الموضوع: بيجو 205 استهلاك البنزين والبوجيهات

متااااابع

فين رجالة البيجو فى بيات شتوى ولا ايه

انت موتور تي يو 3 اللي هو 1400 ؟؟؟؟؟؟ المكنه السودا العدله ولا المايله؟
بعدين انجكشن ولا كربراتير ؟ اعتقد ان موتورك كربراتير اي كربراتير بقى السولكس ابو فتحه صغيره وقلاب او باب واحد ولا ابو بابين زي 405 ؟بتستخدم نوع بنزين ايه ؟ اسباب ارتفاع استهلاك البنزين كتيره ولها علاقة بدورة البنزين ودورة كهربا الموتور
بص البوجيهات ليها علاقة بالاستهلاك دا شي طبيعي (ودا واضح ان دا السبب اللي عندك بس فيه سؤال انت حاسس بفرق في السحب والاداء )
انا عندي فكره ممكن تساعدك وياريت تنفذها لو البوجيهات القديمه لسه عندك عشان هاتجبهم لو كانوا شغالين وتخلي المكانيكي يصنفرهم وتركبهم وبعدين تجيب منظف الكربراتير (يعني هاتفك العمه وتنظف فلتر الهوا والخراطيم كويس ) وبلاش تخلي الميكانيكي يلعب في مسامير البيكات او وصلات وخراطيم الفاكيوم بتاعت الكاربرتير وتنظفه الكربراتير بالاسبراي المنظف والعربيه شغاله وتزود بنزين من وانت بتنظف وبعد عمليه التنظيف دي تفك البوجيهات القديمه وتركب اللي انت جايبهم 2 شمعه بس تصنفرهم قبل التركيب وممكن تغير فلتر البنزين بالمره هات الفلتر الروسي
كدا انت نظفت الكربراتير ودورة البنزين على الواقف من غير ماتلعب في اي اعدادات وبتشيل البوجيهات وتركبهم تاني عشان عملية التنظيف هاتوسخهم جامد ويفضل انك قبل ماتركب الاتنين شمعه تاني تاخد العربيه لفة محترمه وتحرق على الغيارات عشان تطلع اي ترسبات في دورة البنزين والعادم
الهدف من الكلام دا انك تشيل احتمال الاستهلاك الزياده سببه من دورة البنزين بالتالي هايبقى سببه حوار البوجيهات 2شمعه بس في الاخر حوار التنظيف بتاع الكربراتير دا بيتعمل قبل ماتغير البوجيهات والزيت بيومين تلاته
انا معايا 205 وهي عربيه حلوه جدا بس انا مش عارف انت قدرت تحسب الاستهلاك دا في البلد ولا طريق سفر عداد البنزين عندي بيخرف قرايته مش دقيقه ومابعتمدش عليها بصراحة مش فاضي اصلحها خالص اليومين دول
صحيح انت بتجيب لها قطع غيار من عند مين ؟

المشاركة الأصلية كتبت بواسطة hanymi45

فين رجالة البيجو فى بيات شتوى ولا ايه

هنا الناس مقتصده في الاستهلاك مش رغايين ومتحفظين كدا في الكلام بطريقه عجيبه
عندي احساس البيجو كارفه على اصحابها عارف طبعا ان العزل في البيجو من زمان شي مهم فاتحس كدا الصمت بيخيم على القسم ولا خلاص مابقاش فيه مشاكل ولا حوارات تبص على كل المواضيع الجديده مافهاش روح زي القديمه خالص
شوف انا اول مابقرا الموضوع بكتب فيه سواء شفته بعد دقيقه ولا 100 يوم بس مشكلتي مابدخلش السايت كتير الا في لما بكون فاضي بصراحه
بس بجد وبالرغم من كدا انا بعشق حاجه اسمها
بيجو
وال 205 بالذات

في حاجه مهمة كمان لما تيجي تركب بوجيهات جديده
مقاس السبارك جاب
او مقاس السن مهم اوي تجيبه زي ما الستاندر بيركب لنفس موتورك بالمناسبه الماكنه السودا او العدله tu3 بيركب لها مقاس 0.7 الي 0.8

