انا هاشترى بروتون ويرا بكرة او بعدة ان شاء الله بس هو فية ملاحظة فيها ان تارة الدريكسيون فيها لقة اوبوش لكن مش ماثر على حاجة
سؤال تانى مع العلم انى اول مرة اشترى ويرا
الفبر بتاع عتب الابواب مش موجود فى العربية هل هو موجود واشترية منين وجديد ولا مستعمل
وهاني باشا رد الرد التمام عليك وعمل الواجب وفعاا السعر مناسب بس مافيش موديل 2003 هي يا 2000 يا 2004 اكشف علي بوابتها جرب تكيفها جرب كل زرار في العربيه
شكرا على رد حضراتكم علي اسئلتى وكمان على سرعة الرد والتفاعل معايا مع انى جديد فى المنتدى
انا الحمد لله جبت الويرا النهاردة هى 2004 ورفعتها فى البنزينة وقالولى الموتور حالتة 76% وكلة تمام ماعدا انها عايزة تغير قواعد موتور وجلب مقصات خلفى لانهم ناشفين انما اللقة اللى فى التارة نسيت اقولهم عليها بس هى فى التارة ولا تؤسر على حركة العجل فمتهيالى انها من ربط التارة نفسها او من المشرشر بتاع التارة مش مظبوطالتارة اكيد على مشرشر ولا اية عموما هافكها واشوف ولا اية رايكوا
وكمان عاوز اغير زيت وسيور اجيبهم منين يعنى حاجة نضيفة وكمان الاسعار اية بتاعت قواعد الموتور
الف مبروك عليك العربيه وربنا يديك خيرها ويكفيك شرها هات السيور من محل المدينه في شارع دمشق والقواعد هاتها برضه من هناك وادخل في المنتدي هنا في اسماء وعناوين بتوع قطع الغيار
روح لعفشجي وانت بتعمل جلب المقص يعملك التاره
الزرار اللي تحت الانتظار ده للفوجات اللي ورا بس هي بتنزل من غيرها فبنحوله للفوجات اللي قدام
الزرار التاني اللي علي شمال التاره ده لسخانات الزجاج وسيب الزجاج كده عادي ماتعيروش
شكرا استاذ يوسف
ممكن اسعار السيور والقواعد فى حدود كام
وتيل الفرامل الامامى على وشك يخلص واحد قالى هو بتاع الكريستالة ونوع التيل اللى اجيبة اية عشان
يعنى يكون مبيصفرش وبيعيش وياريت لو تعرف سعرة كام
انا بجد مش عارف اشكرك على اهتمامك وذوقك
السيور كلها تعمل حوالي 200 لكن القواعد مش عارف بصراحه بس في حدود الواحده ب75 الي 100 التيل هات نوع اسمه جولد النوع ده تحفه بصراحه ب50 وهو بتاع الكرستاله ورا وقدام بس الصورة مش باينه بتاعت عربيتك وعموما ربنا يباركلك فيها
مش عارف الصورة مش بتترفع لية
التيل بردة من نفس المحل وهو جولد دة صناعة اية قصدى بلد الصنع ويا ريت العلبة لونها اية لان كل مايطلع نوع كويس يضربوة بالصينى والمصرى بالذات التيل دة معقدنى من العربية بتاعتى القديمة
العربية تمام وناعمة بس لمبة الاعطال منورة واللى انا شاريها منة قالى فية فيشة اللى هى على الخرطوم بعد فلتر الهوا علطول الفيشة دى فيها سلك مقطوع من اول الفيشة
لمستة لانى مش عارف اربطة لان السلك مقطوع من على وش الفيشة بس لما لمستة بردة المبة مطفتش
على فكرة انا فكيت التارة قصدى الحتة بتاعة الكلاكس ولقيت الصامولة مفكوكة وربطها بالصليبة بتاعة العجل وركبت الكلاكس تانى وبقت 100 100 الحمد لله
لانى بصراحة دفعت اخر فلوس معايا فى ثمن العربية دة غير ان العربية اللى كانت معايا قبل الويرا كنت عامل بيها حادثة تعتبر كبيرة وصرفت جامد وبعدين بعتها واستلفت على ثمنها وجبت الويرا وربنا يسترها معانا كلنا وكنت خايف لتطلع حاجة فى الاسكترا الحمد لله
معلش حكيت حاجات ما لهاش لزمة بس انا حاسس انكوا ناس محترمة جدا وبتساعدوا وحاسس اننا هانبقى اصحاب اسف تانى للاطالة وشكرا
المفضلات