انقذو اعصابي

**Xpert** · 09-01-2008 10:02 PM

نصيحه كمان (محدش بيتعلم ببلاش) ... حاجه زي كده مابتتحطش علني يا حج واسمع كلامي ... بالنسبه لموضوع هاترجع ولا لاء ... فمش كل السمكريه "عم عبدو بتاع المياتمنياوعشرين" و فيه سمكريه و مراكز سمكره متخصصه ترجعها كما انزل ... بس كله بحسابه
بالنسبه للحادثه ... انا متهيألي مش كبيره قوي يعني تتلم ( بس برضه بحسابه) ..بس طبعاً دي محتاجه معاينه فعليه ...علي الطبيعه يعني

**ahmed** · 10-01-2008 01:40 AM

ربنا يعوض عليك ولا تسوى رقده سرير يوم واحد كل حاجه بتتعمل بالفلوس الا صحه البنى ادم الف سلامة عليك والحمد لله انها جت على قد كده وامشى بيها وكبر دماغك

**aif** · 18-01-2008 11:27 PM

الحمد لله انك بخير
شوية الصاج ده آخرحاجة تفكر فيها
صلي لله صلاة شكر علي نجاتك انت ومن معك
وبعدين انت ما تعرفش ربنا بالحادثة دي عطلك عن ايه .. يمكن يكون نجاك من شر اكبر من كدة بكتير.. بس احنا ( البشر ) نظرنا قاصر الي ما نعلمه
موضوع الخسارة دة لما تيجي تبيع ... يعني لو ما بعتش مش ح تخسر ... ببساطة ما تبيعش علشان ما تخسرش طالما عربيتك مريحاك
وربنا يعطيك خيرها ويكفيك شرها

**hazem_khidr** · 20-01-2008 09:58 PM

المشاركة الأصلية كتبت بواسطة oshy

متقلقش يا باشا هترجع زى الأول مفيش حاجه اليومين دول مبترجعش زى الأول كله بيتصلح
المهم ان انتا بخير
أى حاجه تيجى فى الفلوس فى داهيه
اللى ييجي فى الريش بقشيش
ملحوظه :-
أنا عشت نفس تجربتك مع عربيتى أما عملت حادثه و لكن افتكرت صاحبى اللى عمل حادثه بالمازدا 3 بتاعته و عينيه اليمين طارت و فلوس الدنيا مش هترجع عينيه
احمد ربنا ان انتا بخير

الله يفتح عليك يا اوشي هو دا الكلام اللي كنت ناوي اقوله.
الحمد لله انك طلعت منها سليم و مفيش فيك خدش
بالنسبه للعربيه ان شاء الله حترجع زي ما كانت هيا حتحتاج سدر و كبود و رفرفين و اكصدام
و حترش من قدام و الابواب الاماميه ايضا لانها اكيد الصاج دخل عليها و لازم حيسمكرها

**محمد ابراهيم 1** · 17-02-2008 12:27 AM

يا سيدى الحمد لله على سلامتك والعربيه تتعوض بإذن الله

**auto5truck** · 19-02-2008 07:04 PM

خدها كلمة حكمة من أخوك

اللى ييجى فى الحديد سهلة

المهم أنك بخير

المواضيع دى بسيطة و أى عربية حديثة النهاردة بتخبط خبطة بسيطة تلاقى كل حاجة فيها أتكسرت فلا تعيرها أى أهتمام العربية اللى معاك من العربيات الممتازة و أنا بفكر أشترى واحدة بعد تجربة جميلة مع الأفيو فأستمتع بقيادة سيارتك و بعد 5سنوات بيعها و ربنا يسهل