان
الاوبل كورسا الجديدة 1400 بتبدء من 110 وبتوصل ل 140 والا 150 !!
فيات 500 برده حسب الكماليات بتوصل وبتكسر مستريح
بيجو 207 من حوالى 130 الف وفى منها لحد 200 الف رغم انها صغيرة !!
هقول ايه والا ايه
الفكرة ان العربيات الصغيرة اصبحت مطلوبة وبقى ليها زباينها
انا مثلا مؤمن بيها وخصوصا فى الدول المزدحمة والمدن الضيقة
وبالتاكيد لو كان معايا فرق الفلوس كنت دفعت 125 الف فى الياريس 1500 وانا مطمئن جدا ومستريح وعارف ان انا اشتريت حاجة تستاهل السعر دا ومفيش مغالاة ولا نصب ولا تهييس
احنا بس الى متصورين ان اى عربية صغيرة تبقى لازم تكون رخيصة !!!
شوفوا الفورد كا ب 100 الف وكاسره كمان وعربية صغيرة جدا
الفييستا بتوصل ل 130 الف و 1400 سى سى
البولو الجديدة بيقولوا هتبقى تحفة وحاجة جامدة جدا
فى الجراند بونتو بتوصل برده ل 130 الف ودا بعض التخفيضات والعروض لانها كانت وصلت ل 140 واكثر
الهوندا السيتى دى اقرب مثال
نفس فئة الياريس والعربتين يايابنى
والنتيجة الهوندا سيتى 1500 ب 126 الف
والياريس 1500 برده تقريبا هى دى قيمتها
ايه الغريب فى كده .
طبعا فى عربيات كورى وصينى وهندى وماليزى اكبر نوعا ما وكماليات اكثر نوعا ما برده
بس هى بقى ادمغة وازاواااق
فى واحد عاوز المانى ومش بيحب مثلا اى عربيات اسيوية وانا اعرف ناس كده
فى ناس بتحب العربيات اليابانى ويتؤمن بيها جدا
وفى الى بياخد بالشكل والكماليات ومش بيفرق معاه ان السلعة تكون معمرة والتقفيل يكون معدى مرحلة معينة
عادى حسب دماغك وفلوسك وحسب العربية تمثلك ايه
دى فلسفة وعقائد ومذاهب ودنيااااا
بس الشىء الاكيد والمثبت بالمستندات الرسمية
ان التويوتا ياريس ايا كانت سعتها اللترية سعرها منطقى وطبيعى جدا
والعربية ممتازة وناجحة جدا ومحبوبة فى العالم كله
وال 1500 منها رهيبة كسحب وشد وتعجب الى غاوى جرى اوى
وزى ماشفتم كل المنافسين اسعارهم غالية فا اشمعنى بقى الياريس !!!!!
المفضلات