افادونى فى لانسر 98

**MoMohsen** · 12-01-2008 03:36 PM

يا مودى باشا عيب عليك احنا كلنا هنا اخوة.ولو عاوز اى حاجة هتلاقى 100 واحد بيفيدك.
بالنسبة للعفشجى هو اسمه محمد ابو سيف وعنوانة هو من احمد سعيد اطلع على ميدان الجيش و لف من الميدان شمال فى اول يمين فى يمين ورشة فاروق حافظ هى الورشه معروفة اوى هناك.
المهم خلى اللى يكشفلك على العربية محمد نفسه ولو عاوزنى معاك فى اى وقت انا تحت امرك.
رقم موبايلة:
0124987909

ورقم موبايل على الميكانيكى هو:
0124557300

**MoMohsen** · 13-01-2008 12:42 PM

كيمو باشا انا نسيت اسألك صحيح انت كوعة الميه عندك غيرتها قبل كدة؟

**ihab** · 13-01-2008 04:16 PM

انا عندى نفس الموضوع ده برضه فى لانسر 99 يا ريت لو وصلتوا لحاجة تقولوا لى

**MoMohsen** · 15-01-2008 12:35 PM

المشكلة فى العربية دة سببها بيكون السخان و انت بتروح لميكانيكى عشان يعلى السخان و بالتالى فى الشتاء العربية تلقط معاك من اول مرة بس بردة مهم انك تتاكد من ثرموستات كوعة المية عشان العربية تسخن بسرعة وتفصل السخان بعد كدة

**kimo** · 16-01-2008 09:38 AM

الاخ mmringo
انا متشكر جدا لك وللاعضاء المشاركين انا بصراحة اشتريت العربية من شهرين كانت زى الفل بس هى كانت مشكلة التاخير فى التسخين والله انا مكنتش اعرف السيارة شغالة ولا مش شغالة وانا جوها اللا ما ادوس بنزين لما راحت لالميكانيكى زود السخان صوت العربية بقى عالى حتى بعد ما تسخن وانا معرفش الثرموستات او الكوعة اتغيرت ولا لا

**MoMohsen** · 16-01-2008 11:55 AM

يبقى غالبا يا اخ كيمو انت ثروستات كوعة المية بايظ او مفصول اصلا و عشان تتأكد جرب الاتى:
-سيب العربية تسخن كويس الصبح على الاقل 5دقائق و شوف عداد لفات الموتور عند كام هتلاقية غالبا من 1.5 الى 2
-امشى بيها مشوار كويس ميقلش عن 15 دقيقة
-لما تخلص مشوارك و قبل ما تبطل العربية شوف عداد لفات الموتور تانى
-لو الرقم قل وصوت العربية هدى يبقى غالبا الثرموستات بتاع الكوعة عاوز يتغير بس
وطمنى عملت اية بعد التجربة يا كيمو باشا

**kimo** · 17-01-2008 08:39 AM

الاخ mmringo
امبارح دورت العربية وهى باردة وفتحت الكبوت وضغط على خراطيم المياة اللى دخله وخارجة من الريداتير المفروض والعربية لسة باردة الخراطيم تكون فاضيه من المياة وجدتها مملؤة منتفخة يعنى ذالك ان الثرموستات مش موجود او فاتح على طول ويخلى العربية على ما تسخن لازم المياة الموجودة فى الدائرة كلها تسخن خلاف ما يكون سليم يسخن المياة الموجودة فى الموتور فقط وان شاء الله هاروح لمكانيكى يكشف علية ويغيرة

**kimo** · 17-01-2008 09:19 PM

اليوم رحت لميكانيكى محترف وبشرح له المشكلة قال لى بسيطة اخذت معاة دقائق فك الاكسرتير اللى بيغذى البوجيهات ونظف نقط التلامس الابلاتين وبقت العربيه احسن من الاول بكتير بتلقط من تكة بسيطة جدا من المفتاح الخمد لله كسبت ميكانيكى وفى الاخر طلب كام تصورو مبلغ 10 جنيهات

**MoMohsen** · 19-01-2008 01:06 AM

طب الحمدلله انها جت بسيطة و مطلعش حوار كبير

الموضوع: افادونى فى لانسر 98

LinkBack

أدوات الموضوع

عرض

-

-

-

-

-

-

المواضيع المتشابهه

الله يكرمكم افادونى

بالله عليكم افادونى

افادونى حادثه

بطارية للسيارة افادونى افادكم الله

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة