بخصوص تكييف العربية (والشحن)

**wesam_salom** · 24-03-2010 02:50 AM

طالما كويس

سيبه احسن

**souzoran** · 24-03-2010 10:10 AM

المشاركة الأصلية كتبت بواسطة kodak_gti

شكرا ليك على المعلومات
وهو ضغط الفريون بيكون كام تقريبا ؟ بيكون حوالى 30 psi على السلانسيه بس خلى بالك ماتمورش العربيه ودوس بنزينوتخلى ال rbm يعلى وانت مشغل التكييف وعداد الشحن فيه التدريج بتاع psi
وهل الفريون اللى هيتبقى فى الاسطوانة يقعد فترة طويلة عادى ؟؟
انا اسمع ان الفريون لو قعد فترة بيتحلل طول ما الاسطوانه مقفوله كويس يقعد مدى الحياه والفريون مش بيحصل فيه اى حاجه يعنى مش بيتحلل
كويس جدا يعنى 85 جنيه ومعاك فريون تشحن مرة كمان ده اللى انا بقوله
احسن من استغلال الصنايعية واشتغالاتهم

يعنى الزيت اللى جوة الكومبريسور بيفضل ثابت مبينقصش غير لما تفك الكومبريسور
يعنى مفيش اى قلق من الموضوع ده ان شاء الله ؟؟

نعم بيفضل ثابت مش بينقص الا فى حالات التسريب الكبيره وكمان مش بيتغير

**zaza_lanos** · 24-03-2010 11:59 AM

المشاركة الأصلية كتبت بواسطة kareembelal

هو الفريون له عمر افتراضي واللا الشحن بيتم اذا اصبح التكييف ضعيف ؟؟؟

العربيه عندي بقالها سنتين بالتمام والكمال والتكييف طبعا مش زي الزيرو لكن موجود لسه

الفريون درجات
والمستوردين بتوعنا منتهى الانحلال ومعدومى الضمير نسبة كبيرة طبعاً
علشان النصب السريع
بيجيبوا اقل موصفات

ولو هو ليه عمر افتراضى تفسر بايه تكيف الفبريكة اللى بيعدى ال 5 سنين زى الفل

**MOHGOMAA2002** · 24-03-2010 12:34 PM

يا جماعة سعر أنبوبة الفريون r12 للثلاجات متعداش 8 جنيه فى حجم البيروسول و تكفى ثلاجتين و لكن الناس بيتعاملو على أساس الباشا معاه عربية

**wesam_salom** · 24-03-2010 12:59 PM

المشاركة الأصلية كتبت بواسطة mohgomaa2002

يا جماعة سعر أنبوبة الفريون r12 للثلاجات متعداش 8 جنيه فى حجم البيروسول و تكفى ثلاجتين و لكن الناس بيتعاملو على أساس الباشا معاه عربية

دى 200 جرام

والعربيه بتاخد من 700 الى 800

**al_manara** · 24-03-2010 11:45 PM

المشاركة الأصلية كتبت بواسطة zaza_lanos

وبعدين انا راى الشخصى ان الناس ده اسعارها كده للانها بتفضل نايمة طول الشتاء
حتى تسعيرتهم قريبة من بعض
رابطة يعنى

دة رايي برضة انهم فعلا مش بيشتغلوا غير في الصيف . بس انا برضة مستغلي السعر شوية

**KoDaK_Gti** · 25-03-2010 12:14 PM

المشاركة الأصلية كتبت بواسطة wesam_salom

واشتريت الخرطوم منه ب 8 جنيه من غير عداد

وشحنته

الدوره كامله بتاخد من 700 الى 800 جرام

ورحت قيسته بعدها لقيته تمام

بس الفريون تقريبا نوعه وحش

لانى رحت تانى لبتاع التكييفات

عملى فاكيوم وبرده التكييف مش حلو قوى

السنه دى انا هجيب العدادات وفريون حلو واشحن العربيه التانيه واجرب

بس هسأل الاول الضغط كام لانى مش فاكر

هو فيه ضغط عادى وضغط التشغيل ودرجه حراره السربنتينه

كنت مصور بتاع التكييف فيديو علشان قرايه العدادات بس مش لاقى الفيديو ده

هى مش الاسطوانة كيلو وبتكفى مرتين ؟؟؟
يعنى فى حدود 500 جرام للشحنة الواحدة !!!
ازاى خدت معاك 800 ؟؟

ويعنى ايه عمل فاكيوم ؟؟

**otefa** · 27-03-2010 10:53 PM

المشاركة الأصلية كتبت بواسطة souzoran

الاسطوانه فى حدود ال 45 او 50 جنيه ده سعر الصينى والهندى فيه انواع اغلى شويه بس كويسه هتلاقى مكتوب عليها harp او rip او sova ديه انواع كويسه من الفريون وهو r 134a والاسطوانه بتبقى 1 كيلو بتكفى لحوالى مرتين شحن بس اهم حاجه يظبط ضغط الفريون

تحذير ياجماعة...اياكم والفريون الصيني.....ممنوع استعماله تماما في الدول الي ماشية علي المواصفات ....عيوبه
-علي البيئة مخرب شديد لطبقة الاوزون
-علي العربية مخرب للتكيف ومشتاقاته والاولسيهات كمان.
-قابل للاشتعال بمعني لو فيه تسريب وجات عليه شرارة بيولع العربية لاقدر الله
بالنسبة للهندي ماعنديش فكرة عنه.....احسن الانواع الفرنسي ثم الامريكي....

ميزته الوحيدة...المكسب الي بيدخل جيب التاجر والصنايعي.....لان تمنه الحقيقي اقل من 1/3 تمن الانواع المحترمة.

**ahmed1981** · 28-03-2010 07:15 PM

المشاركة الأصلية كتبت بواسطة otefa

تحذير ياجماعة...اياكم والفريون الصيني.....ممنوع استعماله تماما في الدول الي ماشية علي المواصفات ....عيوبه
-علي البيئة مخرب شديد لطبقة الاوزون
-علي العربية مخرب للتكيف ومشتاقاته والاولسيهات كمان.
-قابل للاشتعال بمعني لو فيه تسريب وجات عليه شرارة بيولع العربية لاقدر الله
بالنسبة للهندي ماعنديش فكرة عنه.....احسن الانواع الفرنسي ثم الامريكي....:s_thum1[1]:

ميزته الوحيدة...المكسب الي بيدخل جيب التاجر والصنايعي.....لان تمنه الحقيقي اقل من 1/3 تمن الانواع المحترمة.

تقريباً الأغلب بيستعمل الصيني الآن والله أعلم

لو تعرف حد مبيستعملش الفريون الصيني دللني عليه