و عليكم السلام و رحمه الله و بركاته
معانا ولا مش معانا الناس كلها تنور و تشرف
و نعم بالله
و من قبل ما تقول الموضوع ده كان في مشاركه من مشاركاتي بقول فيها برضو ان الكماليات الاساسيه للعربيه معقوله انما الدلع الدلع يعني مش موجود
طب قول دي ممكن نعديها
طب و النور الواطي؟؟
للاسف العربيات الاوروبي الموضوع ده فيها حلو قوي قوي قوي
و انا حبيت ابدء بالنقطه دي علشان ازودها و خد بقي بقيت الكلام
يا باشا احنا مش قد الاوروبى احنا كان نفسنا فى بيان الشبورة فقط
لو قلبك جامد "جامد لدرجه انك بتفكر تعدل العربيه تعديلات جوهريه" تابع كلامي و نشوف كده
السوبر صالون فيها مكان لنضاره الشمس و لمض قراءه للسائق و اللي جنبه
انا بقي و الحمد لله فكرت اشتري الدرج ده و اركبه في الصني بتاعتي (ex) و اوصله نور
طبعا الموضوع ده هيكون فيه قطع للسقف في مكان الدرج ده بس لو بصيت كويس فيها هتلاقي المكان ده بارز بما يكفي مكان الدرج ده في السوبر صالون
و لو مكنتش اتكلمت في الموضوع ده دلوقتي كنت لاقيتني مركبه و مصوره عندي بس لما سألت علي الدرج ده في السبع ملاقتهوش بس لما افضي انزل الحرفيين و بارك الله لنا في العربيات المتقطعه
اما درج التابلوه فلما الوقت المذكور يتوفر مش بس هخليه ينور
انا هاخليه ينور و يتكلم و يقول كلام كبير
هازود فيه نور يفتح و يقفل مع فتح درج التابلوه
و هحاول اخلي فيه مخرج للتكييف "زي الرفاهيه الموجوده في الاوبترا و الاسكودا ميني فابيا"
و لو اراد المولي هخلي فيه كمان مخرج كهربا او علي الاقل جنبه بس مش علي حساب شكل العربيه من جوه
انا قلبى مش جامد لانى مش شارى عربية زيرو علشان اعدل فيها بس ممكن كمان كام سنه هجمد قلبى
جزئيه حامل الاكواب هتتحل لما مش هتكون محتاج مخرج الولاعه في حاجه "راجع السطور اللي فوق"
برده لما قلبى يجمد
يا راجل يا طيب انا مشفتش الريموت بتاع العربيه الاصلي لحد النهارده
انا اشتريت العربيه مستعمله و للاسف محلوق ليها زيرو فيما بخص كل ما بمكن سرقته منها
بس الحمد لله في ريموت الwolf اللي كله brushed ....l ده شكله فخم و خد بالك انه بيتوصل بالشنطه و يخليها تفتح لما تفضل دايس علي زرار الفتح فوق ال 3 ثواني "ياللا هيصو اهوه"
هتشوف الريموت يا ريس انت تؤمر http://s3.postimage.org/coqpJ.jpg
للاسف انا تقريبا فاهم كلامك بس الخاصيه دي مشغلتهاش غير مره ولا مرتين "لسه اصلي خارج نطاق التغطيه بتاع شبكه المتزوجون "
بس هبقي اجرب و اشوف الحل
نرجع برضو للنقطه دي
مفكرتش تعدل في نور العدادات و العداد ذات نفسه؟
بمعني ان لو امكن تغيير العداد كله بعداد عربيه تانيه يكون فيها بيان عن نور الواطي و نور الفوج و باقي الدلع؟ "زي ما قلت الكلام لأصحاب القلوب الجامده"
ياباشا منور بين اصحابك و اخواتك
دا نورك يا دكتور أمير و شرف كبير لى انك ترد على موضوعى وعلى فكره انا معجب بردودك المحترمه جدا جدا فى المنتدى
و فيه نقطه مجيتش علي ذكرها
الحاجه اللي دايما و انت سايق ايدك مش بتسيبها
الدركسيون طبعا
انا عملته جلد طبيعي من زمان
و اللي شجعني علي كده ان ال ex خامه الدركسيون مش قد كده و بتتنحل من كتر الاستخدام
و طبعا الحلد الطبيعي لا يقارن اطلاقا بالخدعه المسماه كسوه الدركسيون
ده من النهارده ليوم وفاتي عمري ما هاسيب عربيه اركبها من غير ما اخلي طاره الدركسيون جلد
احساس مختلف و تحكم رائع و منظر غايه في الفخامه
مش عارف دركسيون 2010 زى القديم ولا لأ بس انا حاسس انه حلو لأنه طرى مش ناشف
معلش طولت عليكم