ده كان هزار والله .... على رأي الشوام .... هيادي مناغشه :M_yes[1]:
هيا الدنيا من غير الستات تبقى دنيا .....والله تبقى مالهاش طعم خالص
عرض للطباعة
عشان مفيش حاجة تنغص عيشتك
نتكلم جد وواقع شويتين
المشكلة دي ح تبقى من اخطر مشاكل العصر مستقبلا
اهم الاسباب من وجهة نظري المتواضعة
1- زيادة عدد النساء على عدد الرجال وده طبعا حكم ربنا وما حدش يقدر يغيره
2- الازمة الاقتصادية الطاحنة اللي بتخلي الشباب مش قادر على تكاليف الزواج
3- عزوف الشباب عن الزواج لأسباب اخري مثل حب الحرية وعدم الرغبة في تحمل المسئولية وبعض الانحلال الاخلاقي الذي يؤدي الى لجوء الشباب الي العلاقات الغير شرعية او زواج العرفي
4- مغالاة الاهل في طلباتهم لزواج بناتهم ..... وعدم التساهل من كثير من العائلات .... وطبعا هما بيبقو عاوزين يأمنو مستقبل بناتهم ..... لكن اعتقد ان تأمين مستقبل البنات اننا نجوزهم لشباب يكونو بيتقو الله ويقدرو يحافظو على البنت .... مش بمجرد القايمة والشبكة والمهر والشقة التمليك
5- ودي الجديدة شوية ...... خروج البنات الي سوق العمل ... بل وشغلهن لنسبة كبيرة من الوظائف المرموقة والادارية ..... وكل بنت في وظيفة بتقلل فرصة الشباب في الحصول على وظيفة بالمقابل
6- اصرار البنت على الزواج من شاب يشغل وظيفة اعلى منها ..... يعني لو هي بتقبض 5000 مثلا ... وجالها واحد مرتبه اقل منها .... تلاقيها بتقول يعني انا اتجوز واحد عشان اصرف عليه ؟؟؟او اتجوز واحد مستواه الوظيفي اقل مني ... وهكذا
...
من الآخر ... ماحدش بياخد كل حاجة
المرأة خدت حقها في التعليم والعمل ... بل والعمل في المجالات التي كان من الصعب عليها شغلها في الماضي ..... واصبحت تطالب بوظائف اكتر واكتر ....لكن
من جهه اخري حصولها على الحقوق دي أثر كثيرا في فرصتها في الحصول على وظيفتها الطبيعية التى خلقها الله لها ..... زوجة وأم
للأسف الشديد ..... الكلام ده قد يكون قاسي ولكنه الواقع الذي نعيشه حولنا
انا اتوقع ان يحمل لنا المستقبل ظواهر غير طبيعية في هذا المجال
زي الحكايات اللي رواها الزملاء ...طبيبة تتزوج سواق مكروباس ..... مهندسة تتزوج سباك ... مع احترامي الكامل لجميع المهن الشريفة
وكمان اتوقع انتشار التعدد .... مع الوقت سيزداد عدد البنات الاتي سيقبلن الزواج من رجل متزوج ...... وسيتضح حكمة الخالق من هذا الأمر
راى فى الموضوع ده ان اهم حاجه التفاهم بين الطرفين بس مينفعش يكون العكس ان الراجل اقل فى التعليم من الست ده رايى الشخصى بيسبب مشاكل كتيييييييييييييرة جدا والموضوع ده مش بيكون ساعتها ينفع التفاهم فيه لعدة اسباب اهمهم ان الراجل ساعتها حيحس انه اقل من الست وحتبتدى بقى المشاكل
===============
تانى نقطه انا موافقه جدا على بعض النقاط والاسباب فتاخر البنات فى الجواز مش كل النقاط مظبوطة وديه برده من وجهة نظرى الشخصيه
وفى الاول والاخر بتفرق فى نقطه الاهل هل هما بيحبوا المنظرة والمظاهر ولا من الناس اللى عارفين ربنا كويس وبصراحه الناس ديه قليله فى زمنا ده
بيتهيالي الكلام ده حيكون صعب حيكون في اختلاف كبيرفي التفكير
لكن في ناس معاها مؤهلات لكن غير مثقفين وفي ناس مكملوش تعليم بس مثقفين جدا
للاسف اللي تفكر بالطريقه دي, الجواز من اي شخص لمجرد الجواز بس بيكون نهايته الطلاق و اولاد مالهمش ذنب و هيعيشوا بعيد عن ابوهم او امهم و يكونوا معقدين
ممكن تكون الزوجه اقل شئ بسيط في التعليم عن الزوج بس مش اوي لانها هي اللي هتكون مسئوله عن تعليم الاولاد و هي اللي هتابع مذاكرتهم
اما ان يكون الزوج اقل من الزوجه في التعليم او المستوي الاجتماعي فصعب جدا لان الزوجه دايما بتحب تشوف زوجها مالي عينها في كل شئ