هل تركيب تكييف ع الشاهين 1400
1- يؤثر علي كفاءه السياره و الموتور
2- و ياتري استهلاك البنزين بيزيد بنسبه كام
3-ماهي النصائح التي يجب اتباعها عن تركيب التكييف
4-لماذا لايمكن الابقاء ع الدفايه (السخن) عند تركيب التكييف
عرض للطباعة
هل تركيب تكييف ع الشاهين 1400
1- يؤثر علي كفاءه السياره و الموتور
2- و ياتري استهلاك البنزين بيزيد بنسبه كام
3-ماهي النصائح التي يجب اتباعها عن تركيب التكييف
4-لماذا لايمكن الابقاء ع الدفايه (السخن) عند تركيب التكييف
لا يوثر بدرجة ملحوظة، انا ركبته على الشاهين 1400 وعملت بيها 100 الف كيلومتر على مدى 4 سنوات والتكييف راكب بدون اى مشكلة لا فى الموتور ولا فى التكييفاقتباس:
هل تركيب تكييف ع الشاهين 1400
1- يؤثر علي كفاءه السياره و الموتور
لا يتغير بنسبة ملحوظة، مش هاتحس بفرق كبير فى البنزيناقتباس:
2- و ياتري استهلاك البنزين بيزيد بنسبه كام
1- ركب تكييف ساندن اليابانى ، كباس ساندن وسرينتينة ساندن وكويل داخلى(مبرد الصالون) ساندن، يجب الإنتباه ان مقاس الكويل يجب ان يكون مناسب للصالون، فيه بعض الناس اللى بتركب تكييف للشاهين بيركبولها كويل صغير (على ما اذكر كان رقمه 202) في حين ان الكويل المناسب لها رقمه 404 برضه على ما اذكراقتباس:
3-ماهي النصائح التي يجب اتباعها عن تركيب التكييف
2- استعمل خراطيم التكييف من نوع دايكو(ايطالى)
3- بتوع التكييف اللى بيركبوا تكييف للشاهين بيعرفوا يستعملوا زراير التابلوة الأصلية بتاعة الشاهين، فيتم استعمال رزار مروحة الصالون لتشغيل مروحة التكييف(سرعات 1و2و3) كما يتم استعمال زرار الريسايكل الموجود فى التابلوة لتشغيل او فصل الكباس، لا تجعل صنايعى التكييف يستسهل و يركب لك ازرار خارجية لأانها بتبوظ منظر التابلوه
4- اللى هايركبلك التكييف لازم يظبط ضقيرة الكهرباء بحيث ان الكباس مايقومش غير لما تكون المروحة الداخلية شغالة ، سواء 1 او 2 او 3، برضه بعض الصنايعية بستسهل انهم يعملوا كل واحد على حدة وده ممكن يحرق الكباس او يربى تلج على الكويل
5- خراطيم الهواء بتتوصل على الأربعة فتحات بتاعة التابلوه، الصنايعى الشاطر بيوصل الخراطيم بدون ما يبوظ الوظائف الأصلية لفتحات التابلوه، يعنى الفتحتين اللى فى النص لهم بكرة فتح وغلق بتفضل شغالة، والفتحتين اللى فى الجنب كل واحدة لها بكرتين، واحدة بتفتح الريسايكل او تلغية، والتانية بتخرج الهواء من التابلوه فى وجه الراكب او انحةي الباب الجانبى، لازم بعد التركيب كل الحاجات دى تفضل شغالة، فيه صناعية عايزة الحرق بيروحوا قاطعين الميكانيزمات دى كلها ويلزق الخرطوم فى الهواية وخلاص، فلازم تنبه على الصانيعى انه بيوصل خراطيمه من قبل الميكانيزمات دى ومابيوظهاش ، ولو قاللك مايفنعش شوف غيرة لانى مـاكد انه ينفع لأنى عملتها كدة فى سيارتى السابقة
