الموضوع: تقييم كورولا 2008 جنوب افريقى

السلام عليكم
اول اشكركم جدا على ردودكم ومعلش اتأخرت شوية لانى كنت مسافر وكمان العربية لسا من غير نمر لانى الافراج سا معه 6 ايام كمان والنمرة هنا فى الغردقة ب 200 جنيه فى اليوم يعنى خراب بيوت
اولا: العربية ممتازة جدا جدا الاوبشن اللى فيها عالى اوى
يعنى مثلا المفتاح المشفر طالما فى جيبى اول ما اقرب من العربية الصالون ينور وتفتح السنتر بتاعها ولو مخلى مفتاح النور الامامى على auto واحنا باليل بمجرد تشغي العربية ينور تلقائى , كمان فتح الشنطة بالريموت ,عند التحرك بالعربية لو مش رابط حزام الامان يبتدى الانذار بصوت هادى بعدين يعلى مده تقارب 2 كيلو تقريبا بعدين يسكت بس يفضل ينور ويطفى ولو جمبك حد راكب مجرد ركوبه جمبك يبدأ انذاره هوا يعنى واحد للسائق والتانى لراكب جمبك يعنى فيه حساس للكرسى بجانب السائق بيشعر بوجود شخص عليه وشغل انذار حزام الامان ,
طبعا العداد بتاع الفول اوبشن غير ك العربيات التانية لانى العدادات فيها معلومات همن بيقولوا عليها شاشة معلومات وكمان بلازما وفعلا انا شفت الاختلاف بينها وبين الاقل منها فى الموديل العداد مختلف,
معدل التسارع فيها عالى جدا جدا وانا جربته فى الزنقات كمان فيها زرار فوق الفتيس مكتوب عليه ES ده لما اكون عايز اسوق بطريقة رياضية ادوس عليه , cd changer 6 اسطوانات فى نفس ال cd اللى فى العربية بندوس على زرار مكتوب عليه loud بندوس عليه واندخل ال 6 اسطوانات بالتوالى كمان هوا mp3 , wma 6 و 6 سماعات صوتهم جميل جدا وعالى جدا , 7 air bag بيغطوا كا جزئ فى العربية واحده للسائق والتانية للى جمبه بالضافة الى 4 ستاير بيغطوا جوانب العربية وواحده لرجل السائق ,
فيه زرار تحت عجلة القيادة بتدوس عليه بيطلع منظف ينظف الفوانيس اللى قدام ,
المتور مغطى تماما وبمجرد فتح الكبوت مش حتشوف حاجه كل حاجة منظمة ومتغطية تماما وشيك اوى مش زى االانسر
طبعا فتيس mmt طبعا هوا مانيوال واوتوماتيك فى نفس الوقت وانا بنفسى جربت الاتنين وممكن نغير من مانيوال لاتوماتيك واحنا ماشيين
ولما تحولها لمانيوال ممكن تغير من دراعين ورا العجلة او من الفتيس نفسه بلطشة لفوق للزيادة او لتحتن للنقص
العربية حلوة وواسعة ثايتة جدا على الطريق وانا بنفسى شفت ده فى منحنيات وكنت ماشى بسرعة كبيرة وكانت ما شاء الله ثابتة اوى
انا جربت الانترا 2008 ماكانتش ثابتة
الكورولا ممتازه جدا
ممكن تقف الوسادة الهوائية بتاعة اللى جمب السائق بمفتاح لانى الوسائد الهوائية حساسة جدا وممكن تفتح وده حيبوظ العربية ولازم اروح التوكيل موال يعنى
الشنطة واسعه جدا وكمان ممكن ننزل الكراسى الخلفية توسع خالص وكمان الشنطة متبطنة بالكامل
طبعا جنوط سبور 16 بوصة
صح حاجة مهمة اصل الفتيس مانيوال مش اتوماتيك مش زى باقى العربيات يعنى ىالاصل فيه مانيوال والاضافى هو اتوماتيك وعشان كده العربية و عطلت او واقفة صف تانى ممكن تتزق وتتحرك مش زى باقى العربيات

* فيه حاجة غريبة ممكن تفيدونى فيها انا وعلى الاتوماتيك بحس بالتغيير بين السرعات وده مضايقنى مش عارف ده عيب ولا علشان العربية لسا جديده

فيه بعض الصور وانا مصورها بالموبايل اتمنى تكون واضحة وهيه مش كتير ان شاء الله اجيب صور تانية
والعريبة بتخرج من المعرض السواق حضن على الباب الزجاج فخدت كدمة فى الباب بتاع السائق هيه بسيطة بس مش مستريح وبصراحة الباب متقفل بطريقة مش عارف افكه ايه الحل وهل من طريقة لعاج الكدمة من غير فك الباب وشكرا
معلشى حاوت مع الصور بس حجم الصور كبيرة والبرنامج اللى صغر خلاها مش واضحة ان شاء الله ححاول اصورها بحجم صغير
وشكرا بيكم

ربنا يباركلك فيها
أنا كمان مع الرأي إن احساسك بالنقل هيزيد مع شدك على البنزين ( تعلية rpm فوق 3 )