سؤال
هل تقبل ان شريكه حياتك (زوجتك) تكون مكملتش تعليمها او اقل منك فى التعليم ؟؟؟
عرض للطباعة
سؤال
هل تقبل ان شريكه حياتك (زوجتك) تكون مكملتش تعليمها او اقل منك فى التعليم ؟؟؟
ميزو حبيبي
في الظروف إلي إحنا فيها ..صعب إنها تكون مش متعلمـــة
لكن ممكن تكون أقل في مستوى التعليم
يعني تعرف
أنا عارف دكاترة بشريين متجوزين دبلومات
وعدد غير محصور من خريجي الكليات (غير المسمى بكليات القمة) متجوزين بنات بدبلومات
.
الأخلاق مهمة جدا
وإسم العيلة مهم(مش جدا)
ومستوى التعليم ..يُفضل إنها تكون -على الأقل-مؤهل
لازم يكون فى توافق فى التفكير والمستوى العقلى و الفكرى
يعنى مش متعلمة مينفعش
اقل فى التعليم ممكن
وطبعا الموضوع ده معيار من معايير الاختيار
دبلومات دي صعبة شوية
عارف والله ياداكترة إنها صعبة
بس تعرف
أحيانا -وده صعب- تقابل بنت تسحرك بكل حاجة فيها
جمالها ..أخلاقها ..حيائها ..دينها .. أنوثتها..كل حاجة
وفي نفس الوقت تكون دبلوم
ساعتها إنت ممكن تحسبها بالعقل والقلب
تلاقيك إخترتها هيا
...وده ده ممكن يحصل في المدينة الفاضلة
مش في مصر حبيبتنا كلنا
متفق معاك مليون فالمية يا كبير....
لو لقيتها كدا انا مستعد...
بس ماذا عن الفروق الاجتماعية الي بالضرورة حتلاقيها مقترنة بالمستوي التعليمي في معظم الاحيان؟
نفس الحال فى دمياط بنات دكاتره متجوزين عمال و دبلومات عمليييين جدا الجماعه دوول
تمام كده ..العكس برضو ماشي
في البلد إلي أنا فاتح فيها الصيدلية ..3 دكاترة سيدات متجوزين رجالة معاهم دبلومات ومعاهد فنية
وهنروح بعيد ليه
إبن عمي ..شغال سواق في السعودية ومعاه دبلوم
فوجئت بخبر صاعق لحد دلوقتي مش مصدقة
لما جتلي دعوه فرحه ....متجوز كارديولوجيست شغاله في السعودية
قسم وأرزاق
لا لا بجد غريبة اوي موضوع العكس دا
ربنا يهنيهم يا رب..........
بس دا مش ممكن يعمل مشاكل يا جدعان؟ يعني هل بيبقي فيه تفاهم؟
السبب واضح جدا ياداكترة
البنات بدأت تعنس فعلا ...لأسباب كتير أوي
قلة عدد الشباب
الغلاء الطاحن
المغالاة في المهر والشبكة والذي منه
أزمة العمل والبطالة بين الشباب
فالبنت بتكون خياراتها محدودة جدا
ولما سنها بيكبر يوم بعد يوم ..خياراتها بتقل أكتر وأكتر
يعني مثلا
البنت إلي شغالة عندي في الصيدلية
لها أخت
ماشاء الله جميلة أوي ..ومحترمة أوي ..ومن عيلة لها إسم في البلد
وماديا كويسين جدا ..وتعليم عالي (كلية تربية) ...ومُدرسة في مدرسة
وعندها 30 سنة ..ولسه ماإتجوزتش
وعلشان خياراتها المحدودة
إتخطبت لواحد سواق ميكروباص
معاه الإعدادية
...
سواق ميكروباص بجد
والله انا متفاجيء....
