اقتباس المشاركة الأصلية كتبت بواسطة ahmediak مشاهدة المشاركة
السلام عليكم ورحمة الله وبركاته
أجمل تحيه لاعضاء أجمل منتدى .. و لو قعدت اعد الناس اللى بحبهم مش هيكفينى أول صفحة من الموضوع.
معلش قلت أفضفضلكم شويه مهو اصل انا بقيت منكم خلاص .
و عليكم السلام و رحمه الله و بركاته
معانا ولا مش معانا الناس كلها تنور و تشرف
اقتباس المشاركة الأصلية كتبت بواسطة ahmediak مشاهدة المشاركة
مفيش حاجة كاملة 100 % و الكمال لله وحده . فأكيد كل واحد كان معاه عربية غير الصنى و فيها ميزة و لو بسيطة هيتحسر على عدم و جودها فى الصنى و انا كلامى طبعا على الEX SALOON .
اولا رأيى فى الصنى اولا انها سيارة ممتازه وهذه الفضفضه لا تعيب السيارة على الاطلاق
بس برده شوية حاجات كده مضايقانى مش عارف هو استخسار و لا ايه من الشركة
و نعم بالله
و من قبل ما تقول الموضوع ده كان في مشاركه من مشاركاتي بقول فيها برضو ان الكماليات الاساسيه للعربيه معقوله انما الدلع الدلع يعني مش موجود
اقتباس المشاركة الأصلية كتبت بواسطة ahmediak مشاهدة المشاركة

* بيان ضوء الشبورة فى الطابلوه!!!(استخسار والله)
طب قول دي ممكن نعديها
طب و النور الواطي؟؟
للاسف العربيات الاوروبي الموضوع ده فيها حلو قوي قوي قوي
و انا حبيت ابدء بالنقطه دي علشان ازودها و خد بقي بقيت الكلام
اقتباس المشاركة الأصلية كتبت بواسطة ahmediak مشاهدة المشاركة
*لمض القراءة فوق السائق و الراكب اللى بجواره .يعنى لما احب اشغل النور ضرورى و انا ماشى لازم الف و احاول جاهدا انى اشغل نور الصالون و هو مش بينور كويس فى درج الطابلوه لأن درج الطابلوه برده مضايقنى علشان مفهوش لمبه.
لو قلبك جامد "جامد لدرجه انك بتفكر تعدل العربيه تعديلات جوهريه" تابع كلامي و نشوف كده
السوبر صالون فيها مكان لنضاره الشمس و لمض قراءه للسائق و اللي جنبه
انا بقي و الحمد لله فكرت اشتري الدرج ده و اركبه في الصني بتاعتي (ex) و اوصله نور
طبعا الموضوع ده هيكون فيه قطع للسقف في مكان الدرج ده بس لو بصيت كويس فيها هتلاقي المكان ده بارز بما يكفي مكان الدرج ده في السوبر صالون
و لو مكنتش اتكلمت في الموضوع ده دلوقتي كنت لاقيتني مركبه و مصوره عندي بس لما سألت علي الدرج ده في السبع ملاقتهوش بس لما افضي انزل الحرفيين و بارك الله لنا في العربيات المتقطعه
اما درج التابلوه فلما الوقت المذكور يتوفر مش بس هخليه ينور
انا هاخليه ينور و يتكلم و يقول كلام كبير
هازود فيه نور يفتح و يقفل مع فتح درج التابلوه
و هحاول اخلي فيه مخرج للتكييف "زي الرفاهيه الموجوده في الاوبترا و الاسكودا ميني فابيا"
و لو اراد المولي هخلي فيه كمان مخرج كهربا او علي الاقل جنبه بس مش علي حساب شكل العربيه من جوه
اقتباس المشاركة الأصلية كتبت بواسطة ahmediak مشاهدة المشاركة
*حامل الاكواب انا شايف مكانه مش مضبوط قوى لان الكوب اللى على الشمال مغطى مخرج الولاعة !!! و اكيد كتير مننا بيحتاج يشغل فيه حاجات كتير و هو سايق (MP3 ,رادار ,شاحن موبيل ,غلاية ماء للشاى !!.........)
جزئيه حامل الاكواب هتتحل لما مش هتكون محتاج مخرج الولاعه في حاجه "راجع السطور اللي فوق"
اقتباس المشاركة الأصلية كتبت بواسطة ahmediak مشاهدة المشاركة
*الريموت شكله عره قوى دا فيه ريموت موتوسيكلات شكلها انضف منه.
يا راجل يا طيب انا مشفتش الريموت بتاع العربيه الاصلي لحد النهارده
انا اشتريت العربيه مستعمله و للاسف محلوق ليها زيرو فيما بخص كل ما بمكن سرقته منها
بس الحمد لله في ريموت الwolf اللي كله brushed ....l ده شكله فخم و خد بالك انه بيتوصل بالشنطه و يخليها تفتح لما تفضل دايس علي زرار الفتح فوق ال 3 ثواني "ياللا هيصو اهوه"

اقتباس المشاركة الأصلية كتبت بواسطة ahmediak مشاهدة المشاركة
*زرار كونترول غلق الزجاج للابواب ماعدا السائق (WINDOW LOCK BUTTON ) المفروض لما ينضغط عليه يلغى تحكم الركاب فى الزجاج و يجعل التحكم للسائق فقط ولكن فى صنينا الحبيب لما تضغط عليه بيلغى التحكم للركاب و للسائق.. (معرفش كل السيارات الاخرى كده ولا لأ و لا دهعيب عندى.. بس النيو اكسنت لما تضغطه بيلغى تحكم السائق و يخلى التحكم للركاب شغال
للاسف انا تقريبا فاهم كلامك بس الخاصيه دي مشغلتهاش غير مره ولا مرتين "لسه اصلي خارج نطاق التغطيه بتاع شبكه المتزوجون "
بس هبقي اجرب و اشوف الحل
اقتباس المشاركة الأصلية كتبت بواسطة ahmediak;3872482556
[B
* بيان ضوء الشبورة فى الطابلوه!!!(استخسار والله)[/B]
نرجع برضو للنقطه دي
مفكرتش تعدل في نور العدادات و العداد ذات نفسه؟
بمعني ان لو امكن تغيير العداد كله بعداد عربيه تانيه يكون فيها بيان عن نور الواطي و نور الفوج و باقي الدلع؟ "زي ما قلت الكلام لأصحاب القلوب الجامده"

اقتباس المشاركة الأصلية كتبت بواسطة ahmediak مشاهدة المشاركة
وفى النهايه الكمال لله وحده و تحياتى لاعضاء المنتدى اللى لو فات يوم من غير مشوف اخبارهم ببقى زعلان قوى
سبحانك اللهم وبحمدك ، أشهد أن لا إله إلا أنت أستغفرك وأتوب إليك
ياباشا منور بين اصحابك و اخواتك
و فيه نقطه مجيتش علي ذكرها
الحاجه اللي دايما و انت سايق ايدك مش بتسيبها
الدركسيون طبعا
انا عملته جلد طبيعي من زمان
و اللي شجعني علي كده ان ال ex خامه الدركسيون مش قد كده و بتتنحل من كتر الاستخدام
و طبعا الحلد الطبيعي لا يقارن اطلاقا بالخدعه المسماه كسوه الدركسيون
ده من النهارده ليوم وفاتي عمري ما هاسيب عربيه اركبها من غير ما اخلي طاره الدركسيون جلد
احساس مختلف و تحكم رائع و منظر غايه في الفخامه

معلش طولت عليكم