انا شاكر ليك ردك ولو انك اتاخرت عليا شويه بس ح اعديها المره دى
بالنسبه للماتور هو الماتور الاسود فعلا 1360 سى سى العدل كاربيرتر
وانا باستخدم بنزين 90 على طول وبلانسبه لموضوع حساب البنزين انا باكتب رقم الكيلو اللى فلوت فيه العربيه وبعدين لما اجى افول تانى باقسم الفرق على كمية البنزين اللى انا فولته وبالتالى يطلع متوسط الاستهلاك وغالباً انا باستخدم الدائرى فى كل مشوارى
على فكره انا البوجيهات مش عندى القديمه وبالتالى هل ممكن انتظر لما البوجيهات تخلص وبعدين اعمل الموضوع ده فى البوجيهات الجديده ولا ممكن فى طريقه تانيه اعمل بيها كده وهل البوجيهات واحد شمعه افضل فى الاستهلاك الميكانيكى قالى انه العربيه دى البوجيهات واحد شمعه هى الافضل ليها بتاعتها الاستندار
بالنسه للسحب والاداء انا شايف انه كويس مفيهوش مشكله والحمد لله وعلى فكره انا لسه شارى فلتر جديد وفلتر البنزين متغير وذى الفل
انا بشترى الحاجات الجديده م عند ادوار الى فرمسيس او لامسيرى فى مجلس الامه هو ادوار غالى شويتيتن لكن حاجته ذى الفل بصراحه فبخليه للحاجت المهمه اوى ذى مثلا الكاتوت بتاعت الدينامو مثلا اما المسيرى فاى حاجات بتاعت 205 مش لقيها بتلاقيها عنده جديده وايضا فى عماد المصرى بتاع الدقى راجل محترم وتعامله كويس جدا بالنسبه للمستورد ولو فى حاجه بترجع له يغيرها على طول بدون اى نقاش وبكل ادب هو يمكن يكون غالى عن الوكاله شويه صغيره بس المعامله وضمان الحاجه تكون كويسه احسن شى فيه بصراحه وعلى فكره مثلا انا جبت البوجيهات عنده لقيت عنده بوش المانى الـ 2 شمعه بـ 70 جنيه
وانا متواصل معاك لو فى اى شئ
وانا كنت عايز اسالك على الفيبره الى بتتحت على الشنطه من ورا ممكن القيها فين انا دايخ عليها مش لاقيها يقولوا لى اشترى شنطه كامله فى الوكاله او فى اى حته
وكمان عايز اسالك ان امعنديش لمبة لامرشيدر مش بتنور والكهربائى قالى انها عايزه مكنه وسالت عند عماد لقيتها فعلا رايك اشتريه اولا مالهاش لزمه وهى ال 205 كده
وفعلا كلامك صح هى عربيه محترمه جدا وحمالة اسيه بصراحه واصيله خاصة للى مخلى ايده فيها

بص ياباشا كلام الميكانيكي مزبوط ان الصح للعربية دي واحد شمعة وفي نوع اسمه شامبيون وليه رمز خاض او كود خاص ومفاسه من 0.7 الى 0.8
بالنسبه للفبرة فاملهاش حل غير حوار باب شنطه كامل استيراد وعليك انك تطمع البياع في السعر عشان يجبلك نفس لون الفابريكا وفبره بالارقام والحروف الاوريجنال تجيبه كامل بالمساحة بالمكنة مايعديش 350 او 400 بس تطمع البياع وبعدين تقفش البضاعة وتربطه عشان تاخد الاحسن وومكن تشوف نور بيجو يمكن يكون ليه فيها صرفه وفي موديل من العربيات دي بيسموها الشكل التاني او فيز 2 برا في اوروبا بتنزل من غير فبرة بتنزل صاجه منها فيها بنفس لون العربيه
كمان بالمناسبة للوحة الكهربا او الاضواء الخلفية فعندك نظامين
وفي الموقع دا التوضيح عشان في شكلين للفوانس اللي ورا
205GTIDrivers.com ::: Articles
205GTIDrivers.com
قلب في حاجه اسمها ارتيكلس او مقالات وقلي ايه رايك في الشغل
205GTIDrivers.com

Phase 2 Rear Lights Conversion | by pugtorque
دا اسم موضوع تعديل لوحة الفوانيس من الشكل القديم للجديد