6- بالنسبة للفتحتين الجانبيتين فى التابلوه دول لهم خراطيم جاهزة، كل اللى بيعملة الصانيعى انه بعمل وصلة بين خرطوم الكويل وخرطوم الفتحة من غير ما يقطع اي حاجة
7- الشاهين تكييفها بيركب بدون فك التابلوه، وأؤكد بدون فك التابلوه، الكونسول اللى فى النص فقط هو اللى بيتفك، متروحش لصنايعى غشيم عايز يستسهل ويفك لك التابلوه
9- بعد التركيب مفروض ميكونش فيه اى خراطيم هواء باينة من تحت التابلوه،
10- الصانيعى لازم يضبط دايرة الكهرباء بحيث ان لما التكيف يشتغل كل من مروحة السربنتينة ومروحة الردياتير يشتغلوا مع بعض وليس واحدة فيهم علشان العربية ماتسخنش
11- مكونات التكييف اللى انت هتاخدها هى:
داخل الصالون: كويل صالون(مبرد الصالون)-ثرموستات يركب على كويل الصالون-عدد 4خراطيم هواء لتوصيل الكويل بفتحات التهوية-خرطوم فايض المياه لتفريغ مياه التكاثف من الكويل حتى لا تغرق الصالون،
فى غرفة المحرك:كباس-قاعدة كباس ومساميرها-طنبورة اضافية تركب على الموتور لتدوير الكباس-سير تكييف-مجموعة خراطيم الفريون-فلتر فريون-سربنتينة التكييف-مروحة سربنتينة التكييف-ضفيرة الكهرباء تشمل السلك وعدد 3 كتاوت وفيوز-مثبت سرعة سلانسيه لو عربيتك كاربراتير(غير مطلوب فى حالة الإنجكشن)-شحنة الفريون
12- قبل القيام بشحن الفريون لازم الصنايعى يختبر عدم التسرب فى الدورة ويشاهد من خلال كبس الدورة بالهواء ومراقبة ضغط الدورة لمدة لا تقل عن عشرة دقائق، يجب عدم هبوط مؤشر مقياس الضغط خلال هذة الدقائق
13- يقوم الصانيعى بسد مدخل الكويل الأصلى للسيارة، يجب ان يسده لك بقطعه صاج مجلفن، اياك ثم اياك ان يقوم بسده بقطعة خشب ابلاكاش، قطعة الخشب ستتحول الى نشارة خشب فى خلال شهرين او تلاتة
14- عند الغاء خط المياة الداخل الى دفاية التكييف يجب ان يقوم الصانيعى بتوصيل الخط الداخل الى الخط الخارج بقطعة خرطوم كاوتش (اسود من نوع جيد) وربطها جيدا ب 2 قفيز، اياك ان يقوم الصنايعى بسد الداخل والخارج بقطعتى خشب او عمل طبة من اى نوع، وصل الداخل فى الخارج انضف
لا يمكن الإبقاء عليها لانه لابد ن تفريغ مكانها حتى يثبت به كويل التكييف( فى نفس جحمها تقريبا او اكبر منها) ولا مكان له سوى مكان الدفاية وكذلك لانه يتم توصيله بالهوايات بدلا منهااقتباس:
4-لماذا لايمكن الابقاء ع الدفايه (السخن) عند تركيب التكييف
ممكن الواحد يركب تكييف مستعمل للشاهين؟
وده يكلف كام تقريبا؟
جزاكم الله خيرا ع الاجابه الكافيه ..