بس الكلام دا نتيجة طبيعية فعلا للي انتا قلته
عجبنى قوى بدراهمى لا بالكلام الناعم
فعلا حال الجواز فى البلد اتقشلب وممكن تلاقى بنت تعليمها عادى و عشان حلوه عايزه و عايزه شغال الحال انتا اكيد فى مصر
بالمناسبه لو تعرف صيدليه السعد فى الزقازيق تبقى بتاعت ابن خالى فى القوميه
لو بتتكلم علي مستوي التعليم في مصر والشهادة الي حاصلة عليها يبقي مفيش فرق بين الي معاة دبلوم او ثانوية او كلية او ماجستير او دكتورة
ممكن وحدة معاها دبلوم ونصحة ومثقفة وبتفهم ووحدة معاة كلية او ماجستير وسوري في اللفظ وهبلة
وممكن العكس
يعني التعليم هو تخصص في شيء معين يعني ممكن تبقي معاك دكتوراة في الفلسفة بس انت مش فايلسوف
وممكن تكون مثقف لدرجة ان من الصعب ان واحد متعلم يكون عندة المقدرة علي جدالك
موضوع التعليم دة شيء نسبي من شخص لاخر انا اعرف دكاترة معانا يعني معاهم دكتوراة وللاسف ميعرفوش حاجة في اي حاجة غير انة يعرف الدكتوراة الي هو واخدها
وبعدين اتجوز واحدة معاها دكتورة وماجستير وتكون هطله ولا اتجوز واحدة مش باول جهلة متعلمة وعندها ثقافة ووعي وفهم اكيد التانية هتكون افضل
وفي الاول والاخر المراة هي المراة طريقة تفكيرها واحدة بس بتختلف من بنت الي اخري وطريقة التنشاءة عليها عامل كبير يعني لو اتجوزت واحدة امها مطلعة عنيين ابوها هتلاقي الي ممكن تتجوزها ممكن تطلع عينك
لو طبع امها شكاك هتلاقي بنتها فيها الخصلاة المنيلة دية وهتخلقلك مشاكل من غير لازمة
الخلاصة التعليم مش مقياس خصوصا في مصر انت بتخش الجامعة مش بتطلع بحاجة ولا بتستفيد باي حاجة شوية الكتب الي بتاخدهم كلي ترم سهل اوي ان واحد يقراهم في شهر لو هو عايز وهيستفيد اكتر منك ويبقي معاة كلية باردة باس كلية بيتي
:Y_hi_3[1]::Y_hi_3[1]::Y_hi_3[1]::Y_hi_3[1]::Y_hi_3[1]::Y_hi_3[1]:
عادة مش هاقبل لأن دماغي هاتبقى في سكة و دماغها في سكة تانية خالص
لكن طبعا لكل قاعدة شواذ
المستوي الاجتماعي المتوافق شرط اساسي للزواج , يعني لو بصينا علي الناس اللي معاهم تعليم عالي ( جامعي) هتلاقي 3 انواع نوع اتعلم و دخل الجامعه كامتداد طبيعي لحاله العائله المنتمي لها و نوع تاني مدفوع برغبه الأهل للارتقاء بالمستوي الاجتماعي وتعويض فرص في الحياه فاتتهم و عايزين يعوضوها في اولادهم , و نوع ثالث ساخط علي ظروفه و مش راضي علي وضعه الاجتماعي و بالتالي يلجأ للتعليم العالي كنوع من الوجاهه و حب اثبات الذات .
لما نيجي بقي في موضوع الزواج لازم تتعامل مع 3 فئات اللي ذكرناهم , يعني لو اخدنا مثال لو انت طالب في طب مثلا ووالدك مدير عام في شركه او مصلحه حكوميه و جانبك في المدرج زميلك برضه بس ابوه مثلا ساعي , مع احترامي للجميع و العزه لله , من المستحيل انه تلاقي ارضيه مشتركه خارج نطاق التعليم بينكم , يعني هو اتربي بأسلوب و فكر و ثقافه و انت بأسلوب تاني خالص مختلف و ده شيء طبيعي علي الرغم انه ممكن يكون متفوق دراسيا اكثر منك . تخيل بقي انه ليه اخت برضه تعليم عالي و متدينه و علي قدر عالي من الجمال ينفع انت تتجوزها ؟؟؟ اعتقد صعب. لكن هو لو ليه قريبته او جارته وممكن تكون بتعرف تقرأ بالعافيه ممكن هو يتجوزها و يعيشوا سعداء لان فيه توافق ما بينهم , كذلك العكس بالنسبه للبنات ممكن بنت تكون معاها شهاده عليا و لما تيجي تتجوز تتجوز سواق ميكروباص عادي لان فيه توافق ثقافي و اجتماعي ما بينهم ..الخ , و طبعا الفرق في التعليم بيعمل مشكله و ما نقدرش ننكره لان التعليم ببساطه هو عباره عن مستويات معينه من التحديات العقل بيواجهها و بالتالي اسلوب تفكيرك هيختلف طبقا للمستوي اللي انت واقف عنده , لكن هي ارتضت انها تضحي بفارق التعليم خوفا من العنوسه و اعتقد من وجهه نظري انها هتبقي علاقه ناجحه مع بعض المجهود من الطرفين .
