انا اهلاوي جدا..بس الحق احق ان يتبع..كان اكرم للأهلي الخسارة عن المكسب بالشكل دا..هو في ايه؟؟ اداء زي الزفت من اللاعيبة وإدارة زي الزفت من الجهاز الفني..وتحكيم فضيحة بكل المقاييس.. لا بجد هو في ايه؟؟؟
عرض للطباعة
انا اهلاوي جدا..بس الحق احق ان يتبع..كان اكرم للأهلي الخسارة عن المكسب بالشكل دا..هو في ايه؟؟ اداء زي الزفت من اللاعيبة وإدارة زي الزفت من الجهاز الفني..وتحكيم فضيحة بكل المقاييس.. لا بجد هو في ايه؟؟؟
تصدق بالله انا كمان اهلاوي ومفقوووووووووووع من الأهلي والهبل اللي بيحصل
بجد إنبي يستحق الفوز لعب ماتش جامد وضربة الجزاء انا مش مقتنع بيها اصلا وكمان تتصد وتتعاد حاجة تنقط
يا شماتة ابلة ظاظا فينا
مع السلامه يا بدري ياريت تفارق
بدل القرف اللي عملته في الفرقه
ده غير التشويح علي اي قرار للحكم حتي لو للفرقه
وانهارده بيشتم فرانسيس والكاميرا جابتها
الاهلي واسع عليك يا حاج بدري
ولا فضيحة فرانسيس إلي الدكتور شك في إن عمره في الأربعينات بسبب اصاباته الغريبة مقارنة بحجم عضلاته
انا زملكاوى مش متعصب بس نقل الصراحه ده مش نادى الاهلى المعرف النتيجة العادله 3/1 إنبى
بجد ايه اللى عمله حسام البدرى ده بيشتم فرانسس بعد مضيع الكوره بالام
ومش عارف تحكيم ايه اللى بيكلموا عنه ده تهريج
واضح إني أحمد ربنا إني مشوفتش الماتش
بجد ماتش ينقط
لا بجد ماتش مش مظبوط من اى ناحيه متش حاسس انه عك اداء انبى ف الكام دقيقه الى انا شوفتهم كان افضل كثيرا عن الاهلى
انا كمان اهلاوي جدا
انبي يستحق الفوز 3 / 1 بجدارة و الاهلي مايستحقش الا الهزيمة علي الاداء الاكثر من سيئ
حسام البدري انا كنت مش بحبة و النهارده بعد ما شتم فرانسيس ( رغم ان فرنسيس كان هايبقي سبب في هزيمة الاهلي لو كان انهزم ) الشتيمة الزبالة دي لا يستحق الا الطرد من النادي مش الاقالة بس ... نادي المبادئ لازم يعمل كده
جماهير الأهلي تهاجم البدري بعد لقاء انبي
[youtube]http://www.youtube.com/watch?v=YOmaOwIW0GE[/youtube]اقتباس:
هاجمت مجموعة من جماهير الأهلي حسام البدري المدير الفني للفريق بعد لقاء انبي بالدوري، واتهمته بانه يتسبب في انحدار مستوى الفريق في المباريات الأخيرة وذلك رغم الفوز الذي حققه الفريق بهدفين مقابل هدف واحد.
وقال مراسل yallakora.com ان مجموعة كبيرة من جماهير الأهلي التي كانت تجلس في مدرجات الدرجة الأولى بإستاد المقاولون العرب هاجمت البدري أثناء مغادرة الفريقين أرضية الملعب في طريقهم لغرف خلع الملابس.
وأضاف ان البدري رد على الجماهير التي هاجمته، وقال لهم بشكل غاضب "تعالوا دربوا انتم".
وظهر توتر المدير الفني للأهلي بشكل لافت خلال لقاء انبي، وتجلى ذلك عندما أظهرت الاعادة التلفزيونية قيامه بسب مهاجم فريقه فرانسيس دو بعد ان اضاع إحدى الفرص خلال اللقاء.
يذكر ان بعض الأنباء قد أشارت لتوتر علاقة البدري بجماهير الأهلي وخاصة "مجموعة الأولترا" في الفترة الأخيرة وذلك بعد لقاء بترول اسيوط في الدوري والذي تخلى فيه المدير الفني للفريق عن مجموعة من الجماهير طلبته بمساعدتهم في الإفراج عن زملائهم الذين تم القبض عليهم في أسيوط.