انا من سكان المعادي فهل توصي بمكان محدد يراعي كل هذه الامور
و لا اروح اركب في توكيل ساندن تقريبا 3500 جنيه
افضل انك تعمله فى توكيل ساندن،اقتباس:
انا من سكان المعادي فهل توصي بمكان محدد يراعي كل هذه الامور
و لا اروح اركب في توكيل ساندن تقريبا 3500 جنيه
على ان تكون واقف معاهم ومتابع كل النصايح اللى انا قلتلك عليها علشان تحصل على تكييف مثل تكييفات الفابريكة
ممكن وهايتكلف حوالى 1500 الى 2000 جنيه حسب حالة المكوناتاقتباس:
ممكن الواحد يركب تكييف مستعمل للشاهين؟
وده يكلف كام تقريبا؟
شكرا و ممكن فين الواحد يسال؟اقتباس:
مكن وهايتكلف حوالى 1500 الى 2000 جنيه حسب حالة المكونات
وهو فيه ساندن ده مستعمل ولا انا هركب استيراد :?:
احسن مكان نركب فية فين علشان ميحصلش مشاكل فى العربية
استاذى الفاضل سبعاوى
الشرح وافى وجبار ولا يخرج الا من سبعاوى
ولى سوال لك هل من الممكن تنفيذ ما قلتة على السيارة اللادا 1600 سى سى
وهل تنصح بتركيب تكيف فى اللادا ام لا علماً بان التوكيل ينزل اللادا الان بالتكييف
وهل تنصح بتركيبة فى التوكيل ام خارجة
وما هو عنوان توكيل ساندن
وشكرا جزيلاً
الاخ الاستاذ حسام كرم
العنوان 62شارع النصر المعادى الجديده ، بجوار سيراميكا كليوباترا المسئول المهندس / سمير موبيل0122113921
تحياتى
نبيل عبد الحميد
ياريت الاخ المشرف يثبت هذا الموضوع لاهميته الصيفية شكرا للاخ سبعاوى شكرا الاخ حسام
السلام عليكم
انا لسه بايع عربيتي شاهين 1400
-
2001
كنت مركبلها التكييف و الحمدلله كان حظي كويس لأنه كان متركب كويس و كان نوعيه ممتازه
كان ياباني بس مش فاكر اسمه
كان ماشاء الله مريحني جدا طبعا ما كنش زي العربيات الياباني بس كنت مقتنع بيه خصوصا موجة الحر الي فاتت ربنه لا يعودها :roll:
يعني لو تم تركيب نوعيه كويسه + المتور مظبوط كويس ان شاء الله هيكون ادائه كويس
بصراحه كنت بحس فعلا استهلاك البنزين بيزيد بس ما كنش بيفرق جامد لأن الشاهين استهلاكها معقول في البنزن
عبدالله
نسيت اقول الله ينور عليك يا سبعاوي :idea:
فعلا كلام كبير و جميل مايجيش الا من سبعاوي جزاك الله خير و كل سنة و انت طيب
بس انا كان لي سؤال يمكن هو مش في صلب الموضوع يا سبعاوي باشا بس ياريت تجاوبني علية لو تكرمت
هل لو قام صنايعي التكييف بكبس دائرة التكييف هواء للتجربة و تركها لمدة يوم يحدث تلف فيها, يعني الاكسبنشن وفلتر الدراير يتلفوا (يرطبوا) او السربنتينة تملح زي مابيقولوا وللا اية رأيك في الحكاية دي
بالنسبة للسيارة لادا فالتكييف الساندن بيركب فيها وممتاز، وله ميزة عن الشاهين ان فتحاته فى التابلوه فوق مش تحت ودة بيودى الى ان الهواء البارد بيوصل بسهولة لركاب السيارة، وبرضة الصنايعية حافظينه كويس جدا
بالنسبة لموضوع كبس الدائرة لمدة يوم كامل فأنا مش شايف له فايدة كبيرة لأن فعلا لو الدائرة فيها اى تسريب بيبان فى خلال دقائق بعد الكبس ولو قعد 10 دقائق-ربع ساعة بدون تسريب فهيقعد سنوات بدون تسريب ان شاء الله
مش عارف اكتب اي تعليق
بس الموضوع جامد موووووووووووووووووووووووو ووووووووووووووووووووووووو وووووووووووت
Sameh Aziz
الأخ سبعاوي :
بسم الله ما شاء الله عليك ، أستاذ ومعلم ...
عندك خبرة جامدة بالسيارات وأسمك بشوفه في منتديات كتيرة معرفش هم واحد بس ولا تشابه أسماء
المهم أنا عندي شاهين 1400 موديل 99 مكيفة ، يقال انه ساندن أنا بصراحة معرفش تكييف الفابريقة نوعه ايه...
بقاله 7 سنين مغيرتلوش أي قطعة غيار بس عندي الهواء الداخل للصالون ضعيف والتبريد كويس من حيث درجة الحرارة
مش عارف ايه الحل ؟ هل فيه مروحة داخلية بتتغير مثلاً ؟
أنا روحت لواحد متخصص قالي أغيرلك الكويل ... بس الكلام ده بـ 1900 جنيه بالمصنعية وكله...
