"الياريس عربية حلوة بس علي (أدها)"

**mnegypt** · 12-01-2008 03:27 AM

السلام عليكم,
أنا سألت كذا واحد عن الياريس كلهم أجمعوا أنها عربية كويسة و جميلة بس قالولي أنها علي (أدها) أو مش بتاعت أستعمال شاق
فما هي عيوب الياريس بغض النظر عن حكاية الأبعاد و العدادت لأنها في وجهة نظري حاجات من مهمة أوي
و لو قارنا اليارس و السيتي مانيول 1300 الأثنين فول أوبشان, أيهما أفضل؟

**Chicco** · 12-01-2008 03:42 AM

و عليكم السلام و رحمة الله و بركاته
بص يا سيدي الفاضل Yaris هيا أقل موديلات Toyota بيسموها Entry Level فيها كل مميزات Toyota من اعتمادية و أداء يعيبها إن تقفيلها منخفض الجودة عن بقية ال-Toyota بس مش حتفرق كتير من ال-Corolla إللي هيا الموديل الاعلى منها على طول

علوها عن الارض (زي ال-Corolla) ميزة و عيب ؛ أمان في المطبات بس مش ثابتة أوي على السرعات العالية خصوصا في المنحنيات

ماعنديش معلومات عن السيتي عليك و منتدى ال-Honda

**WaelSalim** · 12-01-2008 03:53 AM

العربية حلوة و مفيهاش عيوب

انها عاليه , ده ممكن يبقى ميزة أو عيب على حسب الطريق
يعنى أنا بحمد ربنا أنها عالية مع كل مطب :d أو حجر على

هيه ثابتة عادى.... بس لو فيه هوا جامد و الطريق فاضى أخرها 140
انا بجيب بيها 160 كتير و مس بحس بأى مشكلة ... بس النهارده كان فيه هوا شديد على الأتوستراد بذات الحتة العالية اللى قبل مايو ... وكنت حاسس انى لوذوت شوي عن 140 كانت هطير من فوق الجبل

**crazyspicy** · 17-01-2008 01:44 PM

يا باشا الياريس عربية كويسة وثابتى نسبيا وزى ما استاذ وائل بيقول انا فى جو كويس على الطريق الصحراوى وصلت الى 175 بس الجو كان كويس

**dr_3eshoo** · 18-01-2008 05:04 AM

عربيه جامده بس جوة البلد طرق و كده ممكن بس انت مسؤل عن نفسك
حموله و تستحمل دي تويوتا يا رجاله ازا مكنش دي تستحمل يبقى ايه الي يستحمل يعني
طبعا احسن الستي مليون مره

**hazem_khidr** · 19-01-2008 09:57 PM

الياريس عربيه جميله جدا
تقدر تقول عليها بيبي كورولا

**محمد ابراهيم 1** · 20-01-2008 12:36 AM

لا يا حازم الياريس مش بيبى كورولا ولا حاجه
الياريس مقاساتها بالنسبه للكورولا هى :
--------------------------------------------------------------------------------

الياريس تقل فى الطول عن الكورولا 2007 ب 11 سم فقط حيث يبلغ طول الياريس السيدان 4300 مم بينما الكورولا طولها 4410 مم
الياريس أقل فى العرض منها ب نصف سم فقط حيث أن عرض الياريس 1690 مم بينما عرض الكورولا 1695 مم
الياريس أقل فى الإرتفاع منها ب 1 سم حين أن إرتفاع الياريس 1480 مم والكورولا 1490 مم
قاعده العجلات فى الياريس طولها 2550 مم بينما الكورولا 2600 مم بفارق 5 سم
المسافه بين محورى العجلتين الأماميتين فى الياريس 1465 والكورولا 1480 بفارق 1,5 سم
_ _ _ _ _ _ _ _ _ _ الخلفيتين_ _ _ _ _ 1460 _ _ _ 1460 بدون أى فوارق
هل يتفق ذلك مع المظهر العام للسيارتين ؟ أنتظر تعليقاتكم

20-01-2008 12:43 AM

انا فعلا عجبنى مصطلح بيبى كورولا
مش من ناحيه الشكل - الشكلين مختلفين و الكورولا ضخمه و فوانيسها و شكلها مختلف خالص بغض النظر عن المقاسات

رغم ان الياريس أقل من الكورولا بسينتيمترات قليله - لكن شكلها طفولى و بيبى فعلا

لكن بيبى كورولا علشان تقريبا من جوه الاتنين شبه بعض جداااااااااا
و الياريس 1300 و الكورولا تقريبا 1600
الياريس اقل سعر من الكورولا

فعلشان كده هى بيبى كورولا بمعنى تقريبا نفس المواصفات مع اختلاف السعر

**mohamed ibiza** · 20-01-2008 12:51 AM

yaris is a perfect car inside the city but stability with rough air will fly with the birdssssssssss

IBIIIIIIIIIIIIIIIIIIIIIIIIIIIIIIIIIIIIIIIIIIIIIIII IIZZZZZZZZZZZZZZZZZZZAAAAAAAAAAAAAAAAAAAA FOR EVER

**hazem_khidr** · 20-01-2008 03:17 AM

محمد باشا مش قصدي ب بيبي كورولا اني اقلل من قيمتها بالعكس.
انا قصدي انها فئه اقل من كورولا و اعتماديتها قريبه من الكورولا .
سندريلا علي فكره الكورولا و الياريس نفس الموتور بالضبط 1300 لكن الكورولا بينزل منها موديل في مصر 1600 لكن قليل