اهلى ايه و زمالك ايه بس
نصيحة يا جماعة فى لعيب واحد بس اسمه ميسى بيلعب فى نادى كدة فى اسبانيا
اتفرجوا عليه 5 دقايق بدل 90 دقيقة متش فى دورى المكسحين
البدري بيقوله يخرب بيت أ..
يا حلاوتك يابدري
اداره الاهلى عملت شغل جامد
و النتيجه باينه
انا اهلاوى و بصراحة انبى له جولين اتحسبوا اوفسيد و ضربة جزاء الاهلى اونطة
النتيجة العادلة فعلا 3 - 1 لإنبى
الغريب بقى ان كل اللى اعرفهم من الأهلوية مش راضيين على الفوز دا و بيأكدوا انه جه نتيجة لقرارات الحكم الغريبة
جماهير الأهلى مش عايزة فوز أو دورى يتم عن طريق الحكام
طب تصدقوا ان الفوز ده مش فى مصلحة الأهلى.
الاهلى الموسم دة ضايع ضايع ياريت حسام البدرى يمشى بجد مدرب تعبان اوى اوى
بس انتم اية رائيكم فى فرانسس انا عن نافسى شايف انة لعيب ممتاز والله بس نصبر علية هو اه لعيب النهاردة وحش بس لعيب كويس جدا جدا
انا خلاص جبت الجزيره الرياضيه وبتفرج على الكوره الحقيقيه مش البتنجان ده :majd(4):
انا كنت بحب اتفرج على مصر وماتشات الدورى لمصرى لحد سنة 2005 :) بعد كدا عرفت حاجة اسمها برشلونة
بعد ما بشوف ماتشاتها ماينفعش اتفرج على اهلى ولا غيره
و إذا حكمتم بين الناس أن تحكموا بالعدل ..
مثل هذا الحكم لا يجب أن تطأ قدماه ملعب كرة بعد ما حدث اليوم ..
لاعبي الأهلي عبروا الدور الأول بقوة الدفع الذاتية المتبقية من جوزيه ..اللي بيحصل في الملعب حاليا هو لعب عشوائي بدون أي فنيات أو تكتيك ..و بعدين إزاي مدرب يشتم و يثور على لاعبيه بالشكل الكوميدي المهزأ ده ..جوزيه كان يحتد أحيانا و لكن بطريقة مختلفة تماما عن اللي بيعمله البدري ..هو مش واخد باله إنه كده بينزل ثقة لاعبيه في أنفسهم ?
فرق كبير بين واحد كان مهمته ينادي على اللاعبين ع الخط و إنه يمسك فرقة ..
مدرب الصدفة ..رحل جوزيه ثم رحل فينجادا ثم جاء البدري ..
ماتش من اسوا ماتشات الاهلى الموسم ده ورافض بشدة شتيمة البدري لفرانسيس اللى كانت واضحة جدا في الكاميرا ولكن :
يا ريت مننساش ان البدري بيعيد تشكيل فرقة الاهلى
يعني اخونا خوزيه برغم حبي الشديد ليه مشي وهو سايب الفرقة واقعة على الاخر
خرجنا من دوري افريقيا ومن الكونفدرالية بعد ما اتغلبنا 3- 0 و دي نتيجة كنا نسيناها من زمان اوي وضيعنا 13 نقطة في الدور التانى وكسبنا الدوري بماتش فاصل مع الاسماعيلي ومتوسط اعمار الفريق كبير جدا ومعظمهم قرب ينهار من اللعب في الاهلى والمنتخب فاخونا خوزيه ريح نفسه وساب المركب قبل ما تغرق
وطول 5 سنين لخوزيه مع الاهلى لم يخرج من ناشئ الاهلى غير حسام عاشور ومحمد سمير وترك لاعبين كتير جدا واشتري لاعبين كتير منهم لعيبة كانت لا تصلح درجة تانية وخصوصا الاجانب
البدري مسك الفرقة وهي منهارة تماما ولعب الدور الاول كله تقريبا من غير الكبار مفيش غير احمد حسن اللى كان بيلعب بس وتريكة وبركات مصابين وباقي اللاعبين ضايعين
استعان بالناشئين وفي سنة واحدة وفي اول موسم خرج للاهلي عفروتو واحمد شكري واحمد عادل وشهاب الدين احمد وعبد الله فاروق ومصطفي شبيطة وغيرهم واعتمد عليهم كل دول كانوا هايضيعوا لو خوزيه لسة في الاهلى
وادارة الاهلي وفرت لخوزيه لبن العصفور وجابت له كل اللعيبة اللى طلبهم اما البدري محدش معبره ومقدرش غير يجيب شريف اكرامي بس
يعني حسام البدري بيبني فرقة للاهلي لمدة 5 سنين جاية وبرغم كدة متحججش وفي المركز الاول وبفرق 8 نقط عن اقرب منافسيه
مطلوب منه ايه اكتر من كدة ؟؟؟؟؟؟؟؟؟؟
شبانة ده بيفتي ودكتور الاهلى رد عليه قال ان لا يمكن معرفة عمر اي لاعب من قياس الانسجة وانه مقالش الكلام اللى قاله شبانة ولا فكر يعمله يعني شبانة بيهبل كالعادة مش اكتر
