الموضوع: رابطة الشباب ضد بلطجة سواقين الأجرة

المشاركة الأصلية كتبت بواسطة semsem_uno

يا شباب كلنا اتعرضنا لمواقف بايخة منهم و لو حد عمل حادثة و لو بسيطة بتلاقو سواق الميكروباص او التاكسي اللي انتو خابطين فيه فجأة وقفلو اكتر من ميكروباص في صفه او سواقين تاكسي برده و يطلعوك انتا الغلطان
ده غير ان ممكن يخبطلك العربية و يقوللك انتا الغلطان برده و بتعادو عليك متفهموش دا حقد طبقي ولا ايه بالظبط

انا بقول ان ياريت بالنسبة لينا كا شباب لو لقينا شاب و شابة او شباب عاملين حادثة ننزل و نقف جمبهم بردو علشان منديش فرصة للسواقين يتبلطجو و تبقي زيطة زي ما بنشوف
يعني ياريت نقف جنب بعض في المواقف اللي زي ديه و والله لو حصل بيننا كده مش هيبقي ليهم فرصة بعد كده يتكلمو

و ده لينك الجروب عالفيس انا اللي عاملو

دول فاكرين انهم بلطجية بجد و يقدروا على اى حد و ان اللى راكبين ملاكى بيمصوا فى صوابيعهم و مش قدهم ..و كمان الافلام بتصور سواق الميكروباص على انه رامبو و مفترى و يمشى كلامه على شارع .. و ده خلاهم يصدقوا نفسهم و يسوقوا فيها .. بس انا شايف ان قوتهم و سيطرتهم وقوة قلبهم انهم ايد واحدة .. يعنى لو شديت مع واحد منهم تلاقى كل سواقين الميكروباصات وقفت تجامل .. فتحس انك لوحدك واقف قدام شارع .. فتضطر تجر ناعم و تحمد الله ان ماحدش ضربك و خرجت من الموقف سليم .. انا و بعض معارفى بنعمل زيهم يعنى لو لاقينا الهمج دول مستفرضين بحد و سايقين الصياعة عليه .. بنقف معاه ضد البلطجية دول .. و لما بيلاقوا اللى قدامهم مش لوحده .. بيكشوا و يجيبوا ورا على طول .. يعنى انا رأيى اننا نحاربهم باسلوبهم .. يعنى لو شفت موقف حصل لحد فى طريقك .. و الهمج دول حايفردوا عليه .. نتلم و نيجى فى صفه .. و مرة فى التانية حايعرفوا اننا زيهم بنعرف نلم بعض و ناخد حقنا من سواقين الميكروباص و التوزيع و كمان النقل الجماعى اللى فاكرين البلد عزبة اهاليهم و ماشيين بنظام الكترة تغلب الشجاعة .. و خدوهم بالصوت .. و انا معاكم .. و خلينا نشوف دى بلدنا وللا بلدهم

المشاركة الأصلية كتبت بواسطة a7med_pharma

بص
هقولك حاجة ..لو حصلت مشكلة
إنت عارف إنه إلي قدامك سواق ميكروباص
بس سواق الميكروباص مايعرفش إنت مين؟؟؟
ودي بقا أنا دايما بستغلها
وبالذات اللوحات السودا والبادج

بزعق فيهم بقلب جامد أوي ...وباخد أرقام عربياتهم
وصدقني
بيخافوا لما يلاقوا إلي قدامهم ..مش خايف منهم

والله فى ناس كتير مش عارفة كدة و بيخافوا .. و انا اقتراحى ده من الاخر عاوز اعمموا .. لانى زى ما قولت ممكن تلاقى واحد معاه اسرته او راجل محترم مش بتاع مشاكل او بنت او سيدة كبيرة فى السن .. لما الكلا.... دول بيتلموا عليهم بيخوفوهم و ممكن تبقى العملية استقطاع فى حالة وجود خساير .. انما لو احنا عملنا زيهم .. حايعرفوا ان الله حق .. و انا و اصحابى عملناها كذا مرة و على طول بيجيبوا ورا .. لان بصراحة المنظر بيكون مستفز لما الموضوع بيكون فيه حد حاسس ان الكلا... دول حايبهدلوة ... و الواحد لما بيقف معاه ضدهم بيحس ان الروح اتردت له و موقفه بقى قوى و يبدا يتكلم بثقة ... و اد ايه الحوش دول بيجروا ناعم و يبداوا كلام الشحاتة بتاع دى عربية اكل عيش و حرام عليكم و انا لسة طالع و منكم لله و كلام الشحاتين ده .. و الله لو اتعممت الفكرة النظام حايرجع للشارع تانى و حاتقل البلطجة .. لان علاج القوة لازم يكون بقوه تقهرهم

المشاركة الأصلية كتبت بواسطة semsem_uno

يا شباب كلنا اتعرضنا لمواقف بايخة منهم و لو حد عمل حادثة و لو بسيطة بتلاقو سواق الميكروباص او التاكسي اللي انتو خابطين فيه فجأة وقفلو اكتر من ميكروباص في صفه او سواقين تاكسي برده و يطلعوك انتا الغلطان
ده غير ان ممكن يخبطلك العربية و يقوللك انتا الغلطان برده و بتعادو عليك متفهموش دا حقد طبقي ولا ايه بالظبط

انا بقول ان ياريت بالنسبة لينا كا شباب لو لقينا شاب و شابة او شباب عاملين حادثة ننزل و نقف جمبهم بردو علشان منديش فرصة للسواقين يتبلطجو و تبقي زيطة زي ما بنشوف
يعني ياريت نقف جنب بعض في المواقف اللي زي ديه و والله لو حصل بيننا كده مش هيبقي ليهم فرصة بعد كده يتكلمو

و ده لينك الجروب عالفيس انا اللي عاملو

مستنيين رابط الجروب