ليه اللانوس والنوبيرا سعرهم واحد فى المستعمل ؟؟؟

**hosar** · 19-03-2010 11:15 PM

انا شخصيا لو معييش نوبيرا لكنت اشتريت نوبيرا

بس بالنسبة لللانوسمطلوبة شبابى زيها زى الفيرنا
و النوبيرا سيارة عائلية مش شبابية

**kliken** · 19-03-2010 11:30 PM

هى النوبيرا افخم كتير بس المشكله انها اتقل فى البيع شويه علشان كده تمنها بيقل عن اللانوس فى البيع و الشراء

**samcar** · 20-03-2010 02:06 AM

استهلاك البنزين- اعلى فى النوبيرا وسحبها اتقل شويه من الانوس
يمكن ده يكون السبب- الكبار بيدوروا على التوفير والصغار عايزين صواريخ

**تامر.محمد** · 20-03-2010 05:59 AM

موضوع مشكلة المقص دي
مش كل الناس تعرف حلها
و مع الفت المصري بتبقى النوبيرا فيهاااااااااا مشكلة عفشة بحالها

**elshreef_hemo** · 20-03-2010 10:07 PM

بصراحة الردود كلها مفهاش حاجة تفسر عدم وجود فرق فى السعر بين العربيتين ، أزا كانت النوبيرا فيها عيب المقصات ( اللى يمكن حله بتغيير المقص ) فاللانوس فيها عيب ضعف الفرامل ( اللى لا يمكن حله ) .... الموضوع مش أكتر من أنه سوق ، والعرض والطلب هوة سبب أنخفاض سعر النوبيرا ووصوله لسعر اللانوس:b4_592:

**Strong** · 20-03-2010 10:47 PM

عرض وطلب

بس هو سعر النوبيرا لو بقي أغلى من اللانوس شوية في المستعمل محدش هيشتريها علشان في عربيات أفضل منها في المستعمل وبنفس السعر

فتمنها بيقل ، أنا كنت بأكره النوبيرا علشان معظم أصحابها سيئين جدااا لكن حبيتها لما عرفت أ/ سمير

وعلى الرغم من إن اللانوس مازالت بتطير في الهواء مني لكني باحبها علشان خاطر أ/ محمد ممدوح

ده أنا النهاردة أعصابي اتحرقت ساعتين كاملين بسبب الهواء

**samirayad** · 20-03-2010 11:05 PM

أنا كنت بأكره النوبيرا علشان معظم أصحابها سيئين جدااا لكن حبيتها لما عرفت أ/ سمير

الله يخليك يا أخى / أبراهيم الطائر ......على رأى عادل أمام

وصدقنى وبكل أخلاص

أنا لست ممن يدافعون عن شىء .....لأنهم يمتلكونه

وفعلا ....لو كنت أحسست فى النوبيرا

أنها سياره ...ليست أهلا للأقتناء

لكنت فورتها على الفور ومن زمان

ولكن الحق يقال

فأنها سياره تستحق الأقتناء
وأذا كان يقال هناك مشكله فى المقصات

فان هذه المشكله لم تواجهنى حتى الآن ..........!!!!!!!!!!!!!!

ولو أردنا أن نختار سياره عائليه فى نطاق فئه سعريه ورفاهيه معقوله

فستجد النوبيرا فى المقام الأول

أما ماتلاحظه فى السوق المصرى من مهاترات
فما هو الا أنعكاس حقيقى ....لتخلف بعض العقليات
التى لاتعرف ....يعنى أيه سياره نوبيرا ....!!!!!!!!!!!

ولا تستغرب لو قلت لك
أن السياره معى من حالة الزيرو وموديل 2007

وكنت شاريها ب78 ألف ( من المعرض )

ولو فرض ......وعرض على حاليا 75 ألف ( كمقابل للسياره )

فلن أوافق على بيعها ................

لأننى عرفت قيمة الشىء ....ولست ممن يتدالون الأشياء ( وخصوصا السيارات ) كما يتدالون الملابس

وأنا فعلا أعتبر السياره مثل الزوجه تماما ......

فأن كانت الزوجه أصيله ..........وجب على الزوج الحفاظ عليها (مدى الحياه )

وأن قلت الزوجه بأصلها .......يبقى على بيت أبوها

والمعنى فى بطن الشاعر وواضح من فحوى الكلام ...........

مش كده ولا أيه ....................!!!!!!!!!!!!!!!!!

**elshreef_hemo** · 21-03-2010 12:11 AM

كلام جميل يا أستاز سمير عن النوبيرا ... على فكرة أنا مقتنع بيها جدا كسيارة عائلية وبدور دلوقتى على حالة كويسة ... وأن كانت الحاجة الوحيدة اللى مضيقانى فيها صاجها الخفيف جدا ... نادر لما تلاقى عربية نوبيرا بدون أعوجاجات فى الصاج

**samirayad** · 21-03-2010 12:16 AM

كل العربيات الحديثه صاجها خفيف فعلا

والنوبيرا مقارنة بأنواع كتير صاجها أفضل كتير

فمثلا

قارن بين صاج الدايو وصاج الهيونداى ( فيرنا مثلا )

عموما العربيه لو صاجها حديد وأتلمست وأنت ماشى

باظ المنظر الجمالى لهيكل السياره الخارجى

فأهم شىء فعلا

هو حماية أبعاد سيارتك جيدأ أثناء القياده
وبالذات داخل المدن

للحد بقدر الأمكان من الأحتكاكات وخلافه