بخصوص البدري اقرا كلامي اللى فوق كرد عليه
اما فرانسيس فمش عارف هل هو لعيب كويس فعلا ولا لعيب تعبان واللى مخليني شاكك ان فلافيو اول موسم ليه كان زبالة تانى موسم بقة نجم الهجوم
اما اخونا صاحب الموضوع واللى اختار له فضيحة مباراة الاهلى وانبي فأنا معاه طبعا ان الحكم ظلم انبي ومحدش يقدر ينكر دي ولكن
التحكيم كدة ساعد الاهلي في مباراة واحدة
ممكن نشوف بقة ظلم الاهلى في كام مباراة
خد عندك:
مباراة الاهلى والحرس
هدف اول للحرس من تسلل واضح والغريب ان لاعب الحرس كان متسلل بحوالى 10 متر ولم يراه مساعد الحكم
.............
الاهلى والمحلة
ضربة جزاء غير صحيحة والغريب انها كانت ضربة حرة للنادى الاهلى على لاعب المحلة ولكن احتسبت ضد احمد على
.................
الاهلى وبتروجيت
هدف صحيح للنادى الاهلى براس اللاعب فضل والكرة تجاوزت المرمى ولم يحتسبها الحكم
..............
الاهلى والاتحاد
ضربتين جزاء للنادى الاهلى من لمستين يد لاحمد عادل فى مرتين متتاليتين ولكن سمير محمود عثمان لم يراهم بالرغم من مواجهته للكرة مباشرة
....................
الاهلى وبترول اسيوط
هدف صحيح لعماد متعب والغاه الحكم بداعى التسلل
...........................
الاهلى والمصرى
الدور الاول تم طرد فرانسيس الذى لم يلمس عاشور الادهم فى الشوط الاول
الدور التانى
ضربة جزاء لصالح المصرى لعرقلة شديد قناوى
وضربة جزاء للنادى الاهلى من لمسة يد واضحى على النادى المصرى
.................
الاهلى وطلائع الجيش
ضربة جزاء للنادى الاهلى وكان الاهلى متقدم بهدفين ولم تحتسب وتعادل الجيش فى نهاية المباراة
ها ايه رايك
يعني التحكيم ساعد الاهلى في ماتش وظلمه في 8 مباريات يعني كسب الاهلى 3 نقاط وخسره 24 نقطة كانت كفيلة انه يبقي واخد الدوري من 5 او 6 اسابيع
الاهم من التحكيم حاجة تانية غاظتني بشكل رهيب
اللاعب اللى اسمه عمرو فيهم
طبعا الكل شافه وهو بيشتم فضل والاتنين بيخبطوا صدر بعض وفضل بيزقه وهو بيزق فضل
وفي الدقيقة 93 كلنا شفناه وهو بيتعمد يدوس على فخد فضل وهو واقع على الارض وبيعدي عليه
دي كان ممكن تخلي فضل يبطل كورة خالص
وبغض النظر عن ان فضل في الاهلى ده غباء غير طبيعي
يعني نفترض فعلا بطل كورة بسبب ضربة زي دي هايستفيد ايه
وازاي فيهم الغبي ده يقدر يتعايش مع موقف زي ده
وعلى فكرة مش بعيدة كلنا فاكرين حارس مرمي القناة الافريقي لما ضرب على ماهر ضربة خلاه بعدها مينفعش يلعب كورة شراب حتي والواد اعتزل وهو في عز شبابه وكان احسن مهاجم مصري وقتها
نفسي افهم ليه عمرو فيهم واحمد عيد عبد الملك بالذات بيلعبوا مع الاهلى كدة
ملحوظة تانية
انبي اتغلب من طوب الارض اشمعنا النهاردة اللى كانوا رجالة اوي ومش عايزين يخسوا
كل الفرق تتغلب ويتمسح بيهم الارض وهما عادي بس اول ما يجي ماتش الاهلى يبقوا عمالقة ويموتوا لو اتغلبوا وعندكم الحرس اللى بيدربه العيسوي الغلاوي مع العشري المحترم وانبي السنة دي والسنة الى فاتت الجيش لما كان بيدربه فاروق جعفر
حاجة اخيرة
ليه مدربين الزمالك لما بيدربوا اي فرقة بيتغلبوا ادام الزمالك وهما مبسوطين وفي منتهي الانسجام واللى مش مصدقني يشوف اسماعيل يوسف كان قاعد زي التختة اللى هو عليها ازاي يوم الزمالك وازاي النهاردة كان هيموت نفسه وناقص ينزل هو يلعب وكمان طارق يحي في الماتش المستفز امبارح
بصراحه انا كنت بتفرج عند حمايا وللاسف كل البيت بتاعهم زملكاوي وكنت قاعد مكسوف من الاداء والتحكيم التعبان
للاسف مكنتش بتفرج على الماتش علشان لسه راجع .