هل العملية دي تستحق ولا ممكن أعمل صيانة مثلاً ؟؟ هل تراكم تراب على أجزاء التكييف ممكن يؤثر في قوة الهواء الداخل للصالون ....
أكون شاكر يا أخ سبعاوي لو تكرمت بالإجابة ... أفيدني أفادك الله وبارك لك في علمك....
وياريت لو تشرح لنا طريقة عمل دورة التكييف في السيارة شاهين ومكوناته وأماكن وجوده بالسيارة...
انا ركبت تكييف ساندن في الشاهين من 2002 وزي الفل ولما باشغل التكييف الحرارة بتنزل مش بتسخن و لم تحدث اي مشاكل به اواعطال او حتي صيانة
انا كنت مركبه في شركة اسمها ديافيا في كوبري القبة خلف بنزينة موبيل اللي بعد الششنجي بتاع الملابس العسكرية في شارع ابن سندر
هو طبعا ليس مثل التكييف الياباني بتاع الفبريكة لكنة جيد جدا
المشكلة اللي موجودة ان مخارج الهوا في الشاهين موجودة تحت يعني عند ركب الركاب السواق واللي جنبه ودي عبقرية من مصممين الشاهين لسة مصممين عليها لغاية دلوقت ومن غير اي سبب مع ان باقي السيارات فتحات المكيف عاليه والكاسيت واطي
المشكلة التانية ان مع تشغيل التكييف بالاحظ وجود بخار علي الزجاج الخلفي الداخلي للسيارة
وهو مش بخار ماء لكنة زي ما يكون مادة زيتية خفيفة جدا وبتؤدي الي عدم وضوح الرؤيا وان اي نور من السيارات اللي خلفي بيفرش في الزجاج الخلفي ويضايقني جدا وذهبت الي اكتر من متخصص قالوا ان ده مالوش علاقة بالمكيف لأن المكيف بيطلع برودة وهي لا تؤدي الي التبخير بل العكس هو الصحيح الحرارة هي التي تؤدي للتبخير يعني دة مش بخار بتاع زيت او ما شابهه
وطبعا لازم انضف الزجاج الداخلي باستمرار بفوطة مبلولة واعتقد ان دة بسبب ردائة الخامات المستخدمة في التابلوة الامامي والخلفي حيث يتصاعد منهم هذا البخار ( غير منظور )مع حرارة الجو والسيارة مغلقة وعندما تشغل المكيف يؤدي دفع الهواء الي تراكم هذا البخار علي الزجاج الداخلي للسيارة وخاصة الزجاج الخلفي
الخلاصة ان الملاحظات في السارة وليس في التكييف ومش عارف الوضع كما هو في الموديلات الجديدة والا لأ انا عربيتي 2001
دي تجربتي مع تكييف الشاهين وهي ناجحا باستثناء الملاحظتين دول
بص ياسيدى الفاضل أنا ركبت التكييف عند مقار فى المعادى و هو ساندن و السربنتينة ساندن و لكن التكييف لكى يعمل بصورة جيدة لابد أن يكون أحكام أغلاق السيارة ممتاز يعنى من الأخر تشوف كاوتش الباب فيه حاجة تانية مهمة جدا و أعتقد أن دى فرقت معايا العربية الزجاج اللى فيها مش ملون و بالتالى يسمح بدخول الحرارة مش زى الأصلية اللى فيها تكييف الزجاج فيها ملون يمنع دخول الحرارة
اشكركم بالنسبه لذلك الموضوع المفيد لى شخصياً ، ارجو من العضو adel_edrees ان يقول لى تكلفة تقريبية لسعر التكييف بالمصنعية وما إلى ذلك ، لو كده انت تنصح بأن اقوم بتركيبه عند مقار فى المعادى زيك ولا فى حاجه ماريحتكش معاهم ؟ مع الشكر
أهم حاجة الأستمرارية و دول ناس بقالهم أكتر من 15 سنة فى المجال ده و بصراحة الناس دول تعاملهم ممتازو ناس كويسين و الكومبريسور اللى حيركب الموديل بتاعه 507 للسيارات اللى أكثر من 1300 cc
