الفتيس تقيل اوي في الغيار التاني

**bakkarahmed** · 31-03-2010 08:33 PM

يارررررررررب

**janaaly** · 01-04-2010 01:51 AM

يا باشا دى مشكله كانت عند فى الجوليت فى حاجه اسمها العقرب بتتغير وهى مش مكلفه

**bakkarahmed** · 01-04-2010 02:29 PM

اشتريت النهاردة عقربة جديدة(ب90 جنية) ورحت عند الميكانيكي وقلتلة اكشف علي العقربة ولو لقيتها تعبانة ولو 20% غيرهالي علشان انا زهقت من الفتيس دة ( قعد يقولي حرك الفتيس يمين وشمال وخلاني اجرب كل الغيارات) وقالي العقربة مش متاكلة وحاكمة مكانها (مع انة مفكهاش من مكانها) ,,,قلتلة يمكن العامود الصغير اللي داخل للفتيس من الحتة اللي بيركب جواها الاولسية متاكل او ممسوح من جوة ولازم نحلة علشان نشوف,,,قالي لا دة عمرة ما بيتاكل اللي بيتاكل في العقربة البلاستيك اللي بيكون بين المفصلات انما انا شايف ان العقربة محكومة ومفيهاش بوش وانا شايف انة حرام تركب عقربة جديدة عالفاضي...ياريت حد يفيدني علشان تعبت وخايف اشتري فتيس استيراد وبردة تكون المشكلة موجودة....حتي لو حد يعرف حد كويس في الفتيس يقولي وانا اروحلة ....انا لما بانقل من التالت للتاني بحس ان الغيار بييجي علي مرتين زي مايكون في كاوتشة مقطوعة محشورة ومانعة الحركة من انها تكون سلسة ودة في التاني فقط والعربية ماشية

**bakkarahmed** · 01-04-2010 02:37 PM

انا حاسس من عدم مشاركة المهندس سمير &محمد ممدوح ان المشكلة فيا انا مش في العربية

**samirayad** · 01-04-2010 08:27 PM

المشاركة الأصلية كتبت بواسطة bakkarahmed

انا حاسس من عدم مشاركة المهندس سمير &محمد ممدوح ان المشكلة فيا انا مش في العربية :h_angry[1]:

لا متقولش الكلام ده
كلنا أخواتك وعاوزين نساعدك بالتفكير معاك

بس لازم نكون فاهمين بالظبط كأننا معانا العربيه

على العموم

كنت عايز اسأل كمان علي حاجة
لما بادوس بنزين مرة واحدة بلاقي العربية بتتكتم 3 ثواني وبعد كدة بتفتح معايا

من الجزئيه دى ومن كلامك فى الموضوع
أنا حاسس أن الفتيس مفيش فيه مشكله فعلا

وقد يكون سبب المشكله ( بداية تعب فى ديسك الدبرياج )

هو الدبرياج عامل معاك كام كيلو للآن................؟

وياريت تحكيلنا شويه عن ظروف السحب معاك
واللى بتحسه تانى مع العربيه

**bakkarahmed** · 01-04-2010 10:09 PM

انا غيرت الاسطوانة و الديسك والبلية من 4شهور ودة علشان الدبرياج كان تقيل وكان في رعشة علي بداية الاول(اعراض طقم دبرياج) والدبرياج معايا الحمد لله زي المية وتمام
لسة جاي دلوقتي من عند الميكانيكي التالت اللي بيشوف الفتيس,,,قالي العقربة برده سليمة,,,احنا هانفضي زيت الفتيس ونحط بدالة زيت جديد(قولت تمام) ملقيتش زيت شيل تماما في المنطقة المحيطة فجبت اسو للفتيس المانيوال (90-80w) واسو بردة ماركة كويسة ,,,اللي يضحك اني قعدت اتخانق مع الميكانيكي والله حوالي ربع ساعة علشان كنت عايز احط 1،8 ليتر وهو مصمم اني احط 3 ليتر اقولة دة كلام الكاتالوج يقولي بس احان فكينا الطبة ونزلنا كل اللي فيها(حوالي 2:5كيلو),,,,قالي كدة الغيار الخامس هايتحرق ,,قلتلة مش فارق ممكن تحرق الخامس بس تظبط التاني هاكون مبسوط:) وحطيت 1:8 لتر والفتيس نعم شوية بس لسة مش عاجبني ,,,انا عارف اني صدعتكوا معايا انا آسف والله

**bakkarahmed** · 01-04-2010 10:10 PM

انا كمان عملت صيانة كاملة للعربية بوجيهات وفلاتر ونضفت الايديال وغيرت علبة الشكمان والسحب بقي تمام التمام