لكن اللى نرفزنى جدااااااا , ...... اللى اسمه " ابراهيم حسن " .
يعنى لسه رافعين عنه الوقف بسبب قلة ادبه و سفالته مش يحترم نفسه , لا بيتكلم على الاهلى و بيقول الاهلى كسب من اتحاد الكرة و كلام كتير .
بجد انسان ...... و هيفضل طول عمره ...... هو و اخوه , بس حسام ربنا هداه شوية , ابراهيم حسن ...... .
خليك فى النادى بتاعك و ملكش دعوة بالاهلى و لا زفت حتى , ما امبارح الانتاج الحربي كسب الزمالك الماتش و كان مستسلم بطريقة فظيعة .
و مضيعين اجوال هبلة جدا , و كفاية هدف حسين ياسر اللى مصطفى كمال بيعوم فيه و باين اوى انهم بايعين الماتش , بالرغم من كدا محدش اتكلم من الاهلى علشان دا نادى محترم ..
:(
لقد خالفتم القاعدة 9 بند أ مما يستوجب حصولكم على إنذار مع إيقاف أسبوع
مشرف الاجتماعي 1
لو هنتكلم بجد الاهلى لازم يستغنى عن:
1- احمد بلال
2-اسامة حسنى
3-هانى العجيزى
4-فرانسيس
5-جيلبرتو
6-عبد الله فاروق
7-احمد على
الناس الى بتسد مكانها فقط بدون اى ابداع:(لان ده مستواها)
1-حسام عاشور
2-مصطفى شبيطة
3-محمد فضل
4-احمد السيد
الناس الى المفروض انها كويسة بد ضايعة دلوقتى:
1-عماد متعب
2-احمد حسن
3-سيد معوض
الناس الى مش عارفلهم:
1-وائل جمعة
2-محمد بركات
3-ابو تريكة(لسه راجع من الاصابة)
4-احمد فتحى
الناس الى لسه فيها امل:
1-احمد شكرى
2-عفرتو
3-شريف عبد الفضيل
مفيش كلام على حراسة المرمى
وطبعا مفيش مدرب ليه فكر
ملحوظة يا درش
المدعو ابراهيم حسن لم يرفع عنه الايقاف وما زال موقوف
ومن يومين قال لو فيه راجل في اتحاد الكورة كان دافع عني
والنهاردة بيقول ان الحكام مصممين يوا الاهلى الدوري
طب ده لو حبوا يعاقبوه زي ما عاقبوا البدري ومختار وغيرهم من المدربين هيعاقبوه ازاي؟
ولما نط من فوق السور من اسبوع ونزل الملعب ودخل مع اللاعبين غرفة اللبس محدش عاقب الزمالك ليه؟؟؟؟؟؟؟؟؟
اما حكاية تساهل مش هقول بيع المباريات اللى بيقوم بيها مدربي الزمالك اللى بيدربوا فرق تانية فاكيدة وشوف اسماعيل يوسف في ماتش الزمالك وماتش اللاسماعيلي النهاردة وشوف طارق يحي امبارح وشوف فاروق جعفر السنة اللى فاتت وفي ماتش الزمالك السنة دي وشوفه في ماتش الاهلى السنة اللى فاتت
اين حمرة الخجل على راي واحد صاحبنا
عمرو فيهم اتصل بالمدعو شلبي على مودرن دلوقت وبيحلف انه مقصدش يدوس على فضل وانه كان هيضربه بعد الماتش علشان فضل تف عليه
طبعا فضل غلط
لكن فهيم كدااااااااااااااااااااب
الاعادة واضح جدا منها انه بعد ما فضل وقع على الارض وفيهم راجع بيبص علي فضل وبعد كدة جه الكلوز عليه بيدوس على فضل يعني كان شايفه
شلبي ده معاهم معاهم عليهم عليهم
لو فضل اتصل بيه دلوقت ممكن يطالب باعدام فيهم
انا شوفتة واتحرق دمى اولا
التحكيم التييييييييييييييييييت
ثانيا الاداء الضحل
ماتش سىء جدا
اقل شيء ممكن يحصل دلوقتي ان الحكم ده ميلعبش اي ماتش الى نهاية الدوري ده اذا كان لسه فى امل فى التحكيم المصري
شىء مسلى جدا ان الواحد يقرا تعليقات مشجعى الاهلى و هما بيتكلموا على التحكيم و النزاهه و بيتهموا فى حسام و ابراهيم و بيتكلموا على الحكام ازاى يا عينى ظلموهم قبل كده
خطا تحكيمى حصل فى ماتش , خلاص المشنأة اتعلقت !!
