الموضوع: هل النيتروجين بيخلي العربيه تعوم ؟؟؟؟ !!!!

المشاركة الأصلية كتبت بواسطة zkralla

كلام زى الفل يا محمود تسلم ايدك كالعاده جبت الموضوع كم كل الجوانب
بس أنا تجربتى مختلفه عن تجربتك مع العلم أنى ما حططش نتروجين الا بعد فتره لغايه ما اتعودت وعرفت دبه العربيه فى كل المطبات وعلى عيون القطط وكمان الى بيركبوا دايما معايا وبعدين مليت نتروجين وقارنت الحالتين وفعلا النتروجين فرق معايا
بس هو فيه ناس برضه بتقول ما فرقش ومش عارف السر فى كده بس كان المهندس نجاد قال أنه احيانا بيكون وضع النتروجين بطريقه خطأ

أنا بتفق مع الأستاذ هاني في إن هناك فرق و أنا حسيت بيه بجانب ضغط الإطار الثابت لفترات طويله تصل ل 20 يوم و برضه تسلم إيدك يا أستاذ محمود يا فنان يا كبير على التقرير الجامد ده وإللي بينم عن حياديه كامله في سرد أي موضوع. و تقبلوا تحياتي.

المشاركة الأصلية كتبت بواسطة mohamed1979

على فكره انا مجرب النيتروجين فى اكتر من عربيه و عن تجربه بيفرق جامد عن الهواء العادى
و عفشه العربيه بنبقى انعم و الأحساس بالمطبات بيفرق كتير
و حكايه ان العربيه بتعوم دى من الى سايق العربيه هو الى بخلى العربيه تعوم و لا لأ (عيب سواقه )

حضرتك اللي كان سايق ده علي طول علي الطريق ومعاه اوبترا وعمرها ماعومت معاه والمره دي ساق اللوجان وكان فيه عربيه اوفيو معاه وهما الاتنين عوموا بالعربيه والاتنين بيقولوا النيتروجين السبب علشان العربيه ماكنتش بتعوم قبل مايحطوا النيتروجين يعني مش عيب سواقه زي ماانت بتقول علشان دول بيسوقوا علي الطريق علي طول وعارفين امتي العربيه تعوم وامتي لا

المشاركة الأصلية كتبت بواسطة johnmims

حضرتك اللي كان سايق ده علي طول علي الطريق ومعاه اوبترا وعمرها ماعومت معاه والمره دي ساق اللوجان وكان فيه عربيه اوفيو معاه وهما الاتنين عوموا بالعربيه والاتنين بيقولوا النيتروجين السبب علشان العربيه ماكنتش بتعوم قبل مايحطوا النيتروجين يعني مش عيب سواقه زي ماانت بتقول علشان دول بيسوقوا علي الطريق علي طول وعارفين امتي العربيه تعوم وامتي لا

يبقى اتجاه الهواء هو الى مخلى العربيه تعوم
او ضغط الأطار كان زياده او مش مظبوط
بس هو لما يقول ان النيتروجين بيخلى العربيه تعوم يبقى اسمحلى خبرته ضعيفه فى السواقه

المشاركة الأصلية كتبت بواسطة khaled_al_nowaihy

هو ده الاحتمال الأقوى .... معظم مشاكل ضبط الهواء نتيجة ان مقاييس الضغط اللى بيستخدموها بتوع الكاوتش مبتكونش مضبوطة.

و ده الى بيحصل معايا علشان كده احسن مكان تظبط فيه هو مركز بريد جيستون للأطارات

المشاركة الأصلية كتبت بواسطة mohamed1979

يبقى اتجاه الهواء هو الى مخلى العربيه تعوم
او ضغط الأطار كان زياده او مش مظبوط
بس هو لما يقول ان النيتروجين بيخلى العربيه تعوم يبقى اسمحلى خبرته ضعيفه فى السواقه

هو خبرته مش ضعبفه علشان ده بيسافر علي طول بالعربيه ده استنتاج وطلع صح علشان راح فضي النيتروجين وملي هوا ومشي علي الطريق تاني ماعومتش منه خالص يعني كلامه صح حتي بتاع الكاوتشات قاله كده ان فعلا النيتروجين بيخلي وزن العربيه يخف وماينصحش بيه باللي بيسافر علي طريق لكن جوه البلد عادي يبقي ده واحد قارن بين الاتنين وشاف بنفسه يبقي ياريت بلاش تقول علي اي حد خبرته ضعيفه