**elasskary** · 05-12-2012 02:40 AM

حصلت معايا بس في المرشدير بص يا سيدي مشكلتك في الفبرة الدورة اللي حولين الذراع الواصل من الفيس للعقربة و دي مكانها لما تشيل الكونسولة خالص اللي حولين الفتيس تلاقيها تحت طفاية السجاير تقريبا ود مشكلتها انها بتنشف و الزوايد اللي بتمسكاها في مكانها بتتكسر او تتاكل طبعا من كتر لغيارات في بلدنا حط صباعك و حس بيها في الغيارات لو لاقيتها مبوشها غيرها
لو هتجيبها جديدة لازم عصايه الفتيس بالكامل و ده حرام طبعا هتها استيراد من عصايا بايظه بس خلي بالك من البوش و الزوايد
كيفية التغير هتفك المسمار الى الراجل ركبهولك و تحرر العقربة من الذراع الواصل من العصايا للعقربة و بعدين هتفك الذراع بتيش موجود في العصايا و تحرر الذراع و تشدو في اتجاة الخلف بشويش و تغرج الفبرة براحة و بعدين تاخد بالك من تفاصيل الزوايد و منيمهم و اتجاه الفبرة لان فيها شفة اطول من شفة مش فاكر بالظبط اللي ناحيته الصدر و لا بس المهم المهم اتبع الواقع اللي انت هتشوفه متسبتش الفبرة في مكانها ركب الفبرة عل الذراع الاول و دخل الذراع في الخرم و سلكوا بايدك من تحت التابلوة لحد متعدية للصدر هتلاقي كاوتشة خلي بالك منها دي علشان السخونة بتاعت الموتور متخوشش طبعا و ركب مسمار العقؤبة بس تشبيط و ادخل تاني ثبت الفبرة في منيمها و اتاكد من سماع صوت التكة بس براحة لحسن ده ضعيفة مش محتاجة عافية اكد بغياراتك انها ثابتة مش بتخرج من مكانها ارجع تاني للمسمار و زبط الغيرارات مع المسمار لحد ما غيراتك كلها تظبط في و ضع معين و يا حبذا لو الكلبس معاك هتركب علطول مش محتاج تظبت و لو اتحلت المشكة ادعيلي لا الحواد ده حصل معايا و التصليح تم لوحدي عل طريق السخنة فتحة النفق فاتتني رجعتلها 5 متر العربية مطلعش قدام تاني اسف على الاطالة لو مش عارف تعملها انا ممكن اساعدك

**Elgazar 7007** · 30-12-2014 07:06 PM

المشاركة الأصلية كتبت بواسطة bakkarahmed

انا غيرت الاسطوانة و الديسك والبلية من 4شهور ودة علشان الدبرياج كان تقيل وكان في رعشة علي بداية الاول(اعراض طقم دبرياج) والدبرياج معايا الحمد لله زي المية وتمام
لسة جاي دلوقتي من عند الميكانيكي التالت اللي بيشوف الفتيس:h_angry[1]:,,,قالي العقربة برده سليمة,,,احنا هانفضي زيت الفتيس ونحط بدالة زيت جديد(قولت تمام) ملقيتش زيت شيل تماما في المنطقة المحيطة فجبت اسو للفتيس المانيوال (90-80w) واسو بردة ماركة كويسة ,,,اللي يضحك اني قعدت اتخانق مع الميكانيكي والله حوالي ربع ساعة علشان كنت عايز احط 1،8 ليتر وهو مصمم اني احط 3 ليتر اقولة دة كلام الكاتالوج يقولي بس احان فكينا الطبة ونزلنا كل اللي فيها(حوالي 2:5كيلو),,,,قالي كدة الغيار الخامس هايتحرق ,,قلتلة مش فارق ممكن تحرق الخامس بس تظبط التاني هاكون مبسوط:):c_laugh[1]: وحطيت 1:8 لتر والفتيس نعم شوية بس لسة مش عاجبني ,,,انا عارف اني صدعتكوا معايا انا آسف والله

باشا وصلت ل ايه لاني بمر بنفس تجربتك المريره دي

**AhmedSamy341** · 05-01-2015 12:03 PM

الاستاذ Bakkarahmed
ياريت تفيدنا المشكلة انتهيت ولا لا لان انا بردو معايا لانوس 2006 و المشكله دى موجوده فيها و الغريب ان اى حد يركب العربيه يقولك الموضوع عادى لانه طبعا مابيحصلش على طول لكن اول ما الغيار التانى يعصلج معاه و ميرداش يجى يقولك غريبه كلامك صح و انا مش عارف اعمل ايه فياريت لو تفيدنا وشكرا