خلاص الاهلى ده بقي نادى درجة عاشرة و كل انتصاراته المحلية و الافريقية بقي كوسة !
انتوا اصلا كنتم بترموا بلاء الخسارة على الحكام , يبقي الزمالك بينافس على الهبوط و يقولوا الحكام السبب , اصل اتحاد الكرة هو السبب , اصل حسن حمدى مظبط سمير زاهر و معرفش ايه .
اول ما الزمالك شم نفسه و الاهلى كسب فى ظل خطا تحكيمى , خلاااااااااااااااااص كله اتنسه و ابراهيم هيقل ادبه كالعادة ..
شغل احتراف بجد .
لو كل حكم عمل اللى عمله سمير عثمان النهاردة اتوقف لنهاية الموسم يبقي بعد اسبوعين كل الحكام هيتوقفوا لنهاية الموسم
يا راجل
طب بلاش مشجعين الزمالك
وبعدين ابراهيم حسن ايه بس يا راجل
والله ما هيخرب الزمالك تانى غير ابراهيم
واحمدوا ربنا انه موقوف ده لو اتلغي ايقافه وقعد على الدكة والله هتبقي مهازل بعمني الكلمة
وافتكروا لما كانوا بيدربوا في المصري نص المباريات كانوا الاتنين بينطردوا لكن الحكام بيخافوا من الزمالك
وحسام اشتكي وقال محمد نصر بيصورني ومش عايز الكاميرا تصورني علشان عارف انه هيغلط
اما التحكيم فانا جبت 8 مباريات بس الموسم ده كلها اتلغي فيها اهداف صحيحة للاهلي وضربات جزاء صحيحة واتحسب عليه اهداف وضربات جزاء غير صحيحة
هات لي انت ماتش الزمالك اتظلم فيه
بس لو قدرت تجيب هاجيب لك انا في المقابل اكتر من 5 مباريات كسب فيهم بظلم تحكيمي
بقولك ايه
خللى الموضوع ده عن الاهلى وبلاش ندخل الزمالك علشان محدش يزعل
وكل سنة وانت طيب
يا راجل ريح دماغك هما مش كانوا قالوا هيشتكوا للاتحاد الدولي وينسحبوا والهبل بتاع ممدوح عباس اياه طب رجعوا في كلامهم ليه
الله يرحم هينزل وشتيمة جمهور الزمالك لشيكاباللا وعياطه في الملعب اكتر من مرة
it is getting so entertaining
مافيش حد جاب سيره الزمالك
الزمالك نوتى ووحش و اى كلام
خلينا فى الاهلى دلوقتى
يا استاذ كايرو البدري ماعملش اي حاجه غير انه طلعهم من تحت
يعني اي مدرب مصري كان هيطلع اللاعيبه ده من الناشئين
اقصد انه ماعملش شيء مبتكر مثلا
انا معاك جوزيه كان سيء في اخر موسم او موسمين
بس انا لما شوفت منتخب الشباب استغربت ازاي شكري وشهاب وعفروتو دول في الاهلي ومابيلعبوش ولسه هشام محمد مالعبش
بس انا شايف الاهلي سيء جدا واللاعيبه الجديده اللي طلعهم دول مش لسه ناشئين دول لاعبين مباريات وديه دوليه بعدد شعر راسهم بس سكوب ده هو اللي بتاع كشري لو هاني رمزي كان وصل دور الاربعه مستريح
وبعدين في حاجه مهمه الاهلي اتعادل الموسم ده تقريبا 8 مباريات وده كتير قوي قوي
لو الزمالك فايق من الاول كان زمانهمخلص الدوري
وبعدين ربنا يستر من ماتش بيتروجيت الجاي وبعده الزمالك
لأن انا حاسس اننا بالكتير هناخد في واحد 3 نقط بس من السته ده بالكتير قوي
