اقتباس المشاركة الأصلية كتبت بواسطة bebo_abdeldayem مشاهدة المشاركة
شكرا يا جماعه لكل الناس الي تفاعلت مع الموضوع و بجد كل مشاركه بتفيدني اكتر , ان شاء الله الاستلام بكره, ياريت حد يقولي ازاي يعني اراجع علي دهان العربيه؟؟ و هل هي لو مرشوش اجزاء منها حتبان؟؟؟ و ازاي برضوا اراجع علي الكاوتش؟؟ و معلش برضوا كنت عايز اعرف العربيه المفروض تبقي عامله كام كيلو ساعة الاستلام
موضوع الدهان دا محتاج واحد خبير عشان يعرف اذا كانت مرشوشه ولا لأ

لو هاتستلم من التوكيل نفسه او من موزع معتمد المفروض ان العربيه تكون سليمه 100 % ومفيش منها قلق

انا باقولك المفروض عشان مابقاش فى حاجه مضمونه فى الزمن دا

عموما انت افحص العربيه بعينك كدا وخد بالك اذا كان فى حته لونها متغير شويه عن باقى العربيه , كدا يعنى

الكاوتش هاتراجع عليه كالأتى

تبص اذا كان مكتوب على كل فرده Made in Korea ولا لأ

زى كدا









ثانيا تاريخ الانتاج

هاتلاقيه مكتوب جوا دايره بيضاويه وهو عباره عن 4 أرقام

اول رقمين يرمزوا للأسبوع

وأخر رقمين يرمزوا للسنه

يعنى مثلا انا كاوتش عربيتى مكتوب عليه 1908









ودا معناه انه صنع فى الأسبوع ال 19 من سنه 2008 ( يعنى فى شهر مايو تقريبا )

فانت خد بالك من ال 4 الارقام دول ان أخر رقمين يبقوا 10

عشان يبقى تاريخ صناعة الكاوتش 2010

ولو اخر رقمين 09 مش مشكله بس يبقى الرقمين اللى قبلهم مش أقل من 50 او 45 على الأقل

بالنسبه للعداد

لو هاتستلم من التوكيل الرئيسى المفروض يبقى فى حدود 30 او 50 كم بالكتير

لو من موزع معتمد او معرض ممكن تلاقيه معدى ال 100 كم

والف مبروك مره تانيه وتستلم على خير ان شاء الله