كل سنة و انتم طيبين يا جماعة
انا ماعنديش عربية لسة و بدور على وحدة مستعملة و من ضمن الاختيارات اللى فى دماغى الويرا , انا مقطنع بيها كشكل و امكانيات و كمان لان سعرها معقول بس لو سمحتم عاوز اسأل بعض الاسئلة و شايف ان دة احسن مكان ممكن ايال فية:
1-سمعت ان قطع الغيار مش متوفرة و ساعات الواحد بيضطر يقعد يدور عليها هل الموضوع دة حقيقى و هل فى موديلات معينة منها فيها المشكلة دى
2-هل العربية واطية جدا بطريقة مزعجة
3-لو معايا 35 الف ممكن الاقى حاجة نضيفة و لا لازم ازود المبلغ دة شوية
4-من وجهة نظركم الويرا احسن ولا الهيونداى اكسنت اصل انا قدامى واحدة 1300 بتاعة واحد صاحبى نضيفة جدا موديل 2006 لكن سعرها 47 الف و هو دة سعرها فعلا فى السوق لكن انا شايف ان سعرها دة ناتج عن كثرة الطلب عليها و متهيألى ان الويرا احسن
اسف لو كنت اقتحمت عليكم موضوعكم بس انا حاسس ان هنا ممكن الاقى ردود مفيدة
و جزاكم الله كل خير
المفضلات