استفسار للمهندس سبعاوى
انا ركبت التكييف عند ساندن فى منتصف شهر مارس ، لم استعمله كثيرا ، درجة البروده به كويسه لكن من يومين كنت طوال اليوم فى الشارع وكان الجو حر جدا ، التكييف كان شغال كأنه مروحه ، ما كنش عامل حاجه خالص طفيته وفتحت الزجاج ، سؤالى للبشمهندس هل ارجع للتوكيل هيعمله حاجه ، ولا هى دى امكانياته مع العلم طبعا ان عربيتي شاهين 98 فممكن تكون مفتحه وموضوع ان الزجاج الراكب مش عاكس للحرارة احتمال ليه تأثير برده
مع الشكر
بص، اداء التكيييف له وسيلتين لقياسه، الأولى هى كمية الهواء والثانية حرارته، بالنسبة لكمية الهواء فهات ورقة كلينكس واقعد فى الكنبة الخلفية وامسكها امامك وتكون مشغل المروحة على الآخر ومشغل الكباس
لو الهواء خلى الورقة افقية يبقى كميته كويسة
بالنسبة لدرجة الحرارة فهات ترمومتر وحطه على مخرج التكييف بشرط تكون واقف فى الضل ومدور المحرك وخلى التكييف على 1(فيه ترمومترات بسيطة جدا بتتباع عند بتوع اكسسوار العربيات او ممكن تجيب ترمومتر من عند اى بتوع لوازم معامل اللى بيفتحوا امام كليات الطب او العلوم)
مفروض انه فى حالة التكييف شغال على 1 يكون درجة حرارة الهواء فى حدود 6 مئوية تقريبا بعد حوالى 5 دقائق من تشغيل التكييف
لو الشروط دى متحققة يبقى راجع تقفيل العربية وان الفتحة بين الموتور والصالون مسدودة ، الخ ، كما يمكن استعمال ستائر جانبية وخلفية لتحسين اداء التكييف
اما لو مش متحققة ، لو الهواء ضعيف يبقى اكشف على مروحة الكويل، وتأكد ان الكويل مش بيربى تلج ، ولو الهواء ساخن اكشف على دورة التكييف وراجع شحن الفريون،
بشكرك على ردك واهتمامك وسوف انفذ ما قلته لى ، مع الشكر
يا سادة لقد أبهرني بل أدهشني شرح الأستاذ سبعاوي فله عظيم الشكرز
السلام عليكم
نصيحه : - اذا انتهت سنه الضمان وعند وجود مشكله في التكييف بلاش التوكيل عشان بيشتغل الناس
انا ركبت التكييف في التوكيل بعد ما بدأت الموضوع ده . المهم ان التكيف بدأت فيه مشاكل بعد نهايه سنه الضمان بشهر و احد
1- و كان متوقف عن العمل و رحت توكيل ساندن اللي في المعادي المهم قال في تسريب و انها محتاجه شحن فريون و قال ان كان في لاكور مفكوك و ربطه وشحن و خد 90 جنيه
2- بعدها بيومين لاقيت التكييف ضعيف وا ضح انه لم يجد مكان التسريب فقال حكايه اللكور دا و بعدين قالي كمان الثرموستات بايظ و عايزين 80 جنيه فحسيت انها اشتغاله جبت الثرموستات ب 30 جنيه و غيرته بنفسي
هل حد عنده بتاع تكييف كويس غير التوكيل عشان يكشف ع التسريب
طيب إيه أخبار تكييف الريجاتا
التكييف الأصلي كويس وشغال ولا محتاج يتعدل فيه حاجات
ولا مافيهوش امل خالص ونعتبرها من غيرر تكييف مع الشكر
أنا عملت تكييف ساندن يابانى حكاية عند محمد سعيد المعادى بجوار شركة جابكو فعلا ناس محترةمة و محترفة رقم موبيل الورشة هو 0101584119
محمد سعيد بجوار شركة جابكو
[frame="9 10"]
اسمح لي ابدي اعجابي بقلمك وتميزك واسلوبك الراقي وتالقك
بس عندى استفسار بعد اذن سياتك
انا اعرف ان 131قريبة من الشاهين و الدوجان