البدري وحش ومش مسيطر علي الفرقه خالص ومش مركز في الماتش بيركز مع الحكم
سؤال واحد اخير هل احمد حسن كان بيشوط كل التسديدات اللي مالهاش لازمه ده مع جوزيه ؟؟
ده كان ممكن يعلقه فيها
إبراهيم حسن ده أسوأ شخصية رياضية فى مصر على الأطلاق وعلى مدار العصور
إبراهيم حسن يطلع فى جول إف إم ويعمل مداخلة مع المذيع المحترم كريم حسن شحاته ويتكلم على ماتش الأهلى والكوسة والظلم لأنبى وإنعدام العدالة!(وإنت مالك )
البعيد مخدش باله من التحكيم فى الزمالك والقرارات الظالمة التى أنصفت الزمالك فى كثير من المباريات وهذا عادى بالنسبة لى كأهلاوى لأن التحكيم بصفة عامة هذا الموسم سىء ولا أفترض إطلاقا بأن هناك مجاملة أو شبهة تواطأ
ومخدش باله مثلا من مباراة الأهلى وبترول أسيوط التى ظلم فيها الأهلى ظلما فادحا وغيرها وبنقول أخطاء تحكيم وعدت مش مؤامرة وكلام فارغ
والآن تردد أنا على إستعداد أن يظلمنى حكم أجنبى وليس مصرى!!!!!!!!!!!!!!
إنت بتعزف على وتر التعصب وهذه ليست رياضة
كفاية إرحمنا من قرفك وإن كنت نسيت أفكرك بإيقافك لمدة عامين بسبب حركة شائنة فى ماتش الجزائر وبداية أزمة خطيرة ما بين شعبين شقيقين ونهاية بما فعلته فى الجزائر فى بطولة ودية عندما قمت بأفعال تسىء لكل المصريين والرياضة وتم إيقافك وأشعلت الدنيا سبا ولعنا لروراة والجزائريين
وخربتها
خليك فى نفسك وكفاية قرف
احنا نسيب اللي حصل و نمسك في إبراهيم حسن ..
الأخطاء التحكيمية وارد حدوثها و تحدث في العالم كله ..بس اللي لا يحدث إن كل الأخطاء التحكيمية تكون في مصلحة فرقة واحدة زي النهاردة
هي فين الفضيحة اللي بتقولوا عليها ؟
معلش بس هي نتيجة الماتش دة هتفرق معاكوا جامد يعني ؟
معترفين بحدوث أخطاء وتنازل من الحكم لمصلحة الأهلى فى إنذارات مستحقة وإنذار وطرد للاعبين من أنبى وهدف مؤكد لأنبى ملغى والثانى لم أتأكد منه فى مقابل 2 أوفسايت للأهلى حرمته من هدفيين محققين
الحكم المتهم بمجاملة الأهلى حكم مباراة الزمالك والإتحاد وكسبها الزمالك 2/0 وكثير من الملاحظات بمبدأ المؤامرة تصب لصالح الزمالك
الماتش سىء تحكيميا هذا مؤكد
الأخطاء واردة
هدف بيد مارادونا وخروج أيرلندا من كأس العالم والعرجون مع الأهلى وظلم مصر الفادح فى تصفيات كأس العالم الماضية وغيرها وغيرها هوه فيه أيه؟
لكن رد الفعل المبالغ فيه من أنصار الزمالك هو الأغرب
بلاها الرياضة التى تسبب التعصب
أنا من النهاردة معنتش مشجع كورة لأنى إكتشفت أنها حرام لأنها تسبب كل هذه الكراهية والعنف والتشفى وتجعل أشخاص بلا قيمة تتصدر الإعلام وتبث السموم بين الناس
والله شىء مقرف أن تكون بهذه الصورة وان يكون المنبر مفتوح لمثل هذه الشخصيات التى تبث سمومها
أشخاص تصيب الإنسان بالغثيان رياضة أيه دى التى من المفروض ان تسمو بالإنسان!