الموضوع: السرعة القصوى للنيواكسنت

المشاركة الأصلية كتبت بواسطة r a n a

ميرسي يااستاذ بسام
العربية بتاعتي مانيوال موديل 2010 واللي كان بيشد قصادي بروتون ويرا

بالنسبة لمين علم على مين خليهم هما يقولوا :f_eyeb1[1]:
عشان احنا علمنا على بعض كتير يعني مرات انا سبقته ومرات هو سبقني بس مين علم اكتر عدد مرات مش عارفة بصراحة
بس فضلنا نشد لحد ماوصلنا لسرعة 200 سوا على الطريق وبصراحة انا كنت اكتفيت اوي بالـ 200 دي وقلت كفاية كدة لإني اصلا كنت تعبت من السواقة ومكنتش نايمة كويس كمان فمرضيناش نزودها اكتر من كدة او نكمل شد تاني واتفقنا انه خلاص كفاية شد ونمشي عادي بقي .
بس انا فاكرة اول جملة قالهالي لما نزل من عربيته بعد ماخلصنا شد قاللي
" بصراحة انتي مفتريـــــــــــــــة "
قلتله انا كنت بجري في حالي انت اللي جيت تشد قصادي
ها بقي؟ بنعرف نسوق ولا سواقة البنات وحشة زي مابتسمع؟
راح قاللي لأ دانا ابصم بالعشرة وبعد كدة هاخلي بالي منهم

بس واحنا مروحين شديت مع عربيات تانية جين تو وبيرسونا وواجا بس كنا على سرعة 160 - 170
بس الصراحة 200 دي اعلي score جبته في حياتي كلها ومعتقدش اني ممكن اجربه تاني وناس كتير نصحوني بكدة عشان فعلا العربية بتكون خفيفة جدا والعمر مش بعزقة يعني.

والله انتي شوقتيني اجرب عربيتي مع عربيتك في الشد

مع العلم ان انا عملت حادثة قبل كده بلانوس بسبب بنت برضو كانت بتشد معايا باكسيل بس كنت مظبطها غرز والحادثة حصلت بسبب غرزة غير مدروسه (اتهورت شويه لانها كانت بصراحه مش مدايني فرصه خالص كانت لازقه ورايا غرزة بغرزة)ومن ساعتها قررت ما شدش مع بنت تاني

بس واضح انك هتخليني اطلع بدله الرالي بتاعتي تاني بعد ما لتراب غطاها :)))

عموما فرصه سعيده ونتمنى نشوفك في مقابله النيو اكسنت الجايه

المشاركة الأصلية كتبت بواسطة ahmed5670

اهو يا عم بسام.. مجبتش حاجة من عندى.. و الrpm على 180 بيبقى 5.1

غريبه فعلا

انا كده هشك ان عندي اسطوانه في العربيه

عموما لما تيجي فرصه مناسبه للجري هجرب تاني واشوف وها حاول اصور العداد

المشاركة الأصلية كتبت بواسطة r a n a

هههههههههههههههههه
انا لما بقول لحد على موضوع الشد والـ 200 ده بيهزأوني ويتهموني بالجنان بصراحة ويقولولي بلاش تهور ومينفعش كدة وبصراحة هما عندهم حق .
عموماً انا يومها مكنتش عاوزة اشد بس هي جت بظروفها كده يعني
بالنسبة للمقابلة مش عارفة هاقدر اجي ولا لأ وهل هايكون في بنات تانيين عشان اكيد مش هاينفع اجي لوحدي طبعاً.
بس طريق اسكندرية الشد عليه مش حلو اوي عشان التحويلات الجديدة دي.
انا مرة شديت عليه قصاد فيرنا برده (بس من غير قصد انا كنت بجري لوحدي افتكرني بتحداه وانا مش في دماغي اصلا) شديت معاه شوية وبعدين زهقت واللي معايا قالولي سيبك منه بس هو كان غبي لما عديته وجبته قدامي عشان اخلص منه قعد يتغابي وبقي يفرمل قدامي عشان البس فيه وفضل قارفني طول الطريق لحد ماهديت خالص وسبته يغور .
عموما اذا كان في بنات تانيين في المقابلة وظروفي سمحت اجي يومها هاجي بإذن الله حتى عشان تجربوا عربيتي وتشوفوا لو فيها حاجة برده.

عموما فرصة سعيدة جدا يااستاذ بسام.

على فكرة في بعض الناس لما بيلاقو بنت بتجري بالعربيه بيفتكروا انها ممكن سوري يعني تتعاكس وتتصاحب وكده عشان كده بيعد يرخم عليها زي اللي حصل معاكي كده

وعموما خللي بالك لان اللي زي دول كتير مش بيبقى قصده شد وبس

ربنا يستر طريقك وفعلا خللي بالك لان السرعه مش دايما كويسه الا اذا كان الطريق مساعد

وان شاء الله تكون في فرصه مناسبه للتعرف على حضرتك ونتمنى ان يكون في بنات تانيه تنور جروب النيو اكسنت لاني اعتقد ان حضرتك اول بنت