الموضوع: ياجماعة بجد انا زهقت ومحتار

المشاركة الأصلية كتبت بواسطة crazyspicy

الاخوة بيقولوا ان الياريس كاتيجورى اقل وده انا معاك فيها لكن بجانب كده الياريس هاى تكنولوجى لان المحرك بتاعها dohc مزود بعدد 2 كامة علوية متوازية وبتحول الموتور لتكنولوجى dual vvti اللى يخلى الياريس على سعتها اللترية 1300 تولد 92 حصان وده صعب جدا تلاقيه فى اى عربية تانيه مع العلم ان الياريس اوسع صالون بعد الهيونداى ماتريكس والكبوت قصير فمعامل الدوران اعلى بالنسبة لموقع جلوسك بالسيارة

الياريس موتورها مش dual vvti الياريس موتورها VVTI بس زي موتور الكورولا الـ 2007 والموديل بتاعه 2NZ-FE والقوة الحصانية بتاعتة 85 حصان بس مش 92 زي ما التوكيل بيدعي...والـ 85 حصان دول كمان هما اقصي خرج للموتور من غير احمال او فواقد...يعني علي ما يوصلوا لعجل العربية مش هايكملو الـ 80 الحصان....

دة برضة ما يمنعش ان الياريس عربية ممتازة وعملية واعتماديتها عالية جدااا واقتصادية جدااا في الشتغيل.....وانا عن نفسي افضلها عن الالنترا الجديدة....

اية موضوع الاسبشال اوردر دا عاجبنى اوى ياريت توضح اكتر

لو المقارنة بين هاتين السيارتين
يبقى الألنترا طبعا
سيارة أكبر ........ محرك أقوى ....... تكييف أفضل ..... سعر أعادة بيع جيد .......
و الناس التي تقول كوري و الكلام ده
الهيونداي ماركة عالمية محترمة و كلمة صنع في كوريا هي موضع ثقة و ليس العكس
و مع أحترامي لليابان و منتجاتها الممتازة و لكن لي رأي ليس كل الياباني ممتاز ........
و على فكرة شكل الإلنترا أحلى

و لكن خروجا عن الموضوع هناك نوعين يمكن وضعهم في تفكير حضرتك
الأول هي الجين 2
كماليات أكثر و اداء أعلى من الياريس بكثير و اداء متساوي مع الألنترا و سعر أرخص

و هناك أيضا النيسان صني ...... ممتازة

هل يعلم بعض الناس هنا أن هناك سيارات ياريس رجعت للوكيل في مصر في أول 1000 كم بسبب عيب في اسطوانة الدبرياج !!
و لكن العدد ليس بكثير و هذا لا يقلل من جودة السيارة و لكن لإثبات أن كل سيارة ممكن يبان فيها عيوب
و شكرا و لكم تحياتي

المشاركة الأصلية كتبت بواسطة tutankhamoun

هل يعلم بعض الناس هنا أن هناك سيارات ياريس رجعت للوكيل في مصر في أول 1000 كم بسبب عيب في اسطوانة الدبرياج !!
و لكن العدد ليس بكثير و هذا لا يقلل من جودة السيارة و لكن لإثبات أن كل سيارة ممكن يبان فيها عيوب
و شكرا و لكم تحياتي

دة موقف يحسب للشركة وللتوكيل انها اعترفت انة عيب صناعي وغيرتة علي حسابها...وشركة تويوتا مش معصومة من الخطأ ولا بتصنع منتج 100%....ولكنها تقترب من الدرجة دي جداااا تقدر تقول مثلا 98% او 99%....
في ناس كتير اشتكوا من عيوب اكتر من كدة في السيارات الفيرنا ايلي فضلت سنين تحدف شمال مرة ويمين مرة والتوكيل لم يحرك ساكنا وطلب من الزباين انهم يغيروا جنوط علي حسابهم....دي بقي الصناعه الكوري ايلي بتقترب من الياباني...
في ناس كتير بعد ما جابت الالنترا ...اتصدمت بعيوب واعطال متكررة وضياع وقت في التوكيل علي الفاضي ...وفكروا انهم يبيعوا العربية من البهدلة ايلي شافوها ...

ميزة السيارات اليابانية ...عموما وتويوتا خاصة....انها "Trouble Free Cars" يعني مريحة للدماغ...مشكلها فخم قوي...زي الليكزس ولا كلها سبور وبتجري ...بس كلها عملية واقتصادية في فئتها وقليلة او منعدمة الاعطال لو تم عمل صيانتها ومراعاتها...

