حداف الزيت

**mohamedway** · 21-03-2010 01:14 PM

ايه علاقة الحدافه ده بالزيت؟؟؟؟؟؟

أنا من الأول عرفت انها مش المقصود بيها عمود الكرنك و دول بيبقوا عمودين بيلفوا على جانبى الموتور كل الهدف منهم هو توليد قوة طرد مركزية من كل عمود و يبقه القوتين من العمودين عكس بعض فى الإتجاه و متساويين فى القوه و ده أوبشن فى الموتور لمنع إهتزازه و كأن حد ماسكه و بالإضافه لللكاوتش اللى فى قواعد الموتور فمتحسش بالموتور خالص داخل العربيه و لا تشعر بأى إهتزاز.....(ده طبعا رفاهيه فى العربيه و مش مهمه لعمل الموتور فى حاجه)

العمودين دول المفروض يكونوا بيدورهم سير الكاتينه أو سير خاص مع طنبورة الكرنك..............

السؤال بقه ؟؟؟ إيه علاقتهم بدورة الزيت؟؟؟؟؟؟ إلا لو كان اللى بيدورهم مش سير و لكن مواتير هيدروليك تعمل على تدفق زيت المتور اللى جاى من الطلمبه و انا لا أعتقد ذلك لأنه هيبقه شىء غبى جدا من المصمم.

لو حضرتك فاهم علاقتهم بدورة الزيت يا ريت تقولنا و بالنسبالى هتبقه معلومه جديده و ممكن لو فهمتنى اقدر أفيدك أكتر.

**egypto** · 21-03-2010 07:19 PM

المشاركة الأصلية كتبت بواسطة mohamedway

ايه علاقة الحدافه ده بالزيت؟؟؟؟؟؟

أنا من الأول عرفت انها مش المقصود بيها عمود الكرنك و دول بيبقوا عمودين بيلفوا على جانبى الموتور كل الهدف منهم هو توليد قوة طرد مركزية من كل عمود و يبقه القوتين من العمودين عكس بعض فى الإتجاه و متساويين فى القوه و ده أوبشن فى الموتور لمنع إهتزازه و كأن حد ماسكه و بالإضافه لللكاوتش اللى فى قواعد الموتور فمتحسش بالموتور خالص داخل العربيه و لا تشعر بأى إهتزاز.....(ده طبعا رفاهيه فى العربيه و مش مهمه لعمل الموتور فى حاجه)

العمودين دول المفروض يكونوا بيدورهم سير الكاتينه أو سير خاص مع طنبورة الكرنك..............

السؤال بقه ؟؟؟ إيه علاقتهم بدورة الزيت؟؟؟؟؟؟ إلا لو كان اللى بيدورهم مش سير و لكن مواتير هيدروليك تعمل على تدفق زيت المتور اللى جاى من الطلمبه و انا لا أعتقد ذلك لأنه هيبقه شىء غبى جدا من المصمم.

لو حضرتك فاهم علاقتهم بدورة الزيت يا ريت تقولنا و بالنسبالى هتبقه معلومه جديده و ممكن لو فهمتنى اقدر أفيدك أكتر.

هوا فعلا زى ما قلت حضرتك هدفهم منع الاهتزازات بتاعة المتور وبيدورهم سير لوحدهم من خارج البلوك لاكن اضافة الى ذالك با البلدى كدة بيحدفو زيت على البيل او البستم من تحت.
ونا النهاردة شوفت عمود الكامة دة والتلف الى فية مكان ما بيركب فى البلوك فى حاجة زى قميص كدة مكسورة والميكانيكى قال انو ها يلغية ويشيلة ويلحم مكانة وها يرجع ضغط الزيت قوى لان لو عايز ترجعها زى ما كانت فبريكة يعنى ها تغير بلوك و وش الى بيركب فية الحدافات دة
ولو هما وزنة زى ما بيقولو يبقا مش مهم يتلغو ولا اية

