الموضوع: سؤال مهم في موضوع التسخين

مفيش عندك مشاكل

والغلط اللى أنت عملته أنك دوست على دواسة البنزين

والمكنه لسه بتشد حيلها والعربيه واقفه فى مكانها بعد الدواره مباشرة

ميرسي يا هندسه علي الرد
بس هل يا تري هيحصل ضرر بعد كده
بسبب دوستي علي دواسه البنزين ؟

لا مفيش ضرر ولا حاجه

بس أبقى سيب وحدة التحكم تشيل هى المسئوليه فى بداية تجهيز المكنه

وبلاش تتدخل أنت فى عملية التحكم

لأنك كده بتعمل خلل فى خط سير عملية التحكم فى بداية الدواره والتسخين

بمعنى

المكنه لسه صاحيه من النوم ....وأنت مش عارف ظرفها

فسيب وحدة التحكم ( تعملك الازم فى البدايه )
لأنها أدرى بظروف المكنه منك أنت شخصيا ( فى هذه الآونه )

حاضر يا هندسه
و الله بتقول حكم
طب معلش سؤال كمان
المكنه صوتها عالي كده
و كله تمام التمام
مفيش اي مشكله اخري
و لسه الزيت اصفر و بخيره
بس مغيرتش الفلتر
فهل ده السبب ؟

يا ترى يا بشمهندس ده فى كل العربيات؟؟؟

فى كل السيارات ذات الحقن الألكترونى

التى تحتوى على كارتة تحكم ( شبيهه بكارتة الكمبيورتر )

وطبعا دى فيها بروسيسور ( زى دماغ الأنسان )

بيفكر أزاى يظبط أمور المكنه بناءا عن حسابات وبرامج مجهزه داخله
فى ذاكرته

انا ال128 بدور و أنا دايس بنزين خفيف

لأن ال128 مفيهاش دماغ ألكترونى ( وحدة تحكم ألكترونيه )

فبيتحكم فيها الدماغ البشرى ( وحدة تحكم طبيعيه ...من صنع الخالق جل علاه )

ولما بتدور بشد الشفاط على الهادى كده لحد متسخن شويه

شرحووووووووووو

الدماغ البشرى هنا بتتحكم فى قفل باب الكربوراتير (فتره من الزمن )

لجعل نسبة البنزين أعلى من نسبة الهواء ( يعنى مخلوط غنى للحريق )

لازم للمكنه فى البدايه ( على ماتشد حيلها )


أما فى الحقن الألكترونى


فالتحكم فى غناء خليط السلانسيه وجعله غنيا بيكون بواسطة
الدماغ الألكترونيه ( وحدة التحكم )

حيث يتم أدخال عملية الحريق فى حالة غناء مزاجيه لضخ الوقود (البنزين )

ودى بيقال عليها open mode

يعنى مزاج عالى ومفتح كده ( مفيهوش حسابات )
لحد المكنه ماتسخن

طب معلش سؤال كمان
المكنه صوتها عالي كده

يعنى دى ملحوظه جديده بعد غيار الزيت المره دى

وماهو نوع الزيت

و لسه الزيت اصفر و بخيره

وعامل كام كيلو لحد دلوقتى بالزيت أبو خيره

أى زيت جهينه

على وزن حليب جهينه