الموضوع: البطارية الجافة جايبة مياة

المشاركة الأصلية كتبت بواسطة citic

انا يا جماعة لقيت حولين قطب واحد (مش الاتنين) حولية سائل
اية دة بقي
ولية
الموضوع دة مش مره والسلام دة كل يوم الصبح بلقية

وحاجة كمان الغطاء بتاع زيت المتور بيبقي حولية زيت

لو الاقطاب عليها شحم ساعات بيسيل و يتهيا لك ان فيه سائل على القطب لو ما فيش شحم ممكن يكون القطب ده اتكسر بقا و لا اتشرخ من التقريط عليه و اللى اعرفه عن البطارية الجافة ان فيها سائل بردك ده اللى سمعته و الله اعلم لو البطارية بقالها كتير معاك غيرها احسن
الغطاء بقا بتاع زيت الموتور ساعات بينفس زيت كده بس انت اتاكد ان ما فيش زيت من غطا التاكيهات و ما تقلقش معظم العربيات كده و لو فيه حد تانى يفيدك يبقا احسن انا قلت اللى اعرفه

الف شكر يا باشا
وفيت الكلام و الله
خلاص البطارية هغيرها
انما زيت المتور دة الي قلقني حبتين لانة بسنقص بصوره بشعة

المشاركة الأصلية كتبت بواسطة citic

الف شكر يا باشا
وفيت الكلام و الله
خلاص البطارية هغيرها
انما زيت المتور دة الي قلقني حبتين لانة بسنقص بصوره بشعة

لا النقص ده كلام تانى انا اللى فهمته منك ان الغطا معرق زيت ده عادى لكن بينقص يبقا حاجة من اتنين يا الموتور فيه تسريب زيت و ده الحل السلمى هاتغسل الموتور و تشوف بقا الزيت بيتسرب منين و الاماكن المشهورة:
1-الكارتيرة الجوان بتاعها
2-جوان غطا التاكيهات
3-اويل سيلات اعمدة الكامة و الكرنك و طرمبة الزيت
4-فلتر زيت مش راكب كويس او الطمبة مش مربوطة كويس
لو ما فيش تسريب يبقا التدخل الجراحى و تكون علامات المرض واضحة فى العادم يعنى دخانه بيضا لما تكبس او على السلانسية و المكنة ما بتسحبش يبقا طقم شنابر و يا ريت تلحقه بردك انت ما وضحتش المكنة ديه عاملة كام كيلو و نصيحة ما تمشيش بالعربية ديه الا ما تتاكد فيه ايه بالظبط

لا هو المكنة بتسحب حلو
ومفيش دخان ابيض خالص
المكنة عاملة متين الف وربعمية كيلو

المشاركة الأصلية كتبت بواسطة citic

لا هو المكنة بتسحب حلو
ومفيش دخان ابيض خالص

خلاص يبقا الحمد لله ابتدى بق فى التفتيش عن مكان التسريب و شوف ممكن و انت اخر مرة غيرت الزيت ما ربطوش الطبة او الفلتر كويس بس انت ما قلتش بتحرق زيت كتير ازاى قد ايه؟

يعني المسطرة في اسبوع انخفض مستوي الزيت 3 شرط
المكنة عاملة متين الف وربعمية كيلو (ومغيرتش زيت لا مرتين في سنة ونص ومغيرتش اي فلاتر زيت في السنة ونص بردة )
علي فكره انا بحط زيت التعاون الي ال3 لتر ب 34 جنية
مش عارف اقول لك اية والله الف شكر

المشاركة الأصلية كتبت بواسطة citic

يعني المسطرة في اسبوع انخفض مستوي الزيت 3 شرط
المكنة عاملة متين الف وربعمية كيلو (ومغيرتش زيت لا مرتين في سنة ونص ومغيرتش اي فلاتر زيت في السنة ونص بردة )
علي فكره انا بحط زيت التعاون الي ال3 لتر ب 34 جنية
مش عارف اقول لك اية والله الف شكر

لا شكر على واجب بس كده انت معذب المكنة ديه انت زعلان منها و لا ايه لازم طبعا كل اللى بتقوله ده يحصل بقالك سنة و نص مغيرتش فلتر اكيد مسدود و ميت لازم تغيره و ما تقعدش الزيت ده فى العربية اكتر من تلات شهور او 2500 كيلو و لو عربيتك نوبيرا زى ما هوا فى البيانات ففلتر الزيت بتاعها مش غالى خالص يمكن ب 30 جنيه يعنى كل 3 شهور حسبة 70 جنيه مصاريف و تريح دماغك

ههههههههههههههههههه
لا والله دا انا بحب العربية دي جدا
لانها اول عربية اجيبها
بس هو الموضوع جهل وكسل مش اكتر
يعني افهم من كدة ان نقص الزيت الجامد دة من الفلتر