ريحة بنزين عند بداية التدوير

**محمد الشامي** · 20-03-2010 11:35 PM

المشاركة الأصلية كتبت بواسطة shankosi

أستغفر الله
انا مش بتريق طبعاً وكلنا هنا اخوة

وبكره انت هتقولي معلومة والعملية ماشية كده يعني...

ياسيدي انا بهزر معاك

ومشكووووووور تاني على توضيح المعلومه

**kareembelal** · 20-03-2010 11:49 PM

المشاركة الأصلية كتبت بواسطة samirayad

قد يكون عندك الآتى

1- عيب بوجيهات

2- فلتر هواء مش تمام

3- بلف أيدل أو بوابه ( عاوزين شوية صيانه )

4- بداية عيب فى الرشاشات ( عيب تسييل ) وسيزداد مع تقدم الأيام

وهذا هو الأحتمال الأكثر أنتشارا ......( ولكنه أحتمال ولا نستطيع الجزم به حاليا )

قد يكون هناك عيوب أخرى
ولكنها ستكون فى دايرة الأشعال أو دايرة البنزين

وبالتالى فهو أمرا ليس عاديا ( وهو ظهور ريحة بنزين مع بداية الدواره والتسخين )

ويجب عليك المشى مع الأحتمالات واحده واحده ( الى أن يختفى العيب )

يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان

فهل يعد ذلك مؤشر علي بوظان العربيه وهي زيرو ؟؟؟

والملاحظ انها زي ما تفضل العضو shankosi ووضح ان الريحه بتختفي بعد مؤشر الحراره ما يرتفع للمعدل الطبيعي

ارجو الاهتمام لان اجابتك لعبت فيران البلد كلها في عبي لاني كده اشتريت عربيه زيرو معيوبه وانا ماعرفش

**samirayad** · 20-03-2010 11:54 PM

يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان

فهل يعد ذلك مؤشر علي بوظان العربيه وهي زيرو ؟؟؟

يعنى شوية ريحه
حيبوظوا العربيه

هههههههه

أنا عندى العربيه زيك من الزيرو
وبأدور وعمرى ماشميت ريحة بنزين نىء وقت الدواره

بأشم فقط رائحة عادم ( ناتج من عملية الحريق العاديه )

ولكن ليس به أى رائحة بنزين نىء ملفته للنظر

ارجو الاهتمام لان اجابتك لعبت فيران البلد كلها في عبي لاني كده اشتريت عربيه زيرو معيوبه وانا ماعرفش

أحتمال بأه

عربيتى اللى بايظه .............!!!!!!!!!!!

**samirayad** · 21-03-2010 12:02 AM

أنا حقولكوا على فكره حلوه أوى

كل واحد بيدور ويشم بنزين يقول

واللى مبيشمش بنزين ميقولش

وأحنا حنعرف فين الصح

**samirayad** · 21-03-2010 12:08 AM

يا باش مهندس العربيه عندي بتعمل كده الصبح فقط اول الدوارة من اول ايامها في حالة الزيرو وما زالت حتي الان

فهل يعد ذلك مؤشر علي بوظان العربيه وهي زيرو ؟؟؟

حقولك على فكره مش بطاله ياكريم بيه

طلع البوجيهات وشوف الجاب فيها مقاسها قد أيه

وظبطها بالفيللر على مقاس
من 0.7 الى 0.8 مم

وجرب الوضع الجديد للدواره

**kareembelal** · 21-03-2010 01:26 AM

المشاركة الأصلية كتبت بواسطة samirayad

حقولك على فكره مش بطاله ياكريم بيه

طلع البوجيهات وشوف الجاب فيها مقاسها قد أيه

وظبطها بالفيللر على مقاس
من 0.7 الى 0.8 مم

وجرب الوضع الجديد للدواره

هاجرب واقولك ان شاء الله

**kareembelal** · 21-03-2010 01:48 AM

المشاركة الأصلية كتبت بواسطة samirayad

يعنى شوية ريحه
حيبوظوا العربيه

هههههههه

طبعا لو زيرو وفيها اي حاجه غلط في نظري تبقي بايظه ومقلب
لأني ما اشتريتش زيرو علشان اروح لميكانيكي تاني يوم

بأشم فقط رائحة عادم ( ناتج من عملية الحريق العاديه )

ولكن ليس به أى رائحة بنزين نىء ملفته للنظر

بالنسبة للفظ ملفت للنظر دي اللي بشمه او ملاحظه ريحه بتحرق في العين مثلا كده وبيبقي منتشر في الحيز خلف العربيه وبالعكس اثناء النهار وبعد الاستعمال لو وقفت جمب العربيه مافيش اي رائحه من اي نوع

أحتمال بأه

عربيتى اللى بايظه .............!!!!!!!!!!!
لما انت عربيتك اللي بايظه تبقي عربيتي اروح ارميها بئي

**MMamdouh** · 21-03-2010 03:09 PM

المشاركة الأصلية كتبت بواسطة shankosi

شوف سيادك انا حاقول شرح مبسط على قدر ما أعرف.

السيارات الحديثة المزوده بوحدة كمبيوتر بتعمل في 3 حالات تشغيل
Open Loop
Closed Loop
Limp Home

اللي يهمنا هو الحالتين الأولتين

أول ما بتشغل السيارة وهي بارده الكمبيوتر لا يعتمد على الأشارات الواصله له من الحساسات وبيشتغل بناء على ثوابت مبرمجه عليه من المصنع وبيكون فيها فتح مجرى الهواء وزيادة ضغط البنزين اكثر من الطبيعي وهي دي حالة Open loop وبتساعد على انك تمشي بالسيارة مباشرة بدون تسخين او ما يعرف بـ Cold Start.

اول ما السيارة توصل لدرجة التشغيل الطبيعية الكمبيوتر يبدأ في قراءة إشارات الحساسات المختلفة ويبدأ ضبط مخلوط البنزين والوقود للنمط الطبيعي وتدخل السيارة في حاجة اسمها Closed Loop

في الحالة الأولى طبيعي نشم من العادم ريحة بنزين عاليه شوية بس مش طبيعي اننا نفضل نشمها في الحالة التانية بعد السيارة ما تسخن والحالة التانية تبدأ تشوف العادم في شكل بخار مياه او نقط مياه من الشكمان.

في ناس كتير عربياتها ماشية على طول Open Loop ومش حاسين وبيشتكوا من استهلاك بنزين عالي، والعربية السليمة لازم تكون تدخل Closed Loop بعد فتره من التسخين.

مع الأسف لا يظهر اذا كانت السيارة في حالة Open Loop أو Open Loop إلا من خلال جهاز سكانر.

أرجو اني اكون ساهمت بمعلومة كويسة... عشان مش عايز الفضول يقتلك ولا حاجة!

تحياتي

+1

MMamdouh

**samirayad** · 21-03-2010 10:35 PM

بالنسبة للفظ ملفت للنظر دي اللي بشمه او ملاحظه ريحه بتحرق في العين مثلا كده وبيبقي منتشر في الحيز خلف العربيه وبالعكس اثناء النهار وبعد الاستعمال لو وقفت جمب العربيه مافيش اي رائحه من اي نوع

طيب ياباشا
ماهو كده أنت تمام

وأنا مش شامم ريحة بنزين فى كلامك

يبقى فين البنزين.............؟