Yaris temprature gauge .

**MIMI** · 11-01-2008 10:48 AM

أخوانى الأعزاء
.
عندى سؤال بخصوص مؤشر حرارة الياريس ، المؤشر عبارة عن لمبة تنور لما الحرارة ترتفع .

هل ده خطر ، يعنى ممكن الحرارة العلية تكون ضرت الموتور و أنا مش واخد بالى علشان اللمبة ما نورتش ولا اللمبة بتنور عند بداية ارتفاع

الحرارة .

**أبو عبدالله** · 11-01-2008 03:46 PM

المشاركة الأصلية كتبت بواسطة MIMI

أخوانى الأعزاء
.
عندى سؤال بخصوص مؤشر حرارة الياريس ، المؤشر عبارة عن لمبة تنور لما الحرارة ترتفع .

هل ده خطر ، يعنى ممكن الحرارة العلية تكون ضرت الموتور و أنا مش واخد بالى علشان اللمبة ما نورتش ولا اللمبة بتنور عند بداية ارتفاع

الحرارة .

لو هيا كده تبقى الشركه صاحبة السيارة مش عاوزاها تتباع خالص
لأن طبيعي لما بتبقى هتعمل كده
يبقى العربيات كلها لما تسخن هتبوظ وهيطلع عليها سمعه كده

وده غالبا في عربيات جديده كتير

اللمبة لو نورت يبقى انت المفروض تتوقف وهتبقى لسه في بداية ارتفاع الحرارة في اولها
غير المؤشر اللي انت لو هو ارتفع وانت لم تأخذ بالك هتمشي علي الحرارة فتره لأنك لم تاخذ بالك
اما النور الاحمر او البرتقالي لو نور انت هتاخد بالك وهتبقى العربيه لسه حالا ارتفع درجة حرارتها في نفس الوقت اللي نورت فيه وانت هتنتبه عالطول بسبب اللون والنور وهتتوقف وبكده يبقى أأمن

وشكرا

**crazyspicy** · 17-01-2008 01:56 PM

اللمبه لو نورت احمر فده معناه ان حرارة الموتور زادت نتيجة نقص المياه أو نتيجة وجود تسريب فى دورة التبريد او ممكن مشكلة فى الشكمان او عيب فى كارتة السيارة
لو نورت احمر متمشيش بيها واطلع على التوكيل مباشرة واوعى تروح لميكانيكى لانه لو ظهر انه عيب تصنيع بتتحمله الشركة لكن لو راحت لميكانيكى كده تطلع بره الضمان وفى نفس الوقت مش حيعرف السبب