ممكن تقبل لو بتحبها حب غامر ... وكلها كام شهر وهتكره اليوم اللي اتولدت فيها مش اللي عرفتها فيه بس !
زى ماقال شاعرنا الجميل احمد فارما
ممكن دكتور او مهندس يتجوز بنت معاها دبلوم
والعكس كمان وانا شخصيا اعرف حالات من الناس
دى وجوازات ناجحه جدا
بس الخط الفاصل فى الموضوع ده هو مستوى ثقافة البنت
مش الشهاده ونفس الموضوع مع الرجل
انهى تعليم هوا المقصود
ان كانت تعرف دينها و حافظة المصحف بس مش نالت نصيبها من التعليم المنهجي مفيش مانع
الاساس بالنسبة لى هوا التعليم الدينى
لو الشاب متعلم ممكن يتجوز بنت تعليمها اقل منه زي مثلا دبلوم بشرط يكون المستوى الاجتماعي متقارب
مينفعش البنت تكون اعلى منه سواء في التعليم او المستوى الاجتماعي
لان هايفضل دايما في شعور بالنقص
وانا شوفت حالتين كدة
الست دكتور في الجامعة والزوج مدرس وزراة التربية والتعليم
وتخيل كمان لما يكون الاعتماد الاكبر على الست في مصروف البيت
مهما حاولوا يظهروا قدام الناس انهم عيلة مستقرة لكن بينهم وبين بعض في اي موقف لازم هتحسسه انها الافضل
اتفق معاكى بشده
وده الى كنت عاوز اقوله ل دكتور احمد فارما
ان لو البنت اقل منك فى مستوى التعليم عادى وطبيعى لان الراجل دائما هو المسيطر(ده فى الوضع الطبيعى طبعا)
لكن لو البنت اعلى منك فى مستوى التعليم او فى الكارير الوظيفى حتتعب كتيـــــــــــــر لانك حتحس دائما انك اقل منها وحتى بينك وبين نفسك دائما حتحس بالاحساس ده ده مع الافتراض انها فى يوم من الايام قالتك كده فى وشك (معييره يعنى)ساعتها اكيد حيبقى نهايه الحياه بين الطرفين حتى لو استمرت
الملخص من وجهه نظرى
مش عيب ان تاخد واحده اقل منك فى التعليم او السن مدام هى عندها ثقافه ودين (مش جاهله يعنى)
والاهم انك تشوف فيها ام لاولادك وست بيت (هى دى وظيفتها الاساسيه )ويأتى بعد كده التفكير فى الحاجات التانيه
دى وجهه نظرى والموضوع مفتوح ونشوف جميع الاراء
الحب يصنع المعجزات
لازم علي الاقل بكالوريوس
لو اقل من كده اساسي لازم تكون واحده اجنبيه عشان اتجوزها
معلش بعيد عن الموضوع للدكتور اخمد ..هيا الشغلانة دى اية بالظبط ؟؟؟؟؟وبتكسب يعنى :U_thin1[1]::U_thin1[1]:
ثانيااااا
انا لياااا مشاهدات فى الموضوع دة
فى شبراااا لاحظت ان البنات فرصهم فى التعليم بتبقى اعلى وفعلاا بيدخلو كليات فى اغلبهااا نظرى
وتلاقى الشباب الاغلب فيهم دبلوم وقصر ...وفعلااا سمعت عن زيجات الزوجة تعليم عالى والزوج دبلوم والاسرة بتاخد فى المقام الاول القدرة المادية للزوج على اتمام الزواج وانة يفتح بيت لان فى عرفهم ان البنت كدة كدة هتتجوز وتقعد فى البيت تربيلة عيالة
وطبعاااا انتو عارفين ان ثبت ان البنت كل ما تعليمهااا ارتفع فرصهااا فى الزواج بتقل جداااا