الهيونداي ماركة عالمية محترمة و كلمة صنع في كوريا هي موضع ثقة و ليس العكس
و مع أحترامي لليابان و منتجاتها الممتازة و لكن لي رأي ليس كل الياباني ممتاز ........


مع احترامي الكامل لرأي حضرتك ولكن ممكن تقولي زي ايه كده لأني لما بنظر للسوق بتاعنا بالذات عمري ما بلاقي عربيه ياباني مهما كانت فيها مشكله في الفتيس او الطنابير او تيل الفرامل او اداء الفرامل او جودة الخامات او العمر الأفتراضي او عيوب تصنيع عموما
وخصوصا ان الموضوع ده منتشر جدا في الكوري وان كان حتى مش كبير ولكن موجود وليس مثل الياباني
وهذا ليس تقليل بشأن الكوري
ولكن مش معنى كده ان احنا نقول عليه زي الياباني
فده شئ لا يمكن وهذا ليس تكلم من فراغ او تعصب اعمى وانما انا جربت الكوري
وممكن احكيلك من هنا للصبح عن الحاجات اللي في الكوري ومش موجوده نهاائي ولا تفكر فيها في الياباني ان كانت عيوب تصنيع او رداءة تصنيع اذا كانت في الدهان او جودة الخامات او العمر الأفتراضي لكل قطعه في العربيه او قوة استحمال او اداء العربيه
يعني انت ممكن تقولي الياباني مشاكله ايه والكوري مشاكله ايه
الياباني مشاكله ممكن تتكلم في شكل وسع داخلي اما اداء و عيوب تصنيع مش للدرجه
اما الكوري لما تحب تتكلم هتلاقيك بتتكلم عن عيوب تصنيع في المقدمة
ومشاكل تشغيل بعد ذلك والتوكيلات بتاعت الكوري هتشهد بذلك
ولذلك ان الياباني بيمسك سعر عن الكوري في السوق المصري ده ليس من فراغ وانما في فرق اني بشتري عربيه خايف منها او مقلق او متحفظ على حاجات معينه علشان متبوظشي مني
وفي فرق اي بشتري عربيه ممكن لا افكر اني اشتريها بضمان لني اعلم علم يقيني انها مش هتطلع قرعا زي البطيخه
وكلامي عن تجارب وليس تعصب علشان محدش يرمي الحجه على مثل هذه الشماعات
وشكرا

الأخوة الكرام
الأستاذ أبو عبد الله و الأستاذ هيرو
أنا معاكم إن سمعة الياباني العظيمة تغطي على أي عيب يظهر فيه
حتى الأستاذ هيرو قال

دة موقف يحسب للشركة وللتوكيل انها اعترفت انة عيب صناعي وغيرتة علي حسابها...وشركة تويوتا مش معصومة من الخطأ ولا بتصنع منتج 100%....ولكنها تقترب من الدرجة دي جداااا تقدر تقول مثلا 98% او 99%....

حتى العيوب التي ظهرت في السيارة أصبحت نقاط قوة في صالح السيارة في نظره ..... مع إن نفس الشئ لو حدث مع سيارة أخرى لكان غلطة لا تغتفر

نرجع لموضوع الجودة في الصناعة
كوريا من الدول التي تقوم بصناعة صناعات جيدة جدا و تهتم بالجودة و تهتم بصناعة اسم تجاري جيد
و السيارات موضع المقارنة هنا هي الفيرنا صاحبة عيوب التقفيل و الياريس
الفيرنا ب 70 ألف جنيه كاملة و الياريس ب 100 ألف جنيه كاملة
فطبعا هناك فرق في السعر ليس صغير
و أنا معاك إن سيارات تويوتا في مصر مبالغ في سعرها جدا و لكن يزال هناك فرق في السعر لصالح الياريس في الغلو
و أيضا أريد أن أضيف شئ هام ....... غبور هو سبب المشاكل في التقفيل و زعل العملاء و إن كانت هيونداي تشاركه الغلط لعدم متابعتهم لمشاكل العملاء في مصر

و لكني اريد أن أوضح نقطة
الياباني ممتاز جدا ............ نعم
و لكن
هل السيارات الياباني أفضل الموجود
لا
الياباني من أفضل الصناعات عموما و لكن هناك دول تقوم بصناعة سيارات ممتازة و منها كوريا
و لكم جميعا تحياتي