رابطة مالكى الويرا (2) فيد وأستفيد .

2004 ماينفعش البوابه بتاعتها كهرباء تمام ده اولا ثانيه سلك الدبرياج معدي كده برضه عادي ماتقلقش منه كلنا عندنا كده
الكوعه اللي فاضيه ديه انا مش عارف ايه لزمتها بس هي بتعبي هوا لما تيجي تدوس جامد وطلعلك صوت فلتر الااسبور

شكرا يا استاذ يوسف على الرد
بس انا عندى سحب العربية ضعيف وفى رجرجة وانا طالع على الثانى بعد مطب مثلا وصوت الموتور بيعلى والسحب ضعيف وغيرت بوابة ودسك واسطوانة وقواعد موتور
هل ممكن يكون السبب الردياتير او القنطرة الطولية اللى تحت الموتور والفتيس
وكمان حساس الكامة اية لزمتة فى العربية وحساس الهوا اللى فى العمه
شكرا

كمان فرن الشكمان عندى متغير ببتاع لانسر بطة ممكن يكون ده سبب المشاكل دى
ولما بشغل التكييف بيحمل جامد على الموتور هل دة لية حل
الكهربائى قالى كهربه العربية عاوزة تعلى لانها ضعيفة قولتلة اعملها معرفش يعمل حاجة
حد يعرف ازاى تعلى كهربه العربية مش كهربة الموتور

باشا هي كده مالهاش كهربه تتعلي ولا حاجه والتكيف بيحمل علشان ديه 1300 والرجه ديه غير قاعده الفتيس اللي تحت العمه كانت عندي وراحت اما سحب العرببه بص علي البوجهات ونضف رشاشات وغير فلتر هوا وبنزين بس اهم حاجه رشاشات تنضف واعمل ادل ليرن هتظبط باذن الله

وفرن الشكمان مايعملش حاجه لاهو ولا بتاع الردياتبر

الحمد لله انك رديت عليا يا استاذ يوسف انا فعلا وديتها على الكمبيوتر بس بعد ما ركب الفيشة و قعد يجرب ملقاش سوفت وير للعربيه عنده و قالى غير البوجيهات و غيرتها
2- العمة دى هو شاورلى على الجزء اللى فى اعلى الموتور من ناحية الزجاج و اللى فيه البوابة وقالى كل ده لازم يتغير علشان تريح نفسك؟
3- لما لمبة الcheck engine تيجى تطفى بحس ان العربية زى ما يكون جالها زغطة واحدة بالذات و انا على سرعة منخفضة لكن لما بأكون على سرعات كبيرة مش بأحس بيها
4- بيقول حساس اللى على الجكمان
من فضلك يا استاذ يوسف هو كد العربية فيها مشكلة كبيرة ؟ انا رحت ل 3 ميكانيكية و محدش قالى غير يا تغير يا تكبر يا سيبها مش حتعمل حاجة و امبارح لقيت الموتور كمان عمال يعلى و يوطى مع نفسه راح شايلى فاصل حاجة عاملة زى الفيشة كدة (ورا البوابة و قريبة جدا من صدر العربية ) و غيرت تانى سيور التكييف و الباور و الدينامو بس برضه العربية على السلانسيه صوتها عالى مضايقنى انا اسف بس انا مش عارف اعمل ايه و الله و الموضوع شاغلنى مش بحب امشى و العربية مش مضبوطة

بص ياباشا هي لا مشكله كبيره ولا حاجه وباذن الله كله بيتظبط
اولا ديه السوفت وير بتاعها مش بروتون ديه لانسر بطه لانها موديل 2000 فخليه يخش علي الانسر
العمه ايه اللي خليها تتغير ده معلشي بقي المكانيكي مش بيفهم لانها لو مكسوره والخرطوم بايظ بيتغير
حساس الشكمان ما تعرفش انه بايظ الا لو قرصت علي العربيه او عديت ال100 اللمبه تنور لو مابتعملش معاك كده يبقي سليم وهتلاحظ برضه اكل بنزين
العلو والوطو بتاع العربيه البوابه عاوز تتنضف تنضيف كويس وهترجع تتظبط تاني ماتخافش منها وايه عرفهم ان المانفولد والبوابه عاوزه تتغير من غير كشف عليها
ولو ماوصلتش لحاجه تعالي طنطا او روح القاهره في الحرفين اللي اقربلك وهنظبطك باذن الله وتبقي ماشي مرضي من العربيه وادائها

الف الف شكر يا استاذ يوسف ربنا يطمنك يعنى انا ممكن اسافر بالعربية انا من اسكندرية و اكيد طنطا اقربلى ان شاء الله لو موصلتش لحل هنا اجرب فى طنطا
-فعلا ساعات لما اقرص على العربية او اجرى جامد ال check engine تنور بس مش تماللى و لما تيجى تطفى تعمل نتشة كده
- بالنسبة للبنزين انا بمون 92 و هى حوالى بتعمل100 كيلو/10 لتر
-الزيت موبيل/ 5000
-هى الفيشة اللى شالها البنى ادم ده ارجعها و لا اسيبها مفصولة و هى ايه شغلتها؟

اه نسيت اقولك امبارح رحت لواحد و انا راجع من الشغل كل الناس بتشكر فيه وكشف على العربية قالى ما تقلقش و انسى موضوع تغيير البوابة و متقلقش من الصوت العالى ده سهل يتضبط لكن انت عندك التاكيهات عاوزة ضبط (حكاية جديدة) يعنى ايه و ازاى بيتم ضبطها انا عمرى ما عملتها قبل كده فى عربية كانت معايا

ظبط التكهات سهل ممكن تعملها وتجرب وخليه ينضفلك البوابه ويظبطلك الدمبا ورجع كل تلفيش مكتنها