الموضوع: عاوز اعرف الفرق بين النصر 128 و ال128 النوفا

النوفا سيارة يوغوسلافية تابعة لشركة يوجو بعدما اشترت خط انتاج ال128 من فيات, هى النسخة اليوغوسلافية من ال128, فيعد ايقاف انتاج سيارة ما, قد تقوم الشركة المصنعة ببيع خط انتاج هذه السيارة الى شركة أخرى, لتقوم بتصنيع نفس السيارة فى بلدها. و الفرق بينهما هو نفسه الفرق بين الشاهين و ال131 مثلا. النصر 128 تضم الاثنين معا, فالى عام 1989 كانت نصر تشترى القطع التى تجمعها من فيات, ثم أصبحت تشتريها من يوجو, و طبعا النسخة الأولى أفضل لأنها صناعة ايطالية, أما النسخة الثانية الموجودة الى الأن فهى صناعة يوجوسلافية فهذا هو الفرق. و لكن لا بأس بها أبدا و جودتها معقولة على حسب ما سمعت. و الاثنتين تجميع نصر للسيارات, فقط فى وقت ما أطلقوا عليها نوفا 128 ثم أعادوا الاسم القديم مرة أخرى نصر 128.

الف شكر علي الرد الوافي

طب معلش انا عندي سؤال .....انا سمعت ان الجيربوكس بتاع النوفا خشن و فيه مشاكل و صاجها اضعف من النصر 128 .........هل هذا صحيح ؟ و كمان ليه السوق بتاع النوفا نايم كده ؟ بدليل انك ممكن تشاري سيارة نوفا موديل 2000 بنفس سعر سيارة جراند لوكس موديل 91

المشاركة الأصلية كتبت بواسطة ahmed1981

هل تعلم أن خط إنتاجها تم عرضه على مصر لتشتريه بسعر مخفض بسبب العلاقات الطيبة بين مصر ويوغوسلافيا في ذلك الوقت
.
ورفضت الحكومة المصرية!!!!!!!؟؟؟؟
والآن نحن نشتري قطع غيار ال 128 صيني وتركي ولا حول ولا قوة إلا بالله

بالنسبة للسؤال فأنا أرى أن ال 128 تقيم بحالتها والجديد أفضل من القديم

لاء يا حج معلومات غلط ... اللي اتعرض علي مصر كان خط الانتاج الايطالي .. و مصر رفضت!!!!!!!!!
و احو جابو خط انتاج يوغسلافي !!! شفت المصيبه !!!
خط الانتاج الايطالي اتعرض علي مصر بسعر قليل .. رفضوا قال ايه .. عشان مش عاوزين الشعب المصري يركب عربيه اتوقف تصنيها ...(يا اخي تييت تييت بلاش نشتم) ... و راحو جابو خط انتاج معفن بسعر غالي !
ادي مصر يا سيدي ... يبقي انت اكيد في مصر !

المشاركة الأصلية كتبت بواسطة thegoodhacker

انا سمعت ان الجيربوكس بتاع النوفا خشن و فيه مشاكل و صاجها اضعف من النصر 128 .........هل هذا صحيح ؟

ايه يا جماعة ما حدش حيرد علي سؤالي ؟؟

كله واحد
و بعدين الفتيس من الاجزاء المستهلكه و الجديد او الاحدث فى الصنع احسن

"انا سمعت ان الجيربوكس بتاع النوفا خشن و فيه مشاكل و صاجها اضعف من النصر 128 .........هل هذا صحيح ؟"

بالنسبة لموضوع الصاج أنا مسمعتش انو صاج النوفا أضعف من صاج ال128 و لعلمك ال128 مش عربية ناشفة كما تظهر للوهلة الأولى, هى ناشفة بس نسبيا فى فئتها و لا تنسى انها فى النهاية سيارة صغيرة. يعنى بالنسبة للكورى و اليابانى و حتى الأوروبى الصغير هى ناشفة و فى الحوادث الصغيرة بتسد.
معتقدش انو فيه مشاكل فى الجير بوكس عموما النوفا هى هى ال128 القديمة مشاكلها هى نفس مشاكل ال128.
أما بالنسبة لمبيعاتها, فسوقها مش نايم و لا حاجة, نصر للسيارات هى الى نايمة! انتاج السيارة قليل جدا و وقت ما رحت أشترى الشاهين سألت عليها قالولى انو قائمة الانتظار بتاعتها 9 شهور!!! يعنى فيه اقبال بس مفيش عربيات!!
و الشاهين 1600 الى جبتها كانت 3 شهور بس أنا كان عندى واسطة فى نصر و استلمتها فى 3 ايام :)