الموضوع: سمكرى نصب عليا و مش عارف اعمله ايه افيدونى

المشاركة الأصلية كتبت بواسطة pro_samir

انا مش فاهم إية علاقتة بشركة التأمين أصلا خصوصا وحضرتك بتقول انهم ميعرفوش عنة حاجة

وعموما انت شايف ان الشغل اللي عملة كان يستحق 1400 جنية ؟ ولا يمكن هو صلحها ب400 فقط ولما حس انك هتعملة مشاكل رجعلك 1000 وخد حق التصليح بس ؟

هو ورشه شركه التامين متعاقده معاها و لما سالت فى شركه التامين عن الحاله قالولى الحادث دى مالهاش ورق يعنى الراجل ما كملش الورق مع انه هو اللى قاللى انا اللى هخلصلك الورق بس هو تقريبا لما دفعتله طنش على الموضوع
و هو كان مزود جدا فى تمن التصليح و هو اللى كان بيقولى كده ادام التامين اللى هيدفع

المشاركة الأصلية كتبت بواسطة slim_shika

لو إنت مش مسامح و عايز تعمله مشاكل, ممكن تعمل الحوار ده بس هتطر تزود حوار تاني , طبعا هتتخانق معاه لما يخلص الشغل , هتطلع على القسم وتعمله محضر سرقة (كاسيت بقى موبيل أي حاجة ) علشان هو أكيد هيطلع يعملك محضر , طبعا هتتنازل عن المحضر بس لما هو يعرف إنه مش هيعرف يعمل معاك حاجة.

بس خلي بالك إنت هتضحك عليه وهتتبلى عليه , وطبعا ده مش صح ومانصحكش تعمل كده بس برده حرام إنك تحس إنك قليل الحيلة , لو تقدر تسامح طبعا يبقى أحسن, وربنا عمره ما هيباركله.

طب معلش مش فاهم ايه لزمه انى اتخانق معاه و هو انا لو اتخانقت هو هيسيبنى امشى عشان اعمل محضر انا كنت بفكر امشى و خلاص بسرعه مثلا
و بعدين هو هيعملى محضر بايه و ايه اللى يثبت انى اتعاملت معاه اصلا

المشاركة الأصلية كتبت بواسطة kh_talaat

أولا ربنا يفك ازمتك وأنا مقدر فعلا حالتك ... وعارف ان الحكاية مش حكاية 400 جنية على قد ما هو احساس بالظلم أو احساس انك اضحك عليك

بصراحه انا مش عارف اللعبة بالظبط اللي لعبها السمكري دة بس ليا سابقة مع واحد برضه هحكيهالك ويمكن تفيدك

والدي كان مأمن على عربيته تبع الجمعية برضه وكان يعرف ميكانيكي ربنا فتح عليه وعمل مركز صيانه سمكرة ودوكو وبقى شغال تبع الجمعية

المهم لما عرف ان والدي مأمن مع الجمعية قالوه لو محتاج اي شغل سمكرة ابقى تعالى اعملها عندي ومش هتدفع اي حاجة وانا هاخد تمن السمكرة و الدوكو من الجمعية وأخلصلك كل حاجة

وفعلا مره والدي احتاج يرش الأكصدامين عملهم عندة ومدفعش حاجه

وبعدين مره قالوه لما تيجي تجدد التأمين السنوي ابقى اديني مبلغ التأمين وأنا اجددلك بدل ما تروح وتتمشور وكدة

المهم والدي فعلا في ميعاد التجديد أعطى له قسط التأمين السنوي وكان في انتظار انه يعطي له ايصال يفيد بدفع قسط التأمين وبدأ الرجل يماطل ويماطل واعتذار ورا اعتذار وحجج واهيه .... ويقوله متقلقش لو حصل للعربية حاجة هعملهالك وانا هتصرف مع التأمين

لغاية ما والدي هدده انه لو لم يعطي له الإيصال او المبلغ هيعمل له محضر في القسم ... وفي النهاية اعطى له الأيصال

المهم عرفنا بعد كدة ان في لعبة بيلعبوها المراكز دي وده بالأتفاق مع مندوب التأمين وهي انه ياخد منك المبلغ وميسددش القسط او لو الموضوع في بدايته لا يؤمن على العربية اصلا ويقامر بأنك مش هيحصل لعربيتك حاجه لمدة سنة التأمين وساعتها يبقى هو كسب مبلغ قسط التأمين

اما في حاله ان عربيتك حصل لها حاجة او عملت حادثه لقدر الله بيتصرف مع مندوب التأمين وبيعملوا عقد تأمين بتاريخ قديم

لذلك انا بحذر اي واحد يعمل تأمين لازم يستلم من المندوب ايصال من شركة التأمين يفيد بدفع قسط التأمين وليس أستلام وثيقة التأمين فقط لأن الوثيقة ليست دليل على دفع قسط التأمين

بتهيالى هو ده اقرب حل هو عمله انه مافيش شيك و لا حاجه و هو كده كده هياخد فلوسه من الشركه لانه متعاقد معاهم و نصب عليا و خد منى الفلوس برضه و لما لقانى بزن ادانى 100 جنيه و خلاص
طب انت ايه رايك اخد حقى بالطريقه اللى انا حكتها انى ارش الاكصدامين و ما ادفعلوش حاجه و اسيبو و امشى

المشاركة الأصلية كتبت بواسطة kh_talaat

شوف يا صديقي واضح انك اسنفذت كل الحلول السلمية مع الراجل دة

فأنت دلوقتي قدامك حلين لأسترجاع فلوسك الأول بالطريقة اللي انت قولت عليها بس دي محتاجه قلب جامد واسلوب منظم في التعامل عشان ميحصلش خناقه بينكم وانت في حتته

والأسلوب التاني انك تروح تعمله محضر زي ما احد الأخوة قال بس دي محتاجة يكون لك واسطة عن طريق ضابط شرطة عشان يوصي عليك ويعملك محضر تمام لغاية ما الراجل يستسلم ويطلب منك الصلح ويرجعلك فلوسك وانت تتنازل عن المحضر

يعنى انا لو اخدت حقى بالطريقه اللى انا بقول عليها دى مش حرام و لا حاجه