العربيه جابت مني فتيييييييييييس
نزلت القاهرة يوم الاربع في شغل من الساعه 7 كنت في المطار وخلصت قولت علي مايجي ميعاد شغلي انزل الحرفين ابص ايه الاخبار هناك
كنت عاوز عدادات فيها ارب بي ام تخيلو لقيتها بكام
ب500 جنيه يانهااااااااار غاليه موووت
المهم ربنا الهمني ساعتها اني مااشترهاش زي مايكون في حاجه بتقولي حاجه هتحصل خلي الفلوس معاك انت علي سفر
روحت بقي شغلي ولفيت كتير بصراحه اوي من الحي العاشر لصلاح سالم للعباسيه لعين شمس و6 اكتوبر والهرم
وفي الاخر وانا مروح من صلاح سالم وداخل اطلع كوبري 6 اكتوبر هوبا لقيت الفتيس مش بياخد التالت وابدا وحلف انه مايخدهووووووووش
فضلت علي التذنيبه ديه لغايه لما روحت اشبع التاني وادي الرابع
والحمد لله وصلت طنطا بالسلامه روحت لميكانيي قالي هاته نفكه نشوفه
وفكيناه امبارح ولقيت غويشتين فيه طايرين خالص بقوله نجيب فتيس قالي مش مضمون يبقي مفكوك ولا متصلح ولا ايه ظروفه الحمدلله لقيت طقم الدبرياج عندي كويس اوي والفلام برضه كويس
وحاله الفتيس حلوه قالي نصلحه
صلحته ب280 جنيه غير بقي المصنعيه والزيت
بس بصراحه حسيت بفرق كبيييييييييير في السحب وحسيت انه مسك نفسه
والحمد لله اني ماجبتش العدادات مكنتش هلاقي القرشنات للتصليح
واسف علي الاطاله
المفضلات