الحقونى بسرعة عملت حادثة بأونو 93 و عاوز أعرف أسعار الحاجات دى

**islam_taha** · 20-03-2010 03:40 AM

معلش ياجماعة عربيتى اونو 93 وعملت حادثة النهاردة والحمد لله جت سليمة وطلعت سليم وكانت عايز اسال عن اسعار الحاجات دية رفرف شمال وفنوس شمال كامل واكصدام امامى

**yoko** · 20-03-2010 07:14 AM

إستنى سمسم أونو هو الي عارف الحجات دي

**amrbakly** · 20-03-2010 05:47 PM

حمدا الله علي سلامتك يا عم و في داهية العربية

شوف يا سيدي انا عارف سعر حاجتين

فانوس الإشارة من غير لمض 35 عند الكيلاني اعتقد هندي
الفانوس الأمامي عامل حوالي 120 تيواني من غير لمض

بالنسبة للإكصدام حتنزل وسط البلد عند شارع المجلس الأمة في محل اسمة ولاد علام بتاع فيات حتلاقي عندة الإكصدام بـ 160 جنية

انا مش فاكر اسم الشارع بس الوصول لية سهل مووووووووووووووووت لو انت واقف في باب اللوق

كمان اعتقد حتلاقي عندة الرفرف بس معرفش حقيقي بكام

بس انت اذاي دغدغت الرفرف ، دة رفرف الأونو عامل زي المسطرة البلاستيك اللي بتتني يروح و يجيي و ميجرالوش حاجة و دية يمكن احسن ميزة في بادي الأونو

**ahmed_hamda** · 20-03-2010 06:38 PM

قدر الله وماشاء فعل باذن الله ترجع احسن من الاول

**islam_taha** · 22-03-2010 10:06 AM

شكرا لكل الناس الى ردت وانا الحمد لله لقيت كل حاجة هنا عندى فى اسيوط بس الكبوت كمان عايز يتغير بس الحمد لله ليقتة الكبوت عمل 500 والرفرف 250 والاكصدام 200 والفنوس 95والكبوت والرفرف استراد والاكصدام والفنوس جداد

**semsem_uno** · 22-03-2010 01:03 PM

طيب ما زي الفل يا باشا و تقريبا انا كنت كاتبلك الأسعار ديه في الرابطة
عالعموم مبروك و خلي بالك بعد كده و تجنب خطأ الغير لأني واحد باسبرانزا ال2000 خبطني و كويس اني كنت سايب فرامل العربية طارت و انا دماغي اترجت من الخبطة و جالي صداع بس الحمد لله طلعت سليم و الأونو ولا جرالها اي حاجة و هو اكصدامو اتخرم :pointi~2[2]: