ما هو القول الفصل فى بيجو 206

**amr mokhtar** · 23-03-2010 10:25 PM

المشاركة الأصلية كتبت بواسطة atamim

قلقتنى كدة

ما الى حشترى منه العربية ممكن ما يكونش امين و ما يقولش على الى فى العربية
اى العمل؟

لو العربية إتكشف عليها فى التوكيل المشاكل دى هتبان
او لو انت لفيت بالعربية قبل ما تشتريها أعتقد ممكن تحس بحالة العربية إذا كانت كويسة و لا لأ

**Dr_Smart** · 24-03-2010 02:36 AM

المشاركة الأصلية كتبت بواسطة amr mokhtar

لا شكر على واجب يا أستاذ أحمد
أعتقد ان العربية محتاجة تتحط على جهاز كمبيوتر عشان يتعرف المشكلة سببها إيه بالذات بتاعة الحساسات

مشكلة الدوراة بتحصل فى الشتاء و الأيام الباردة بس ولا فى كل الأوقات؟؟

الباور تقيل و ده العادى بتاعها

هي اتكشف عليها بالكمبيوتر وقالو ان فيه حساس الكربون تقريبا ( معلش مش عارف بالظبط عشان ماحضرتش التفاصيل دي ) عايز يتغير والراجل غيره قبل ما نشتريها ... بس ان شاء الله هنكشف عليها تاني عشان مشكلة استهلاك البنزين دي

مشكلة الدواره بتحصل في اول اليوم بس لازم تكبس بنزين جامد واول مالعربيه تدور تقعد تديها بنزين تاني عشان ماتبطلش ... لكن لما تعمل مشوار وتبطل وتدور تاني مفيش مشكله

موضوع عداد الحراره اللي بيعلا لوحده ده ويرجع تاني هي اللي مش عارف سببها ايه ( وزي ماقلت الحراره فعليا مش بتكون عاليه لكن العداد هو اللي بيهيس ) مش عارف ده سنسور ولا العداد نفسه ولا ايه

الباور فعلا تقيل شويه وده العادي

بس الصراحه العربيه ماشاء الله جميله وحتى التكييف ممتاز زي أداء التكييف الياباني .

**amr mokhtar** · 24-03-2010 02:34 PM

المشاركة الأصلية كتبت بواسطة dr_smart

مشكلة الدواره بتحصل في اول اليوم بس لازم تكبس بنزين جامد واول مالعربيه تدور تقعد تديها بنزين تاني عشان ماتبطلش ... لكن لما تعمل مشوار وتبطل وتدور تاني مفيش مشكله
.

الأعراض دى كانت ظهرت عندى فى العربية قبل ما أبيعها
بس كانت بتظهر فى الشتاء عشان الجو بارد الصبح و فى الصيف مكنتش بتعمل كده

و معرفتش أحدد السبب بالظبط
لكن فى نص الصيف اللى فات غيرت الموبينة و الله أعلم إذا كان ليها علاقة بالموضوع ده ولأ ... لإنى بعت العربية من فترة و معرفش عملت إيه فى الشتاء ده

إن شاء الله حاجة بسيطة و تتحل

**atamim** · 24-03-2010 06:38 PM

المشاركة الأصلية كتبت بواسطة amr mokhtar

الأعراض دى كانت ظهرت عندى فى العربية قبل ما أبيعها
بس كانت بتظهر فى الشتاء عشان الجو بارد الصبح و فى الصيف مكنتش بتعمل كده

و معرفتش أحدد السبب بالظبط
لكن فى نص الصيف اللى فات غيرت الموبينة و الله أعلم إذا كان ليها علاقة بالموضوع ده ولأ ... لإنى بعت العربية من فترة و معرفش عملت إيه فى الشتاء ده

إن شاء الله حاجة بسيطة و تتحل

على كدة بقى موضوع الدوارة دة مشترك مع كذا واحد
ربنا يستر

بس كويس ان التوكيل بيطلع لك اى العيوب الى فيها

بس الى حيبعلك حيرضى ينزل ثمن التصليح ولا يقولك ادا سعر نهائى و انت بق تقعد تصلح بمعرفتك

**amr mokhtar** · 24-03-2010 06:55 PM

انا مش عايزك تقلق اوى من العربية
لإن مفيش عربية فى الدنيا مفيهاش فيها عيوب
ده حتى العربيات الجديدة ممكن يبقى فيها عيوب ما بالك بعربية عاملة 90 الف كيلو

المهم ان العيب ده لا يؤثر على اداء العربية ... ده مجرد تأخر فى الدوارة الصبح ... و ده وارد حدوثه فى اى عربية
و عايز أقولك ان هو ده العيب الوحيد اللى ظهر معانا من اول ما جبنا العربية لحد ما بعناها و هى عاملة 144 الف كيلو

ربنا يرزقك بعربية تكون 100% و إستعمال خفيف

**deee** · 25-03-2010 04:48 AM

انا معايا العربية من سنة 2004 لحد دلوقتى ..
وللأمانة عمرها مغيبت فى الدوارة معايا ابداً ..
بالنسبة للتكيف فبأمانة أداء التكييف بتاعها مبشفهوش فى عربيات كتير موديلات من 2007 وانت طالع ..
بالنسبة لقطع الغيار ..
فهى نسبياً غالية .. لكن ليك بديل ..
والكلام ده انا واخده من على لسان صاحب المركز المعتمد اللى بودى عنده العربية ..
على سبيل المثال .. العفشة ..
العفشة فيه اجزاء منها ممكن لما تحب تغيرها .. تغيرها مثلاً بسعر 700 جنيه للأصلى لكن نفس الجزء ده موجود عند نفس الراجل وبيكون مش فرنساوى ممكن صينى او ايطالى مثلاً ..
ويكون بسعر 300 جنيه وهو هو نفس الاداء ..
يعنى مثلاً تيل الفرامل الاصلى ممكن تجيبه بحوالى 350 جنيه ..
لكن ممكن تجيب التيل الايطالى وده اللى انا جبته قبل كده وكان ادائه ممتاز .. ووقف عليا ب100 جنيه على مااتذكر ..
لكن بالطبع وزى اى نوع عربية تانى فيه حاجات معينة مينفعش تغيرها فى العربية الا لما تكون الاصلية بالنسبة للحاجات الاساسية ..
بالنسبة للاتساع ..
فأنا بيكون معايا 4 غيرى فى العربية وبنكون قاعدين كويس ..
ولو انى بحب ارجع الكرسى لورا كتير عشان واخد على وضع السواقه كده ..
ومرة كنا راكبين اكتر من 7 فى العربية ومتسألنيش ازاى !!
استهلاك البنزين معتدل جداً ..
الخامات اللى متصنعة منها العربية نضيفة جداً ..
وصراحةً بشوف عربيات اغلى منها ومستوى الخامات اللى فيها اقل منها ..
يعيب العربية للأمانة الاوبشن مفهاش اوبشن كتير ..
بس فيها الحاجات الاساسية يعنى سنتر وباور وتكيف وازاز كهربا اودام بس .. (لكن فيه موديلات اللى هى 1400 ولو لقيتها يبأه حظك كويس بتكون فول اوبشن) لكن محالفنيش الحظ ولقيتها لما اشتريتها وكان ممكن اجيبها بس ساعتها كنت هاضطر استنى حوالى 4 شهور على ماتيجى وانا كنت مستعجل ساعتها :) ..
بالنسبة للثبات .. فأنا ركب عربيات كتير فى نفس الفئة والحجم وافضلهم كانت البيجو ..
وده كمان هتلاحظوا فى كل فئات البيجو عموماً ..
من ضمن الحاجات اللى بيجو مميزة بيها هى الثبات وعن تجربة لأن والدى معاه بردو بيجو 406 وسقتها كتير .. وعلى سرعات عالية ..
بالنسبة للشكل هى طبعاً ازواق ..
لكن لو جيت قارنتها مثلاً بالبولو او ابيزا او بونتو(الشكل القديم) ولو جيت قارنت الشكل الجديد قارنها بال207 وبردو ال207 تتفوق .... او كورسا او جولييت او بيكانتو او فابيا ..
فأنا شخصياً شايف ان ال206 تتفوق عليهم من حيث الشكل ..
عموماً ياباشا لو حبيت تستفسر عن اى حاجة تانية انا فى الخدمة ..

**atamim** · 25-03-2010 07:51 AM

المشاركة الأصلية كتبت بواسطة deee

استهلاك البنزين معتدل جداً ..

عموماً ياباشا لو حبيت تستفسر عن اى حاجة تانية انا فى الخدمة ..

الله يكرمك

حبيت اسئل عن استهلاك البنزين ا بالظبت باللتر و الكيلومترات

و هل فى الكتالوج اوكتنها 87 ولا 91 ولا 95 ؟؟؟؟؟؟؟؟ الفيرنا الى معايا مكتوب 91 و عربيات تانية موديلات اول الالفينات ساعات بيكون مكتوب 87(كان نص التنك 92 و النص التانى 80 عندنا فى مصر) اما برة مصر ف 87 موجود من غير خلط فى اى بنزينه

**se3da** · 25-03-2010 05:38 PM

بالنسبة لموضوع العداد إلي بيعلي لوحدو دة أنا كان عندي نفس الموضوع دة و طلع العيب من كابل الأرضي بتاع التابلوه و عملتو عند واحد في الدقي بعد ما غيرت حاجات كتير علشان كنت فكر إن العربية بتسخن فعلن
فياريت تشوف حد بتاع تابلوهات يشفلك الموضوع دة الأول أو روح للراجل بتاع الدقي دة كويس جداً
و لو عايز أي حاجة اسئل براحتك أنا معايا العربية ده و ممكن أعرف أفيدك

**ferk** · 29-03-2010 01:36 AM

السلام عليكم يا اخواني

عندي استفسارات بخصوص ال 206 و هي
1- ال 1400 سي سي بيقولو بتاكل بنزين جامد بشكل مش طبيعي بسبب شريحة الكومبيوتر او شيء مثل هذا .. الكلام دة سليم ولا ده كلام الفتايين ؟؟

2- الموديلات الإيراني من اول سنة كام .. انا سمعت انها من اول 2004 و فيه ناس بتقول 2005 .. ايه الصح و مين أقدر أسئله يديني تجابة مؤكدة !؟

3- مشكلة عداد الحرارة فيه ناس قالت بيعمل مشكلة و بيد معلومات غلط و الأحسن اشيله خالص .. دة كام مظبط !؟؟

انا بدور علي عربية 206 فرنساوي و اتمني تكون 1400 سي سي دة لو مقيهوش مشاكل .. لو حد ادامه حاجة يا ريت يعلمني 01132922926 و لكم جزيل الشكر

**amr mokhtar** · 29-03-2010 02:15 AM

المشاركة الأصلية كتبت بواسطة ferk

السلام عليكم يا اخواني

عندي استفسارات بخصوص ال 206 و هي
1- ال 1400 سي سي بيقولو بتاكل بنزين جامد بشكل مش طبيعي بسبب شريحة الكومبيوتر او شيء مثل هذا .. الكلام دة سليم ولا ده كلام الفتايين ؟؟

2- الموديلات الإيراني من اول سنة كام .. انا سمعت انها من اول 2004 و فيه ناس بتقول 2005 .. ايه الصح و مين أقدر أسئله يديني تجابة مؤكدة !؟

3- مشكلة عداد الحرارة فيه ناس قالت بيعمل مشكلة و بيد معلومات غلط و الأحسن اشيله خالص .. دة كام مظبط !؟؟

انا بدور علي عربية 206 فرنساوي و اتمني تكون 1400 سي سي دة لو مقيهوش مشاكل .. لو حد ادامه حاجة يا ريت يعلمني 01132922926 و لكم جزيل الشكر

1- انا أول مرة أسمع عن مشكلة إستهلاك البنزين فى المحرك 1400
او أى مشاكل فى الكنترول بتاع العربية
الله أعلم جايز تبقى حالة فردية بس انا مشفتش

2- الموديلات الإيرانى هى الموديلات السيدان فقط و دى هتلاقيها بداية من 2008
و هتلاقى الهاتش باك أخره 2005 فى أغلب الأحوال و هتكون فرنساوى

3- لو ممكن حضرتك توضح إزاى نشيل العداد خالص؟؟

ربنا يوفقك فى عربية تكون كويسة و تريحك

الموضوع: ما هو القول الفصل فى بيجو 206

LinkBack

أدوات الموضوع

عرض

-

-

-

-

-

-

-

المواضيع المتشابهه

يا ريت القول الفصل فى الفيات ال 126

القول الفصل , لوجان - إسبيرانزا ..

القول الفصل فى استهلاك byd

القول الفصل نيسان ولا اوبترا

الكلمات الدلالية لهذا الموضوع

المفضلات

المفضلات

ضوابط المشاركة