رشيد: أسعار الوقود ستشهد ارتفاعات جديدة

**sokasoon** · 20-05-2007 03:57 PM

انا اعتقد ان رخص السيارات من نهاية العام 2007 هيأثر بالسلب على مالكى السيارات فى الوقت الحالى

يعنى لما يكون معاك سيارة اى كان نوعها ورخصت اسعارها فى اخر السنة

بالتالى لما تيجى تبيعها هتخسر اكتير من لو مارخصتش اخر السنة

الواحد يجيب بنزين ويخزنووو من دلوقت علشان لما يغلى يكون فى بنزين الواحد يقدر يستعملوو لفترة على الاقل

**PRO-DRIVE** · 20-05-2007 03:59 PM

مش عارف اعلق اقول اية

بس حسبى الله و نعم الوكيل السلبية السلبية لو مثلا فى ناس قعدوا 3 ايام بس ميشتروش بنزين حينزل غصب عنهم سعره

**Nile Heart** · 20-05-2007 04:04 PM

طيب انا مع الأقتراح ده!!

ممكن لو حصل ننزل اعلان فى الجرايد لدعوه الناس للأمتناع عن الشراء لمده معينه

ايه رأيكم؟

**sokasoon** · 20-05-2007 04:06 PM

المشاركة الأصلية كتبت بواسطة Nile Heart

طيب انا مع الأقتراح ده!!

ممكن لو حصل ننزل اعلان فى الجرايد لدعوه الناس للأمتناع عن الشراء لمده معينه

ايه رأيكم؟

ممكن بس من دلوقت وبسرعه نخزن بنزين بالسعر العادى قبل مايغلا علشان يبقا فى بنزين نستعملو على ما تخلص مدة الاضراب

**memo_hefnawy** · 20-05-2007 04:07 PM

تنزل إعلان ؟

لو إنت إللى هاتنزله أنا موافق و ممكن أدفعلك تمنه :) بس ولا أعرفك بعد كده :) ده إسمه تحريض ضد النظام و دعوة لإخراب مش عارف إيه و دعوة للتجمهر و و و تهم كده ليها مسميات كثير مكانها الوحيد هو لومان طره :) ده إن كنت لسه حى قبل ما تتنقل له

**Nader** · 20-05-2007 04:08 PM

انا اعتقد ان رخص السيارات من نهاية العام 2007 هيأثر بالسلب على مالكى السيارات فى الوقت الحالى

مين القال ان العربيات هترخص اخر السنة دي؟؟ انا بسمع الكلام دة من سنين!! في النصف الثاني من كل سنة يقولوا في تخفيض على الجمارك لحد بداية السنة البعديها !!

**Nile Heart** · 20-05-2007 04:21 PM

[quote="Nader"]

مين القال ان العربيات هترخص اخر السنة دي؟؟ انا بسمع الكلام دة من سنين!! في النصف الثاني من كل سنة يقولوا في تخفيض على الجمارك لحد بداية السنة البعديها !!

لا معلش..هما عمرهم ما كانوا بيقولوا كده.. دى كانت دايما الأشاعات هى اللى بتقول والحكومه تقعد تنفى

اما المره دى بقى فالحكومه بقالها 5 اشهر على لسان رئيس مصلحة الجمارك "جلال أبو الفتوح" بتقول بالحرف "لا تخفيض للجمارك العام الحالى" والتصريح ده اتقال اكتر من 10 مرات
ودى يتماشى مع اتفاقات الجات اللى بتحتم على مصر تخفيض الحد الآقصى للجمارك على أى سلعه الى 40% فقط بحلول 2013
وكانت الخطوه الأولى 2004 مع فئة ال 1600
والتانيه هتكون ان شاء الله 2008 مع فئه ال 2000 اللى فعلآ هتتقلب السوق تماما وفى ناس كتير هاينخرب بيتها اللهم احفظنا
والتالته والأخيره هتكون 2013 وعليك خير مع فوق ال 2000 واللى هتعمل انقلاب ثانى وساعتها البنزين هايبقى ب 3 جنيه :)

**Nile Heart** · 20-05-2007 04:24 PM

المشاركة الأصلية كتبت بواسطة memo_hefnawy

تنزل إعلان ؟

لو إنت إللى هاتنزله أنا موافق و ممكن أدفعلك تمنه :) بس ولا أعرفك بعد كده :) ده إسمه تحريض ضد النظام و دعوة لإخراب مش عارف إيه و دعوة للتجمهر و و و تهم كده ليها مسميات كثير مكانها الوحيد هو لومان طره :) ده إن كنت لسه حى قبل ما تتنقل له

طب ماهى اعلانات مقاطعه المنتجات الأمريكيه كانت ماليه الجرايد كل شويه

ولا هى الحكومه بتكره امريكا؟
هاهاهاهاها

**محمد المرسي** · 20-05-2007 04:53 PM

أنا حاسس كده أن المنتدى نهايته قربت نخرج من أ.وائل وحكايته مع حرس ولى العهد ... نخش وبنزين وغلاء والعيش والعيشة واللى عايشينها ...
يا خونا أنتم نسيتم حاجة مهمة جداً فى موضوع الأسعار ... ان الله هو الرازق .. وكانوا بعض الناس سئلت أحد الشيوخ وقالت ألحق يا شيخ الأسعار غليت فرد عليهم الشيخ وقال .. الله يغلى على نفسه .. ما هو الرازق ..
أنا مثلاً ... السنة اللى فاتت مكنش ممكن أفكر أجيب عربية إلا بعد 10 سنين ... وعلشان ربنا هو اللى بيرزق الوضع أصبح مختلف ...
وأعتقد أن الأستاذ قلب النيل مش هنشوفه قريب .. لأنى سامع كتير أوى عنه ... لما جم وخدونى فى نص الليل وقلولى : مش بتاع نايل موتورز ... وطبعاً فى أسامى كتير سمعتها ... وربنا يسترها معانا ...

-

الموضوع: رشيد: أسعار الوقود ستشهد ارتفاعات جديدة

LinkBack

أدوات الموضوع

عرض

-

-

-

-

-

-

المواضيع المتشابهه

أرتفاع في أسعار الوقود من يوليو القادم

رشيد : نفى انخفاض أسعار السيارات عالمياً

ايه رايك فى وزير التجاره(رشيد محمد رشيد)

الكلمات الدلالية لهذا الموضوع

المفضلات

المفضلات

ضوابط المشاركة