فعشان كدة ممكن تكون مضطرة انها تقبل بواحد مستواة مش زيهااا او اعلى منها على الرغم من انها تفضل ذاللك ...وذالك لتجنب موضوع تأخر سن الزواج
بس الراجل مبيحسبهاش كدة اعتقد
الراجل بيدور على واحدة تريحة فى بيتة اصل معلش حتى لو بتشتغل عالمة فى الذرة او وزيرة هو مش مستفاد حاجة ..فى الاخر دة ليهااا مش لية .لاهيقبل انها تصرف علية او تخترعلة نووى فى البيت
هو عاوز واحدة ست تفهم احتياجاتة كزووج
واللى اسمعة والله اعلم ان فى مجال الطب معظم الدكاترة متجوزين ممرضات ومستريحيين جداااا
واللى متجوزين دكاترة اناث ...مش سعداء ومش مبسوطين وبيروحو يتجوزو ممرضات من ورا مراتتهم الاولانيين
حد فاهم حاااجة
وشكرااااا جزيلاااااا
لأ طبعا تعليم عالى ذيى مش اقل متنسوش ان دى حتكون ام اولادى و اكيد حكون عايزهم تعليميا احسن ناس فأكيد الام و الاب يكونوا تعليم متميز هما كمان
السؤال ع التعليم مش الاخلاق عشان منتوهش فى مواضيع فرعية
المهم تكون بتفهم
انا شايف انك لازم تبص للزوجة مش فقط على انها زوجتك وبس .... الأهم انها ح تبقى ام اولادك ... وهيا اللي ح تربيهم وهيا اللي ح تذاكرلهم ....يعني لازم تكون متعلمة ومثقفة
الحب ممكن يعوض الفارق التعليمي والثقافي ...... لكن من ناحية التربية للأبناء .... اكيد حيبقى فيه مشكله
لكن .... لكل قاعدة شواذ
اما القاعدة فهي ان تكون الزوجة متعلمة ومثقفة .........
لو فية كدة انا موافقاقتباس:
عارف والله ياداكترة إنها صعبة
بس تعرف
أحيانا -وده صعب- تقابل بنت تسحرك بكل حاجة فيها
جمالها ..أخلاقها ..حيائها ..دينها .. أنوثتها..كل حاجة
وفي نفس الوقت تكون دبلوم
ساعتها إنت ممكن تحسبها بالعقل والقلب
تلاقيك إخترتها هيا
...وده ده ممكن يحصل في المدينة الفاضلة
مش في مصر حبيبتنا كلنا
بس ده يرجع لتعريف "المستوى الثقافى"
انا ميهمينيش انها تعرف عاصمة الفلبيين او ارتفاع اعلى قمة جبلية فى العالم او الفرق بين الموساد و الشباك
اللى يهمنى ان يكون عندها عقل و فكر و رأى و وعى باللى بيحصل فى الدنيا و رؤيه و هدف فى الحياة
صحيح التعليم بينمى العقل بس مش لازم بشوف دكاترة جامعة فى منتهى السطحية و ناس رقيقة الحال عندها و عى و رؤية عنهم تحب تتكلم معاهم
هو انا عاوز فى البنت ايه غير انه يكون قلبها ابيض و عقلها نضيف و لو هى كده اكيد هتبقى ذات دين و تعينى فى حياتى
أعتقد كل الشعب بقى متعلم حتى في القرى و النجوع ..
لكن الواحد بيقابل ناس متعلمة و لكن عقليات ضحلة سواء ولاد أو بنات ..
بينما جداتنا لم يكونوا على قدر كبير من التعليم و لكنهن كن يتمتعن بالذكاء الفطري و الحكمة و القدرة على تصريف أمور البيوت