ياترا كلام سياتك ممكن ينطبق لو حبيت اركبة فى 131
الف شكر لسيادتكم
م/حسام كمال الدين
مؤسس رابطة الاسطورة فيات 131
[/frame]
السلام عليكم ورحمة الله وبركاته
ياجماعه انا مركب تكييف من حوالى سنه بس عندى عيب ان لما بشغله فى الطرق السريعه العربيه بتسخن اوى والعداد بيعدى ال100 درجه
مع العلم انى مسلك الردياتير وحاطط ميه خضرا والمراوح بتشتغل بس برضه العربيه بتسخن اوى لكن لو ماشى بالراحه الحراره بتنزل ممكن حد يقولى ده عيب ايه؟
انا عندى تكييف شاهين كامل يابانى كان راكب فى شاهين والعربية اتباعت من غير تكييف استعمل حوالى ثلاث شهور مطلوب 1000 نهائى فى السويس
اخونا سبعاوي
عندي جملة من المشاكل و محتاج مساعدتك
انا راكب اونو 45 و عندي مشاكل مع التكييف حقولهم ورا بعض، للعلم التكييف تركيب و معرفش نوعة لأني للأسف و أنا بشتري العربية كان معايا ميكانيكي اي كلام قالي دة تكييف اصلي و طلع في الأخر تركيب
أولا : التكييف ضعيف و في الحر تقريبا مش بيعمل اي حاجة مع السخونة، مع الرطوبة شغال كويس لدرجة اني ببرد منة علي 1 بمجرد ان الشمس تخف شوية
ثانيا : بيأثر بجد علي السحب و تحديدا علي الأول و التاني، رغم أن ماتور العربية تقريبا فابريكة و معملش 60 ألف كيلو
ثالثا : بيستعمل كم رهيب من البنزين لدرجة أنة تقريبا بيضاعف استهلاك البنزين
رابعا : بحس أن العربية بتسخن موووووووت و بحس دة من فرق السحب حتي بعد ما أطفية
خامسا : لو العربية بتجري بلاقي المروحة شغالة كويس، بمجرد الوقوف في اشارة ولا حاجة ألاقي سرعة المروحة تنزل رغم أنها علي نفس السرعة، و مش عارف هل دة عيب كهربا و لا عيب اية؟
أخيرا أتمني توصفلي بتاع تكييفات كويس ينقذني لأني فعلا اتسلخت من الحر و بقيت قرفان من العربية أخر حاجة.
موضوع رائع جزاك الله خيرا بشمهندس سبعاوي_ليا استفسار انا معايا ١٣١/١٦٠٠سي سي ناوي علي طقم شنبر علي الشتا ان شاء الله وبفكر في تركيب تكييف_هل هيأثر جامد علي السحب واستهلاك البنزين؟_وايه احسن نوع تكييف لل ١٣١؟بصراحة ساندن غالي لو حبيت اجيب حاجة مستعملة اجيبها نوعها ايه ومنين وتعمل في حدود كام؟ وشكرا ليك
استاذى الكريم هل يمكن تركيب تكييف ل 128 موديل 99 ام لا ارجو الافاده و لك جزيل الشكر
يا شباب التكييف وخبراء الفيريون
انا معايا إكسيل موديل 1994 والتكييف إلي فيها مطلع عين أهلي شحن وتصليح وموال منيل
انا عايز أرمي امه في الزباله وأركب واحد نضيف..... تنصحوني بإيه ؟؟ وأسعاره ايه ؟؟ والمصنعيه ايه ؟؟ ومن أسكندريه ياريت لأني من سكان أسكندريه
شكرا لكل من شارك و ساهم فى هذا الموضوع المهم جدا
انا اريد عمل تكييف لعربيتى حسب النصائح المذكوره ولكن
رقم موبايل م.سمير مهندس شركه ساندن غير موجود بالخدمه
أرقام شركه ساندن المعادى لا ترد ابدا
برجاء التحديث لتعظيم الفائده
لدى سياررة شاهيين 1400 موديل 2006 كنت بفكر ابيعها علشان اشترى حاجة مكيفة سواء فيرنا او دايو بس بعد ما قرأت ردك صرفت النظر عن بيعها و هاركبلها تكييف فى توكيل ساندان وجزاك الله خيرا
ممكن اركب تكييف فى 124 سبشيال
.