بص يا أستاذ محمود
فى رعشه بتحصل مع طلعة العربيه عالغيار الأول وبتبقى طقم دبرياج
وفيه رعشه بتبقى فى السلانسيه وبتبقى من قواعد الموتور أو سلك البوجيهات
وفى رعشه مع الفرامل وبتبقى طنابير
وفيه رعشه مع زيادة السرعه وبتبان أكتر كل ما تزود السرعه بتبقى ترصيص أو جنط معووج أو الكاوتش بايظ
وفيه رعشه غريبه شويه
لما تطلع بالعربيه بيبقى الموضوع طبيعى جدا"
لو جيت مثلا" عالغيار التالت والسرعه مثلا" 80 وعايز تحرق شويه علشان توصل 90 وليكن على مطلع خفيف تلاقى العربيه بترعش معاك فى الجزء الأمامى من السياره
لكن لو خفيت رجلك من البنزين أو مورت العربيه وأنت على نفس السرعه وعلى نفس المطلع والرعشه فجأه أختفت يبقى المشكله فى كوبلن
المفضلات