**mohamedway** · 22-03-2010 04:04 PM

المشاركة الأصلية كتبت بواسطة egypto

هوا فعلا زى ما قلت حضرتك هدفهم منع الاهتزازات بتاعة المتور وبيدورهم سير لوحدهم من خارج البلوك لاكن اضافة الى ذالك با البلدى كدة بيحدفو زيت على البيل او البستم من تحت.
ونا النهاردة شوفت عمود الكامة دة والتلف الى فية مكان ما بيركب فى البلوك فى حاجة زى قميص كدة مكسورة والميكانيكى قال انو ها يلغية ويشيلة ويلحم مكانة وها يرجع ضغط الزيت قوى لان لو عايز ترجعها زى ما كانت فبريكة يعنى ها تغير بلوك و وش الى بيركب فية الحدافات دة
ولو هما وزنة زى ما بيقولو يبقا مش مهم يتلغو ولا اية

ماشى كلام حضرتك تمام و متشكر على الشرح و الإيضاح بس بردو فيه سؤال ما زال قائم:

ايه علاقتها بضغط الزيت؟؟؟؟؟ و متقوليش بتحدف زيت على البيل و الكرنك لأن الكرنك مش بيتزيت بالطريقه ده

إلا لو مفيش طلمبة زيت و الحدافه ده بتقوم بدور طلمبة الزيت و الإتزان فى نفس الوقت وفى الحاله ده لو لغيتهم مش هيبقه فيه ضغط خالص.

المفروض ان الكرنك بيتزيت عن طريق زيت مضغوط (مش محدوف عليه).......

إزاى مضغوط؟؟؟؟

يعنى طلمبة الزيت بتعمل تدفق للزيت فى دورة الزيت و بيبقه تحت ضغط عالى لا يجب ان يقل عن حد معين و الهدف من الضغط ده هو ان الزيت بيبقه ماشى جوه فارغة الموتور و أيضا فارغة الكرنك و بينتقل من الكرنك للفارغه عن طريق السبايك عن طريق أخرام بتبقه فى الكرنك و السبيكه و فارغة المتور و الزيت الفروض يبلغ من الضغط انه أثناء وجوده بين الكرنك و السبيكه بيكون فى الحقيقه شايل الكرنك بحيث الكرنك ما بيبقاش لامس السبيكه اصلا و لكن متشال على الزيت اللى بينهم..........يعنى تقريبا مفيش إحتكاك خالص و لو الكرنك لمس السبيكه و انت ماشى يبقه شكرا و السبيكه هتتحرق........

الحاجه اللى بتتزيت عن طريق الترطشه هى التاكيهات وده بإنه يخلى دورة الزيت المضغوط يطلع منها جزء صغير من فتحات صغيره تترطش زيت عشان تقلل الإحتكاك و هذه الجزئيه هى اللى نقدر نقول عليها لتقليل الإحتكاك عن طريق التزييت وده نظام تزييت غير مضغوط عكس الكرنك(نظام تزييت مضغوط يحول دون تلامس الأجزاء المحتكه أساسا زى ما شرحت)

وطبعا الفيلم الزيت الرقيق المضغوط بين السبيكه و الكرنك بيطلع من بينهم بإندفاع شديد و يقع فى كارتيرة الزيت و الطلمبه شغاله بتضخ غيره وهكذا الدورة شغاله....

حتى لو الحداف اللى بتتكلم عليها بتترطش زيت على حاجه لتزييتها........ بردو إيه علاقتها بضغط الزيت؟؟؟!!!!

**egypto** · 22-03-2010 05:48 PM

والله انا لغاية كدة ما اعرف انا مش متخصص زيك يا بش مهندس بس الى انا فية دلوقتى حالة عمرة كاملة بساتم وشنبر وخرط ولغى الحدافين دول وعلى العموم خلالالالالالالالالالالالا لالاص اتلغو من البلوك وربنا يستر لو فى حد متخصص متسوبيشى وعارف اية حكاية القصة دة ينورنا ياريت والله اعلم